ព័ត៌មានជាតិ

ឃាត់ខ្លួនបុរសម្នាក់ ដែលប្រទូស្តកេរ្តិ៍ខ្មាសក្មេងស្រីអាយុ ៥ ឆ្នាំ

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

ជនសង្ស័យម្នាក់ ត្រូវបានកម្លាំងនគរបាលឃាត់ខ្លួន ពាក់ព័ន្ធនឹងករណីប្រទូស្តកេរ្តិខ្មាស់ លើក្មេងស្រីអាយុ៥ឆ្នាំ កាលពីថ្ងៃទី២០ ខែឧសភា ឆ្នាំ២០២១ នៅខេត្តបាត់ដំបង។

ជនដៃដល់ល្មោភកាមម្នាក់ បានធ្វើសកម្មភាពប្រទូស្តកេរ្តិ៍ខ្មាសលើក្មេងស្រីទើបអាយុ០៥ឆ្នាំ ដែលបញ្ហានេះបានកើតឡើង នៅចំណុចក្នុងបន្ទប់ទឹក ផ្ទះជនរងគ្រោះ ខណៈពេលដែលជនរងគ្រោះងូតទឹកក្នុង បន្ទប់ទឹកម្នាក់ឯង ចំណែកជីដូនរបស់ជនរងគ្រោះមិននៅផ្ទះ និង ជីតាជនរងគ្រោះនៅផ្ទះ តែផឹកស្រាស្រវឹង។ នៅពេលឃើញឱកាសល្អបែបនេះ ទើបជនសង្ស័យឆ្លៀតធ្វើសកម្មភាពតែម្តងដោយ ហេតុការណ៍នេះ កើតឡើងនៅចំណុចក្រុមទី០២ ភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង កាលពីថ្ងៃទី២០ ខែឧសភា ឆ្នាំ២០២១ វេលាម៉ោង១ និង៣០នាទី រសៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមាន ឈ្មោះ ទូច ចាន់ណេត ហៅ យ៉េត ភេទប្រុស អាយុ៣២ឆ្នាំ មានទីលំនៅភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង ដែលបានធ្វើសកម្មភាពស្ទាបអង្អែលប្រដាប់ភេទ របស់ជនរងគ្រោះ អាយុ០៥ឆ្នាំ រស់នៅភូមិ.ឃុំជាមួយគ្នា ដោយពេលនេះសមត្ថកិច្ចបានឃាត់ខ្លួនជនល្មោភកាមនោះបានហើយ ដើម្បីបញ្ជូនទៅតាមផ្លូវច្បាប់៕