Connect with us

ព័ត៌មានអន្ដរជាតិ

រុស្ស៊ី​​និយាយ​​ថា​ ទាហាន​​អ៊ុយក្រែន​​ជិត​​៧០០​​នាក់​ទៀត​​បាន​​ចុះ​​ចាញ់

បានផុស

នៅ

កាល​ពី​ថ្ងៃ​ពុធ​ម្សិល​មិញ រដ្ឋាភិបាល​ក្រុង​មូស្គូ​បាន​និយាយ​ថា ទាហាន​អ៊ុយក្រែន​ជិត​៧០០​នាក់​ទៀត​បាន​ចុះ​ចាញ់​នៅ​ទី​ក្រុង Mariupol ដែល​គ្រប់​គ្រង​ដោយ​រុស្ស៊ី បន្ទាប់​ពី​បាន​ចុះ​ចាញ់​ជាង២៥០​នាក់​កាល​ពី​ថ្ងៃ​អង្គារ៍​ ទី​១៧ ខែ​ឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ុយក្រែន​បាន​បញ្ជា​ឲ្យ​កម្លាំង​ទ័ព​របស់​ខ្លួន​នៅ​ទី​ក្រុង Mariupol ដាក់​អាវុធ​ចុះ​ចាញ់ ប៉ុន្តែ​​លទ្ធផល​ចុង​ក្រោយ​នៃ​ការ​ប្រយុទ្ធ​គ្នា​ហូរ​ឈាម​នៅ​តែ​មិន​អាច​ដោះ​ស្រាយ​បាន។

ទោះ​ជា​យ៉ាង​ណា មេ​បញ្ជាការ​កំពូល​ៗ​របស់​អ៊ុយក្រែន​ដែល​​ឈរ​ជើង​ចុង​ក្រោយ​នៅ​រោង​ចក្រ​ដែក Azovstal ក្នុង​ទី​ក្រុង​កំពង់​ផែ Mariupol កំពុង​ស្ថិត​នៅ​ខាង​ក្នុង​រោង​ចក្រ​នៅ​ឡើយ។ នេះ​បើ​យោង​តាម​មេ​ដឹកនាំ​ក្រុម​បំបែក​ខ្លួន​ដែល​គាំទ្រ​ដោយ​រុស្ស៊ី​​ក្នុង​​តំបន់គ្រប់​គ្រង​គឺ​លោក Denis Pushilin ដែល​ត្រូវ​បាន​កាសែត DNA ស្រង​សំដី​កាល​ពី​ថ្ងៃ​ពុធ។

មន្ត្រី​អ៊ុយក្រែន​ក៏​មិន​បាន​និយាយ​អ្វី​ជុំ​វិញ​កម្លាំង​ទ័ព​របស់​ខ្លួន​ដែល​ចុះ​ចាញ់​ទាំង​នោះ​ដែរ។ អ្នក​នាំ​ពាក្យ​យោធាអ៊ុយក្រែន លោក Oleksandr Motuzaynik បាន​ប្រាប់​សន្និសីទ​កាសែត​ថា ៖«រដ្ឋ​កំពុង​ខិត​ខំ​ប្រឹង​ប្រែង​អស់​ពី​សមត្ថភាព​ដើម្បី​ជួយ​សង្គ្រោះ​កម្លាំង​ទ័ព​របស់​ពួក​យើង។ ព័ត៌មាន​ណាមួយ​ទៅ​កាន់​សាធារណៈ​អាច​គ្រោះ​ថ្នាក់​ដល់​ដំណើរ​ការ»។

កាល​ពី​ថ្ងៃ​អង្គារ៍ ទី១៧ ខែ​ឧសភា អ៊ុយក្រែន​បាន​បញ្ជាក់​ថា ​ទាហាន​របស់​ខ្លួន​ជាង​២៥០​នាក់​បាន​ដាក់​អាវុធ​ចុះ​ចាញ់​រុស្ស៊ី ប៉ុន្តែ​មិន​បាន​និយាយ​ថា តើ​នៅ​មាន​ទាហាន​ប៉ុន្មាន​នាក់​ទៀត​ស្ថិត​នៅ​ខាង​ក្នុង។

កាល​ពី​ថ្ងៃ​ពុធ រុស្ស៊ី​បាន​និយាយ​ថា ​ទាហាន​អ៊ុយក្រែន៦៩៤​នាក់​ទៀត​បាន​ចុះ​ចាញ់​ដែល​សរុប​បាន​កើន​ឡើង​ដល់​៩៥៩​នាក់​ហើយ។ ក្រសួង​ការពារ​ជាតិ​រុស្ស៊ី​បាន​បង្ហោះ​វីដេអូ​ពី​អ្វី​ដែល​ខ្លួន​បាន​និយាយ​ថា ​ទាហាន​អ៊ុយក្រែន​​ដែល​របួស​កំពុង​ត្រូវ​បាន​ព្យាបាល​នៅ​មន្ទីរ​ពេទ្យ បន្ទាប់​ពី​បាន​ចុះ​ចាញ់​នៅ​រោងចក្រ Azovstal។

អភិបាល​ក្រុង Mariupol លោក Vadym Boichenko បាន​និយាយ​ថា ប្រធានាធិបតី​អ៊ុយក្រែន Volodymyr Zelenskiy កាក​បាទ​ក្រហម និង​អង្គការ​សហ​ប្រជា​ជាតិ​កំពុង​ពិភាក្សា​គ្នា ប៉ុន្តែ​លោក​មិន​បាននិយាយ​លំអិត​ទេ។

Mariupol ជា​ទីក្រុង​ធំ​ជាង​គេ​បំផុត​ដែល​រុស្ស៊ី​ដណ្តើម​បាន​គ្រប់​គ្រង​ពី​អ៊ុយក្រែនរហូត​ដល់​ពេល​នេះ ហើយ​លោក​ប្រធានាធិបតី​រុស្ស៊ី វ្លាឌីមៀរ ពូទីន បាន​ប្រកាស​ពី​ជ័យជម្នះ​ដ៏​កម្រ​សម្រាប់​ប្រតិបត្តិការ​យោធា​របស់​ខ្លួន​ដែល​បាន​ចាប់​ផ្តើម​តាំង​ពី​ថ្ងៃ​ទី​២៤ ខែ​កុម្ភៈ៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

កម្មវិធីពន្លឿនអាជីវកម្ម Visa សម្រាប់ ឆ្នាំ ២០២៤ រៀបចំឡើងដើម្បី​បញ្ឆេះភាពច្នៃប្រឌិតថ្មីៗ របស់ម្ចាស់អាជីវកម្ម​ដែលទើបបង្កើតថ្មី នៅតំបន់អាស៊ីប៉ាស៊ីហ្វិក

វប្បធម៌ ជំនឿ១២ នាទី មុន

ដើម្បី ឧស្សាហកម្មស្លដែកខ្មែរបុរាណ អាចចូលបេតិភណ្ឌពិភពលោកបាន ត្រូវការអ្វីខ្លះ?

ជីវិតកម្សាន្ដ២៤ នាទី មុន

នាយ ក្រឹម ពោលពាក្យយ៉ាងក្ដុកក្ដួល ពេលចូលរួមបុណ្យសព នាយ ស្វិត

ព័ត៌មានជាតិ២៧ នាទី មុន

កំណើនវិស័យកសិកម្ម ជួយជំរុញសេដ្ឋកិច្ចជាតិ និងកាត់បន្ថយភាពក្រីក្រប្រជាជន

ជីវិតកម្សាន្ដ៣៤ នាទី មុន

ឈុតរបស់ Chompoo ប្លែកពេក អ្នកគាំទ្រស្មានថានាងដណ្ដប់ភួយដើរម៉ូដនៅប៉ារីស

Sokha Hotels

ព័ត៌មានពេញនិយម