ចិន បាញ់មីស៊ីលលើ កោះតៃវ៉ាន់ ហោះធ្លាក់ចូលសមុទ្រ (មានវីដេអូ)

យោងតាមវីដេអូ និងរបាយការណ៍ពីសារព័ត៌មាន RT បានឲ្យដឹងថា កងទ័ពរំដោះប្រជាជនចិន (PLA) បានបាញ់គ្រាប់មីស៊ីលឆ្លងដែនអាកាសរបស់តៃវ៉ាន់ និងធ្លាក់ចូលសមុទ្រហួសពីកោះនេះទៅទៀត ។

កងទ័ពរំដោះប្រជាជនចិនកំពុងធ្វើសមយុទ្ធយោធាបាញ់គ្រាប់ពិតក្នុងលក្ខណៈទ្រង់ទ្រាយធំ ជាពិសេសផ្ដោតសំខាន់នៅជុំវិញកោះតៃវ៉ាន់ដើម្បីឆ្លើយតបទៅនឹងដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ។

យោងតាមការចុះផ្សាយរបស់កាសែត Global Times បានឲ្យដឹងដែរថាមីស៊ីលដែលកងទ័ព PLA បាញ់ឆ្លងកាត់កោះតៃវ៉ាន់នោះជាប្រភេទប្រព័ន្ធមីស៊ីល PCL-191 ហើយសមយុទ្ធនេះ ក៏រួមមានការប្រើប្រាស់អាវុធទំនើបៗជាច្រើន រួមទាំងមីស៊ីលល្បឿនលឿនជាងសំឡេង ទំនើបបំផុតរបស់ចិនប្រភេទ DF-17 ផងដែរ ។

គួរបញ្ជាក់ថា សមយុទ្ធយោធាទ្រង់ទ្រាយធំរបស់ទីក្រុងប៉េកាំងដែលផ្ដោតសំខាន់លើកោះតៃវ៉ាន់ ក្រោយការមកដល់របស់លោកស្រី Pelosi បានចាប់ផ្ដើមនៅថ្ងៃទី៤ ខែសីហា ហើយនឹងបន្តរហូតដល់ថ្ងៃទី៧ ខែសីហានេះ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ចិន បិទនាំចេញ-នាំចូលទំនិញ តៃវ៉ាន់ ២ ពាន់មុខបន្ថែមទៀត