សេដ្ឋកិច្ច

ចិន បិទនាំចេញ-នាំចូលទំនិញ តៃវ៉ាន់ ២ ពាន់មុខបន្ថែមទៀត

បានផុស

៤ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

រដ្ឋបាលគយចិនបានផ្អាកការនាំចូលផលិតផលអាហារតៃវ៉ាន់ជាង ២,០០០ មុខបន្ថែមទៀត ក្នុងចំណោមផលិតផលអាហារប្រហែល ៣,២០០ មុខ ដោយសារតែការធ្វើដំណើរទស្សនកិច្ចរបស់លោកស្រី Nancy Pelosi មកកាន់កោះដែលគ្រប់គ្រងតាមបែបប្រជាធិបតេយ្យមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ចិនក៏បានបិទការនាំចូលផលិតផលអាហារតៃវ៉ាន់រាប់រយក្រុមហ៊ុន ក៏ដូចជាផ្អាកជាបណ្តោះអាសន្នការនាំចេញខ្សាច់ធម្មជាតិទៅកាន់កោះតៃវ៉ាន់ផងដែរ ពោលជាផ្នែកមួយក្នុងយុទ្ធនាការដើម្បីដាក់ទណ្ឌកម្មសេដ្ឋកិច្ចចំពោះដំណើរទស្សនកិច្ចរបស់ប្រធានសភាអាមេរិករូបនេះ ។

ដោយឡែកទីក្រុងប៉េកាំងក៏បានប្រកាសផ្អាកការនាំចូលអាហារសំខាន់ៗចំនួន ៣៥ ប្រភេទផងដែរ រួមទាំងត្រី អាហារសមុទ្រ ប្រេងដែលអាចបរិភោគបាន ផ្លែក្រូចឆ្មារ និងនំខេក ជាពិសេសផលិតផលតៃវ៉ាន់របស់ក្រុមហ៊ុនធំៗដូចជា ក្រុមហ៊ុនផលិតមី និងទឹកស៊ីអ៊ីវ Ve Wong និងក្រុមហ៊ុនផលិតសម្ភារៈ Chi Mei ជាដើម ។

រដ្ឋបាលគយរបស់ប្រទេសចិនបានផ្អាកការនាំចូលផលិតផលទាំងនេះជាសាធារណៈនៅលើគេហទំព័ររបស់ខ្លួន និងបានបញ្ជាក់ថា ក្រុមហ៊ុនតៃវ៉ាន់ទាំងនោះមិនបានបំពេញការចុះឈ្មោះផលិតផលក្រោមច្បាប់ថ្មីរបស់ចិន ។

គួរបញ្ជាក់ថា ការប្រកាសនេះកើតឡើង នៅពេលដែលលោកស្រី Pelosi ធ្វើដំណើរទស្សនកិច្ចមកកាន់តៃវ៉ាន់ បើទោះបីជាក្រុងប៉េកាំងបានព្រមានអំពី “ផលវិបាកយ៉ាងធ្ងន់ធ្ងរ” ប្រសិនបើអ្នកនយោបាយប្រជាធិបតេយ្យជើងចាស់រូបនេះធ្វើដំណើរមកកោះនេះក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ Financial Times

ចុចអាន ៖ មកដឹងពាណិជ្ជកម្ម តៃវ៉ាន់ ដែល ចិន បញ្ឈប់ការនាំចេញ-នាំចូល ដោយសារ លោកស្រី Pelosi

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា