កងទ័ពតៃវ៉ាន់ ប្រកាសត្រៀមធ្វើសង្គ្រាម ជាមួយ ចិន

យោធាតៃវ៉ាន់ បានចេញសេចក្តីថ្លែងការណ៍មួយ ដែលក្នុងនោះនិយាយថា កងកម្លាំងរបស់ខ្លួនកំពុងប្រុងជើងការ និងតាមដានយ៉ាងដិតដល់នូវសមយុទ្ធរបស់ចិន។

ក្រសួងការពារជាតិសង្កត់ធ្ងន់ថា ខ្លួននឹងប្រកាន់ខ្ជាប់នូវគោលការណ៍នៃការត្រៀមខ្លួនធ្វើសង្រ្គាម ប៉ុន្តែមិនស្វែងរកការបង្កសង្រ្គាមទេ និងមិនធ្វើអាកប្បកិរិយាបង្កភាពតានតឹង និងជម្លោះឡើយ។

តៃវ៉ាន់ បានធ្វើសមយុទ្ធ​ការពារ​ជនស៊ីវិលក្នុងករណីមានសង្គ្រាម ហើយបានរៀបចំកន្លែងការពារខ្លួនពីការវាយប្រហារអាកាស នៅទូទាំងកោះនេះ។

ក្រសួងនិយាយថា អាកប្បកិរិយាមិនសមហេតុផលរបស់ប្រទេសចិន មានគោលបំណងផ្លាស់ប្តូរស្ថានភាពបច្ចុប្បន្ន រំខានដល់សន្តិភាព និងស្ថិរភាពក្នុងតំបន់។

ក្រសួងការពារជាតិតៃវ៉ាន់ ក៏បាននិយាយផងដែរថា កងទ័ពជាតិរបស់ខ្លួននឹង រក្សាទំនាក់ទំនងជិតស្និទ្ធជាមួយសម្ព័ន្ធមិត្តក្នុងតំបន់ ហើយពង្រឹងការសម្របសម្រួលដើម្បីទប់ស្កាត់ការឡើងកម្តៅនៃស្ថានភាពសន្តិសុខ៕

ប្រែសម្រួល៖ Vann Vann

ប្រភព៖ SKY

ចុចអាន៖ ម្សិលមិញ ចិន បាញ់មីស៊ីល មិនតិចគ្រាប់ទេ