ព័ត៌មានអន្ដរជាតិ
EU និងអាស៊ាន សម្រេចបានកិច្ចព្រមព្រៀងដឹកជញ្ជូនតាមផ្លូវអាកាស
សហភាពអឺរ៉ុប (EU) និងសមាគមប្រជាជាតិអាស៊ីអាគ្នេយ៍ (អាស៊ាន) នៅថ្ងៃចន្ទនេះបានចុះហត្ថលេខាលើកិច្ចព្រមព្រៀងដឹកជញ្ជូនតាមផ្លូវអាកាសរវាងប្លុកទាំងពីរជាលើកដំបូងដើម្បីជួយឧស្សាហកម្មនេះឲ្យងើបឡើងវិញ បន្ទាប់ពីជំងឺរាតត្បាតកូវីដ១៩ ។
សេចក្តីថ្លែងការណ៍រួមបានឲ្យដឹងថា “កិច្ចព្រមព្រៀងនេះនឹងផ្តល់ឱកាសកាន់តែច្រើនសម្រាប់ក្រុមហ៊ុនអាកាសចរណ៍អាស៊ាន និងសហភាពអឺរ៉ុប ដើម្បីដំណើរការសេវាដឹកអ្នកដំណើរ និងទំនិញនៃតំបន់ទាំងពីរ ហើយក៏នឹងជួយជំរុញការងើបឡើងវិញនៃការតភ្ជាប់ផ្លូវអាកាសរវាងតំបន់ទាំងពីរផងដែរ បន្ទាប់ពីជំងឺរាតត្បាតកូវីដ ១៩” ។
កិច្ចព្រមព្រៀងនេះអនុញ្ញាតឲ្យក្រុមហ៊ុនអាកាសចរណ៍ EU និងអាស៊ានឡើងជើងហោះហើរដឹកអ្នកដំណើររហូតដល់ ១៤ ជើងប្រចាំសប្តាហ៍ ខណៈជើងហោះហើរដឹកទំនិញវិញ គឺគ្មានដែនកំណត់ឡើយតាមរយៈប្រទេសទីបីណាមួយ ។
ការចរចាលើកិច្ចព្រមព្រៀងនេះបានចាប់ផ្តើមនៅឆ្នាំ ២០១៦ និងបានបញ្ចប់នៅឆ្នាំ ២០២១ ហើយឥឡូវនេះវានឹងឆ្លងកាត់ការអនុម័តដោយរដ្ឋជាសមាជិកសហភាពអឺរ៉ុប និងអាស៊ាន ។
គួរបញ្ជាក់ថា កិច្ចព្រមព្រៀងដឹកជញ្ជូនផ្លូវអាកាសមួយនេះត្រូវបានចុះហត្ថលេខានៅក្នុងកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី ២៨ នៅកោះបាលី ប្រទេសឥណ្ឌូណេស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង