ព័ត៌មានអន្ដរជាតិ
លោក បៃដិន សម្រេចហើយថាមិនផ្ដល់យន្តហោះចម្បាំង F-16 ឲ្យ អ៊ុយក្រែន ទេ
ប្រធានាធិបតីអាមេរិកលោក ចូ បៃដិន បានលើកឡើងកាលពីថ្ងៃចន្ទថា ទីក្រុងវ៉ាស៊ីនតោននឹងមិនផ្តល់យន្តហោះចម្បាំង F-16 ដល់អ៊ុយក្រែននៅក្នុងកញ្ចប់ជំនួយយោធានាពេលអនាគតរបស់ខ្លួនឡើយ ។
ការកត់សម្គាល់របស់ប្រធានាធិបតីអាមេរិកបានកើតឡើង នៅពេលលោកថ្លែងទៅកាន់អ្នកសារព័ត៌មាននៅសួន South Lawn ក្នុងបរិវេណសេតវិមាន បន្ទាប់ពីលោកត្រលប់មកពីព្រឹត្តិការណ៍មួយនៅទីក្រុង Baltimore រដ្ឋ Maryland ។
នៅពេលអ្នកសារព័ត៌មានសួរថាតើយន្តហោះ F-16 ត្រូវបានដាក់បញ្ចូលនៅក្នុងកញ្ចប់ជំនួយយោធានាពេលខាងមុខសម្រាប់អ៊ុយក្រែនឬអត់ លោក បៃដិន បានឆ្លើយយ៉ាងខ្លីថា “ទេ យើងមិនផ្ដល់ឲ្យអ៊ុយក្រែនឡើយ” ។
អ៊ុយក្រែនបាននឹងកំពុងអំពាវនាវឲ្យរដ្ឋបាលលោក បៃដិន និងសមាជិកសភាអាមេរិកផ្តល់យន្តហោះចម្បាំង F-16 ដើម្បីជួយពង្រឹងដល់កងកម្លាំងរដ្ឋាភិបាលលទីក្រុងកៀវ ខណៈប្រតិបត្តិការសឹករបស់រុស្ស៊ីនៅតែបន្តអូសបន្លាយពេល ។
ទន្ទឹមនោះ សេចក្តីប្រកាសកាលពីថ្ងៃចន្ទរបស់លោក បៃដិន បានកើតឡើង ខណៈដែលមន្ត្រីក៏បានបញ្ជាក់ផងដែរថា ទីក្រុងវ៉ាស៊ីនតោនបានបញ្ជូនយានជំនិះប្រយុទ្ធ Bradley លើកដំបូងរបស់ខ្លួនប្រមាណ ៦០ គ្រឿងទៅកាន់ប្រទេសអ៊ុយក្រែនរួចហើយ ដូច្នេះមិនចាំបាច់ផ្ដល់យន្តហោះ F-16 អ្វីទៀតនោះទេ ។
គួរបញ្ជាក់ថា មកដល់ពេលនេះ សហរដ្ឋអាមេរិកបានផ្តល់ជំនួយសន្តិសុខដល់អ៊ុយក្រែន ក្នុងទំហំទឹកប្រាក់ ២៧.១ ពាន់លានដុល្លារហើយ ចាប់តាំងពីផ្ទុះប្រតិបត្តិការសឹករបស់រុស្ស៊ី ដែលនឹងឈានដល់ខួប ១ ឆ្នាំនៅក្នុងខែកុម្ភៈនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ហេតុផលចំនួន ៣ រុស្ស៊ី នឹងកម្ទេចរថក្រោះ អាមេរិក-អាល្លឺម៉ង់ ដែលបញ្ជូនឲ្យ អ៊ុយក្រែន ទៅជាផេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង