ព័ត៌មានអន្ដរជាតិ
កាត់ទោសសកម្មជនបរិស្ថាន អង់គ្លេស ២ រូបដែលបិទចរាចរណ៍លើស្ពាន ១៧ ម៉ោង ឲ្យជាប់ពន្ធនាគារ ៥ ឆ្នាំ
សកម្មជនបរិស្ថានអង់គ្លេស ២ រូបដែលមានឈ្មោះ Morgan Trowland និង Marcus Decker ត្រូវបានតុលាការ Southend Crown កាត់ទោសកាលពីថ្ងៃសុក្រឲ្យជាប់ពន្ធនាគាររយៈពេល ៥ ឆ្នាំ និង ៧ ខែទៅតាមទោសកំហុសរៀងៗខ្លួន បន្ទាប់ពីរកឃើញមានពិរុទ្ធពីបទបង្កការរំខានដល់សាធារណជន ។
លោក Louise Metcalfe ប្រធានអធិការកិច្ចអង់គ្លេសដែលត្រួតពិនិត្យការស៊ើបអង្កេតនេះបាននិយាយថា “យើងដឹងពីសកម្មភាពរបស់ Trowland និង Decker ថាជការតវ៉ា ប៉ុន្តែវាមិនអាចទទួលយកបាននោះទេ ។ ពួកគេបានបង្កគ្រោះថ្នាក់ ជាពិសេសពួកគេបង្កការរំខានមិនគួរឲ្យជឿទៅដល់សាធារណជន” ។
ទោះយ៉ាងណា អ្នកទាំងពីរបានប្រកែក ក្នុងអំឡុងពេលកាត់ក្តីថា វាជាការតវ៉ាខាងបរិស្ថានដោយសន្តិវិធី បើទោះបីជាបង្កឲ្យមានការបិទផ្លូវរាប់គីឡូម៉ែត្រក៏ដោយ ខណៈលោក Trowland បាននិយាយថា “យើងបានឡើងលើស្ពាន Dartford Bridge ក្នុងទីក្រុងឡុងដ៍ដើម្បីចងបដា “Just Stop Oil” ជាការតវ៉ាទាមទារឲ្យរដ្ឋាភិបាលបញ្ចប់គោលនយោបាយប្រេង និងឧស្ម័នថ្មី” ។
គួរបញ្ជាក់ថា លោក Trowland អាយុ ៤០ ឆ្នាំជាអ្នករស់នៅតំបន់ Islington ក្នុងទីក្រុង North London និងលោក Decker វ័យ ៣៤ ឆ្នាំ បានឡើងលើកំពូលស្ពាននៅម៉ោងប្រហែល ៤ ទៀបភ្លឺកាលពីថ្ងៃទី ១៧ ខែតុលា ឆ្នាំមុន ជាមួយបដាដែលសរសេរថា “Just Stop Oil” និងបានចងអង្រឹងនៅលើកំពូលស្ពាននោះផងដែរ ។
ក្រោយមកប៉ូលិសបានសម្រេចបិទចរាចរណ៍លើស្ពាននោះរយៈពេល ១៧ ម៉ោង ហើយក្រុមអ្នកជួយសង្គ្រោះបានព្យាយាមឡើងលើកំពូលស្ពានដែលមានកម្ពស់ជាង ៦០ ម៉ែត្រ និងយកអ្នកទាំងពីរចុះមកវិញដោយប្រើដងស្ទូចមានកន្រ្តកយ៉ាងមានសុវត្ថិភាព ៕
ប្រែសម្រួលដោយ ៖ ជីវ័ន្ត
ប្រភព ៖ LBC
ចុចអាន ៖ តំបន់ អាស៊ី អាចបន្តមើលឃើញ “សូរ្យគ្រាស” មួយផ្នែកទៀតនៅប៉ុន្មានខែខាងមុខ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ