ព័ត៌មានអន្ដរជាតិ
មេធាវីម្នាក់ ប្ដឹងអ្នករៀបចំកម្មវិធី Born Pink និងទាមទារសំណងជាង ២សែនដុល្លារ
មេធាវីជនជាតិម៉ាឡេស៊ីម្នាក់កំពុងប្តឹងអ្នករៀបចំការប្រគុំតន្ត្រីរបស់ Blackpink ដល់ទៅ ១លានរីងហ្គីត (ប្រហែល ២២២,៥៨៨ ដុល្លារ) ជុំវិញការបាត់កៅអីរបស់គាត់ នៅឯកម្មវិធីមួយនៅទីក្រុងកូឡាឡាំពួ កាលពីពីរខែមុន។
យោងតាមការបង្ហោះនៅលើគណនី Twitter និង Tiktok របស់គាត់ កាលពីថ្ងៃសុក្រ លោក Nas Rahman បាននិយាយថា លោកបានសម្រេចចិត្តចាត់វិធានការផ្លូវច្បាប់បន្ទាប់ពីការចរចាជាមួយអ្នករៀបចំកម្មវិធី Live Nation និង Go Live បរាជ័យ។
គាត់និយាយថា “បន្ទាប់ពីការចរចាជាច្រើនលើក ភាគីទាំងពីរមិនបានឈានដល់ការព្រមព្រៀងគ្នាទេ… ខ្ញុំបានដាក់ពាក្យប្តឹង Live Nation និង Go Live ទៅតុលាការ Kuala Lumpur Sessions” ។
លោក Nas បានទិញសំបុត្រចំនួន ២សន្លឹកក្នុងតម្លៃ ៤៨៨រីងហ្គីត ដើម្បីទស្សនាការប្រគុំតន្ត្រី Born Pink World Tour នៅពហុកីឡដ្ឋានជាតិ Bukit Jalil ក្នុងប្រទេសម៉ាឡេស៊ី។ នៅថ្ងៃទី៤ ខែមីនា ជាថ្ងៃនៃការប្រគុំតន្ត្រី គាត់និងប្រពន្ធបានទៅកន្លែងអង្គុយដែលបានទិញ ប៉ុន្តែកៅអីបែរជាមានតែមួយប៉ុណ្ណោះ។ ជាលទ្ធផល លោក Nas បានឈរ ពេញមួយកម្មវិធី ក្នុងរយៈពេលពីរម៉ោង។
ពីរថ្ងៃបន្ទាប់ពីការប្រគុំតន្ត្រី លោក Nas បានចេញលិខិតទាមទារទៅកាន់អ្នករៀបចំដើម្បីស្នើសុំសំណងមួយចំនួន។ ប៉ុន្តែចុងក្រោយ ភាគីទាំងពីរមិនអាចឈានដល់ការព្រមព្រៀងគ្នាទាល់តែសោះ រហូតនាំឱ្យគាត់ដាក់ពាក្យប្តឹងទៅតុលាការ និងទាមទារសំណងរដ្ឋប្បវេណីពី ១សែន-១លានរីងហ្គីត ។
លោក Nas Rahman បន្ថែមថា «ទោះបីខ្ញុំឈ្នះឬចាញ់ក្តី វាមិនមែនជាចំណុចសំខាន់នោះទេ។ ប៉ុន្តែខ្ញុំសង្ឃឹមថាអ្នករៀបចំការប្រគុំតន្ត្រីទាំងអស់មានការទទួលខុសត្រូវចំពោះអតិថិជនរបស់ពួកគេ»៕
ប្រែសម្រួល៖ សន្យា
ចុចអាន៖ សារព័ត៌មានវៀតណាម ៖ រាជបុត្រ Mateen នឹងព្រះរាជទានស្បែកជើងតម្លៃ ១៧ លានដុល្លារ ដល់អ្នកអភិសេកជាមួយទ្រង់
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម