ព័ត៌មានអន្ដរជាតិ

សារព័ត៌មានវៀតណាម ៖ រាជបុត្រ Mateen នឹងព្រះរាជទានស្បែកជើងតម្លៃ ១៧ លានដុល្លារ ដល់អ្នកអភិសេកជាមួយទ្រង់

បានផុស

៣ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

នាប៉ុន្មានថ្ងៃចុងក្រោយនេះ អ្នកនិយមលេងអ៊ីនធឺណិតមានការភ្ញាក់ផ្អើលជាខ្លាំងជាមួយនឹងព័ត៌មានថា ព្រះអង្គម្ចាស់នៃប្រទេសព្រុយណេ Abdul Mateen នឹងព្រះរាជទានអំណោយក្នុងថ្ងៃអភិសេករបស់ទ្រង់ជាស្បែកជើងដល់អនាគតព្រះនាងនៅប្រទេសវៀតណាម។

ក្នុងអំឡុងពេលដ៏ពិសេសមួយទៅកាន់ប្រទេសវៀតណាមលើកនេះ រាជបុត្រាអង្គនេះក៏ត្រូវបានគេដឹងថាទ្រង់នាំយកស្បែកជើងកែងចោតដែលមានតម្លៃដល់ទៅ ១៧ លានដុល្លារអាមេរិក ដែលជា “អំណោយអាពាហ៍ពិពាហ៍” សម្រាប់មនុស្សស្រីណាដែលពាក់ក្នុងថ្ងៃពិសេស។

យ៉ាងណាមិញ បន្ទាប់ពីព័ត៌មាននេះត្រូវបានបង្ហោះ អ្នកនិយមលេងអ៊ីនធឺណិតបានបង្ហាញការភ្ញាក់ផ្អើល និងរំភើបចំពោះវិធីជ្រើសរើសភរិយាដ៏ពិសេសនេះនៅលើបណ្ដាញសង្គម។ មិនត្រឹមតែប៉ុណ្ណោះ អ្នកគាំទ្រវៀតណាមក៏បានប្រដូចរឿងនេះទៅនឹងវិធីសាកល្បងបែបកំប្លែង នាសម័យថ្មីរបស់ព្រះអង្គម្ចាស់ដ៏សង្ហាទៅនឹងរឿងនិទានផងដែរ។

ទោះជាយ៉ាងណាក៏ដោយ ត្រឹមតែរយៈពេលខ្លីប៉ុណ្ណោះ កាលដែលទ្រង់យាងទៅទីក្រុងហាណូយ ត្រូវបានប្រព័ន្ធផ្សព្វផ្សាយបញ្ជាក់ថា គ្រាន់តែជាពាក្យចចាមអារ៉ាមមិនច្បាស់លាស់។ ជាពិសេស នៅពេលព័ត៌មានត្រូវបានផ្សព្វផ្សាយ ព្រះអង្គ និងបិតារបស់ទ្រង់គឺស្តេច Hassanal Bolkiah កំពុងធ្វើដំណើរទៅចក្រភពអង់គ្លេស។ លើសពីនេះ ស្បែកជើងដែលទ្រង់ជ្រើសរើសជាព្រះនាង ក៏ត្រូវបានពិភពអនឡាញបង្ហាញយ៉ាងច្បាស់ថា ជាផលិតផលម៉ាកយីហោស្បែកជើងប្រណិតនៅឌូបៃឯណោះ។

ស្បែកជើងកែងខ្ពស់ត្រូវបានផលិតជាចម្បងពីស្បែកគ្របដណ្ដប់ដោយសូត្រ មាស និងពេជ្រ Jada Dubai ដែលមានតម្លៃរហូតដល់១៧លានដុល្លារអាមេរិក ។ មកដល់ពេលបច្ចុប្បន្ន Passion Diamond នៅតែឈរឈ្មោះជាកំពូលស្បែកជើងដែលថ្លៃបំផុតក្នុងពិភពលោក។ នៅឆ្នាំ ២០១៨ នៅពេលដែលម៉ាកយីហោនេះត្រូវបានដាក់ឲ្យដំណើរការជាផ្លូវការ ពេជ្រ Passion ធ្លាប់បានធ្វើឲ្យទីផ្សារក្ដៅគគុកដោយសារតែភាពប៉ិនប្រសប់ និងសិល្បៈហត្ថកម្មដ៏ស្រស់ស្អាតរបស់វា។ លើសពីនេះក្នុងអំឡុងពេលនៃដំណើរការបង្កើត អ្នករចនាបានប្រើពេជ្រ១០០ការ៉ាត់ ជាមួយនឹងពេជ្រសរុបចំនួន ២៣៦ គ្រាប់។ ជាពិសេសដើម្បីបង្កើនភាពទាក់ទាញ សិប្បករក៏បានបន្ថែមត្បូងដ៏ល្អឥតខ្ចោះ១៥ ការ៉ាត់នៅជិតម្រាមជើងផងដែរ៕