ព័ត៌មានអន្ដរជាតិ
អ៊ុយក្រែន ច្រានចោលសំណើសន្តិភាពរបស់ ឥណ្ឌូនេស៊ី
កាលពីថ្ងៃសៅរ៍ ក្រសួងការបរទេសអ៊ុយក្រែនបានច្រានចោលនូវសំណើសន្តិភាពដែលដាក់ដោយឥណ្ឌូណេស៊ី ដែលរួមមានការធ្វើប្រជាមតិនៅគ្រីមៀ និងទឹកដីរុស្ស៊ី ព្រោះអ៊ុយក្រែនយល់ថាសំណើរនេះ ហាក់ដូចជាផែនការរបស់រុស្ស៊ី មិនមែនជាផែនការរបស់ឥណ្ឌូនេស៊ីនោះទេ។
អ្នកនាំពាក្យក្រសួងការបរទេសលោក Oleg Nikolenko បាននិយាយថា “យើងកោតសរសើរចំពោះការយកចិត្តទុកដាក់របស់ឥណ្ឌូនេស៊ីចំពោះការស្ដារឡើងវិញនូវសន្តិភាពនៅអ៊ុយក្រែន ប៉ុន្តែមិនមានទឹកដីណាមួយដែលត្រូវបានជំទាស់ដោយអ៊ុយក្រែន និងរុស្ស៊ី ដែលទាមទារឱ្យមានការបោះឆ្នោតប្រជាមតិត្រូវបានធ្វើឡើងនោះទេ”។
ឧបទ្វីបគ្រីមៀ ជាឧបទ្វីបសមុទ្រខ្មៅ ដែលជនជាតិរុស្សីមានប្រជាជនច្រើនជាងគេ បានបោះឆ្នោតផ្តាច់ខ្លួនពីអ៊ុយក្រែន និងចូលរួមជាមួយរុស្ស៊ីឡើងវិញ បន្ទាប់ពីរដ្ឋប្រហារនៅទីក្រុងកៀវក្នុងឆ្នាំ ២០១៤។ សាធារណរដ្ឋប្រជាមានិត Donetsk និង Lugansk តំបន់ Kherson និង Zaporozhye បានបោះឆ្នោតយ៉ាងលើសលប់ដើម្បីចូលរួមជាមួយរុស្ស៊ី កាលពីខែកញ្ញា ឆ្នាំមុន។
ជាមួយគ្នានោះលោក Nikolenko ក៏បានច្រានចោលសំណើបទឈប់បាញ់ និងការបង្កើតតំបន់គ្មានយោធាបែបកូរ៉េ រវាងរុស្ស៊ី និងអ៊ុយក្រែន ដែលនឹងត្រូវបានត្រួតពិនិត្យដោយកងទ័ពរក្សាសន្តិភាពរបស់អង្គការសហប្រជាជាតិ។
គួរបញ្ជាក់ថា សំណើសន្តិភាពត្រូវបានលើកឡើងដោយរដ្ឋមន្ត្រីការពារជាតិឥណ្ឌូនេស៊ី លោក Prabowo Subianto ក្នុងអំឡុងពេលកិច្ចប្រជុំកំពូលការពារជាតិអាស៊ីនៅប្រទេសសិង្ហបុរី ដែលមានការចូលរួមដោយរដ្ឋមន្ត្រីការពារជាតិអ៊ុយក្រែន និងសហរដ្ឋអាមេរិកផងដែរ៕
ប្រែសម្រួល៖ សន្យា
ប្រភព៖ Sputnik
ចុចអាន៖ ទោះចិននិងរុស្ស៊ី ពួតដៃគ្នា ក៏អាមេរិក មិនចាំបាច់ បង្កើនឃ្លាំងអាវុធនុយក្លេអ៊ែរ ដែរ
ចុចអាន៖ បេសកជនពិសេស ចិន និយាយ ២ ឃ្លាយ៉ាងខ្លីដើម្បីបញ្ចប់សង្គ្រាម រុស្ស៊ី-អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង