ព័ត៌មានអន្ដរជាតិ
បេសកជនពិសេស ចិន និយាយ ២ ឃ្លាយ៉ាងខ្លីដើម្បីបញ្ចប់សង្គ្រាម រុស្ស៊ី-អ៊ុយក្រែន
បេសកជនពិសេសចិនទទួលបន្ទុកកិច្ចការតំបន់អឺរ៉ាស៊ីលោក Li Hui បាននិយាយ ២ ឃ្លាយ៉ាងខ្លី ពាក់ព័ន្ធទៅនឹងឱកាសនៃការបញ្ចប់សង្គ្រាមដែលកំពុងអូសបន្លាយពេលរវាងរុស្ស៊ី និងអ៊ុយក្រែន ។
លោក Li បានប្រាប់អ្នកសារព័ត៌មាននៅទីក្រុងប៉េកាំងកាលពីថ្ងៃសុក្រថា “ដើម្បីអាចបញ្ចប់សង្គ្រាមទៅបានគឺទី១ សម្ព័ន្ធមិត្តរបស់អ៊ុយក្រែនគួរតែបញ្ឈប់ការបញ្ជូនអាវុធទៅឲ្យរដ្ឋាភិបាលទីក្រុងកៀវ ហើយទី២ ឆ្ពោះទៅរកការចរចាដើម្បីនាំមកនូវសន្តិភាពយូរអង្វែង” ។
ការអំពាវនាវរបស់លោក Li បានកើតឡើង ដោយសារតែទីក្រុងវ៉ាស៊ីនតោន និងបណ្តាប្រទេសអឺរ៉ុបជាច្រើននៅតែបង្កើនការផ្គត់ផ្គង់មីស៊ីល រថក្រោះ និងអាវុធផ្សេងទៀតដល់កងកម្លាំងអ៊ុយក្រែនដែលកំពុងព្យាយាមដណ្តើមយកមកវិញនូវទឹកដីដែលកាន់កាប់ដោយរុស្ស៊ី ។
លោក Li បញ្ជាក់ទៀតថា “ប្រសិនបើយើងពិតជាចង់បញ្ឈប់សង្រ្គាម ហើយសង្គ្រោះជីវិតមនុស្ស និងទទួលបានសន្តិភាពពិតប្រាកដមែននោះ យើងគួរតែបញ្ឈប់ការបញ្ជូនអាវុធទៅកាន់សមរភូមិ ព្រោះថា មេរៀនដ៏ឈឺចាប់នៃវិបត្តិអ៊ុយក្រែនបានវិវឌ្ឍន៍ ក៏ដូចជាឆ្លុះបញ្ចាំងយ៉ាងជ្រាលជ្រៅដោយភាគីពាក់ព័ន្ធទាំងអស់” ។
គួរបញ្ជាក់ថា បេសកជនចិនរូបនេះបានធ្វើដំណើរទស្សនកិច្ចរយៈពេល ១២ ថ្ងៃកាលពីខែឧសភា ទៅកាន់រដ្ឋធានីអឺរ៉ុបដូចជា កៀវ, វ៉ាសូវី, ប៉ារីស, បែរឡាំង, ព្រុចសែល និងមូស្គូ ដើម្បីស្វែងរកការលើកកម្ពស់កិច្ចចរចាសន្តិភាពអ៊ុយក្រែនដែលរហូតមកដល់ពេលនេះបានអូសបន្លាយពេលជាង ១ ឆ្នាំមកហើយ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ រុស្ស៊ី ថា លោកខាងលិចកំពុងទាញដៃប្រទេសមួយទៀតឲ្យចូលក្នុងជម្លោះ អ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ