ព័ត៌មានអន្ដរជាតិ

ទោះចិននិងរុស្ស៊ី ពួតដៃគ្នា ក៏អាមេរិក មិនចាំបាច់ បង្កើនឃ្លាំងអាវុធនុយក្លេអ៊ែរ ដែរ

បានផុស

១ year មុន

នៅ

ថ្ងៃសៅរ៍ ៣ មិថុនា ២០២៣

ដោយ

ទីប្រឹក្សាសន្តិសុខជាតិសេតវិមានលោក Jake Sullivan បាននិយាយកាលពីថ្ងៃសុក្រទី២ខែមិថុនាថា សហរដ្ឋអាមេរិកមិនជឿថា ខ្លួនចាំបាច់ត្រូវតែបង្កើនទំហំឃ្លាំងអាវុធនុយក្លេអ៊ែរ ដើម្បីកំញើញការពួតដៃគ្នារវាងចិននិងរុស្ស៊ី ព្រមទាំងសត្រូវផ្សេងទៀតនោះទេ។

ទីប្រឹក្សាសន្តិសុខជាតិសេតវិមានលោក Jake Sullivan (រូបថត៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកក៏បាននិយាយផងដែរថា សហរដ្ឋអាមេរិក នឹងគោរពតាមដែនកំណត់អាវុធនុយក្លេអ៊ែរ ដែលបានបញ្ជាក់ច្បាស់ៗនៅក្នុងសន្ធិសញ្ញា New START រហូតដល់ការផុតកំណត់ឆ្នាំ២០២៦ ប្រសិនបើរុស្ស៊ីធ្វើដូចគ្នានេះ។

លោក Sullivan បានប្រាប់សមាគមគ្រប់គ្រងអាវុធ ដែលជាក្រុមតស៊ូមតិគ្រប់គ្រងអាវុធចាស់បំផុតរបស់សហរដ្ឋអាមេរិកថា “សហរដ្ឋអាមេរិក មិនចាំបាច់បង្កើនកម្លាំងនុយក្លេអ៊ែររបស់ខ្លួន ឲ្យលើសពីចំនួនដែលគូប្រកួតប្រជែងរបស់យើងបូកចូលគ្នា ដើម្បីទប់ស្កាត់ពួកគេឡើយ”។

គួរបញ្ជាក់ថា កាលពីខែកុម្ភៈ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា ទីក្រុងមូស្គូកំពុងផ្អាកការចូលរួមនៅក្នុង New START ដែលជាកតិកាសញ្ញាកំណត់អាវុធនុយក្លេអ៊ែរជាយុទ្ធសាស្ត្រនៅសេសសល់តែមួយគត់ រវាងអាមេរិកនិងរុស្ស៊ី។

ក្រោយមក អ្នកនាំពាក្យក្រសួងការបរទេសសហរដ្ឋអាមេរិក លោក Ned Price លើកឡើងថា “ឆន្ទៈរបស់រុស្ស៊ី គឺជំរុញឲ្យមានអស្ថិរភាពនិងប្រើវោហារសាស្ត្រនុយក្លេអ៊ែរគ្មានទំនួលខុសត្រូវ ដែលបង្កគ្រោះថ្នាក់ដល់ប្រទេសទាំងអស់នៅលើភពផែនដីនេះ។ ទន្ទឹមនឹងនោះ ការផ្អាក សន្ធិសញ្ញា New START របស់រុស្សី នឹងមិនបញ្ឈប់សហរដ្ឋអាមេរិកពីការបន្តគាំទ្រអ៊ុយក្រែនឡើយ។ សហរដ្ឋអាមេរិក កំពុងធ្វើការលើការរក្សាកិច្ចព្រមព្រៀងនេះ និងជំរុញឲ្យរុស្ស៊ីប្រកាន់ខ្ជាប់នូវឯកសារនេះ”៕

ប្រែសម្រួល៖ Vann Vann

ប្រភព៖ CNA

ចុចអាន៖ អាមេរិក ជំរុញឲ្យរុស្ស៊ី វិលត្រលប់មករកសន្ធិសញ្ញា New START វិញ