Connect with us

ព័ត៌មានអន្ដរជាតិ

អ៊ីស្រាអែល បើកការទម្លាក់គ្រាប់បែកលើសាលារៀននៅតំបន់ហ្គាហ្សាវិញម្ដង សម្លាប់ជនស៊ីវិល ៨០ នាក់

បានផុស

នៅ

កងទ័ពអ៊ីស្រាអែលកាលពីថ្ងៃសៅរ៍បានទម្លាក់គ្រាប់បែកទៅលើសាលារៀនមួយកន្លែងផ្សេងទៀតដែលគ្រប់គ្រងដោយអង្គការសហប្រជាជាតិ (UN) នៅភាគខាងជើងតំបន់ហ្គាហ្សា ដោយបានសម្លាប់ និងរងរបួសទៅដល់ជនសស៊ីវិលរាប់សិបនាក់ដែលកំពុងរស់នៅទីនោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីគ្រូពេទ្យប៉ាឡេស្ទីនបានឲ្យដឹងថា ជនជាតិប៉ាឡេស្ទីន ៨០ នាក់បានស្លាប់ ខណៈរាប់សិបនាក់រងរបួស នៅពេលដែលអ៊ីស្រាអែលទម្លាក់គ្រាប់បែកមកលើសាលារៀន Al-Fakhoura ក្នុងទីក្រុង Jabalia ភាគខាងជើងតំបន់ហ្គាហ្សា ដែលគ្រប់គ្រងដោយទីភ្នាក់ងារជំនួយ និងកិច្ចការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) ខណៈបច្ចុប្បន្ននេះក្រុមជួយសង្គ្រោះកំពុងពិបាកក្នុងការទាញយកសាកសពចេញពីកម្ទេចកម្ទី ។

ប្រភពបានប្រាប់សារព័ត៌មាន Anadolu ថា “សាកសពរបស់ជនស៊ីវិលកំពុងនៅពាសពេញច្រកចេញរបស់សាលារៀន ហើយក្រុមជួយសង្គ្រោះកំពុងមានការលំបាកក្នុងការទាញយកអ្នករបួស និងអ្នកស្លាប់ចេញពីអគារ ខណៈអ្នកទាំងនោះភាគច្រើនជាជនស៊ីវិលដែលផ្លាស់ទីលំនៅមកជ្រកកោននៅទីនោះ ។

នៅក្នុងសេចក្តីថ្លែងការណ៍មួយផ្ញើទៅកាន់សារព័ត៌មាន Anadolu ក្រសួងការបរទេសប៉ាឡេស្ទីនបាននិយាយថា “យើងសូមថ្កោលទោសយ៉ាងខ្លាំងក្លាបំផុតចំពោះការសម្លាប់រង្គាលជាបន្តបន្ទាប់ដែលប្រព្រឹត្តដោយកងកម្លាំងអ៊ីស្រាអែលប្រឆាំងនឹងជនស៊ីវិលប៉ាឡេស្ទីននៅក្នុងតំបន់ហ្គាហ្សាស្ទ្រីប ហើយជាការសម្លាប់រង្គាលដ៏សាហាវបំផុតនៅក្នុងសាលា Al-Fakhoura ដែលផ្ទុក​ទៅ​ដោយ​ជន​ភៀស​ខ្លួន” ។

ក្រសួងបានអះអាងទៀតថា “យើងចាត់ទុកនេះជាព័ស្តុតាងថ្មីមួយទៀតបង្ហាញពីការប្រកាសសង្រ្គាមរបស់អ៊ីស្រាអែលលើជនស៊ីវិលប៉ាឡេស្ទីន ក្នុងគោលបំណងធ្វើឲ្យតំបន់ទាំងមូលនៃភាគខាងជើងហ្គាហ្សាស្ទ្រីបលែងមានវត្តមានរបស់ពលរដ្ឋប៉ាឡេស្ទីន” ។

ក្រសួងបញ្ជាក់ថា “ជាមួយនឹងការសម្លាប់រង្គាលដែលផ្តោតលើសាលារៀនដែលកាន់កាប់ដោយ UNRWA គឺបានប្រមាថដល់សហគមន៍អន្តរជាតិ និងអង្គការសហប្រជាជាតិ ហើយមើលងាយរាល់ការទាមទារជាអន្តរជាតិដែលអំពាវនាវឲ្យមានការការពារជនស៊ីវិល” ។

ចាប់តាំងពីអ៊ីស្រាអែលបើកការទម្លាក់គ្រាប់បែកលើតំបន់ហ្គាហ្សាកាលពីថ្ងៃទី៧ ខែតុលា ជនជាតិប៉ាឡេស្ទីនជាង ១២,០០០ នាក់ត្រូវបានសម្លាប់ រួមទាំងស្ត្រី និងកុមារជាង ៨,៣០០ នាក់ និងជាង ៣០,០០០ នាក់ផ្សេងទៀតបានរងរបួស ខណៈខាងអ៊ីស្រាអែលមានអ្នកស្លាប់ប្រហែល ១,២០០ នាក់ផងដែរ ។

ទន្ទឹមនោះ អគាររាប់ពាន់ខ្នង រួមទាំងមន្ទីរពេទ្យ វិហារអ៊ីស្លាម ក៏រងការខូចខាត ឬបំផ្លិចបំផ្លាញផងដែរ នៅក្នុងការវាយប្រហារតាមផ្លូវអាកាស និងផ្លូវគោកឥតឈប់ឈររបស់អ៊ីស្រាអែល ទៅលើតំបន់ដែលកំពុងត្រូវបានឡោមព័ទ្ធមួយនេះ ខណៈអ៊ីស្រាអែលក៏បានបិទផ្លូវ ក៏ដូចជាកាត់ផ្តាច់ការផ្គត់ផ្គង់ប្រេងឥន្ធនៈ អគ្គិសនី និងទឹកមិនឲ្យចូលក្នុងតំបន់ហ្គាហ្សា ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ លោក បៃដិន ប្រាប់ អ៊ីស្រាអែល ថា គួរតែទុកឲ្យ ប៉ាឡេស្ទីន ជាអ្នកគ្រប់គ្រង តំបន់ហ្គាហ្សាវិញទៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម