ព័ត៌មានអន្ដរជាតិ
លោក បៃដិន ថាមិនជឿអាចផ្ទុះសង្គ្រាមធំ នៅមជ្ឈិមបូព៌ា
ទោះភាពតានតឹងរវាងអ៊ីស្រាអែលកំពុងកើនឡើងខ្លាំងជាមួយគូបដិបក្ខជាច្រើនដែលមានដូចជា ក្រុមហាម៉ាស ក្រុមហេសបូឡា និងប្រទេសអ៊ីរ៉ង់ ក៏ដោយ ក៏លោក ចូ បៃដិន ប្រធានាធិបតីសហរដ្ឋអាមេរិក បានប្រកាសថា លោកមិនជឿនោះទេដែលថាវានឹងអាចផ្ទុះមានសង្គ្រាមធំនៅតំបន់មជ្ឈិមបូព៌ា។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី៤ខែតុលា។
លោក បៃដិន បាននិយាយថា សង្គ្រាមនៅមជ្ឈិមបូព៌ាអាចបញ្ចៀសបាន ដោយគ្រាន់តែត្រូវការចាយពេលថែមទៀតដើម្បីដោះស្រាយភាពតានតឹង។
នៅពេលត្រូវគេសួរនាំថាតើនឹងមានការបញ្ជូនទាហានអាមេរិកទៅជួយអ៊ីស្រាអែលដែរឬក៏យ៉ាងណា លោក បៃដិន បានឆ្លើយថា៖ «យើងបានជួយអ៊ីស្រាអែលរួចរាល់ហើយ។ ពួកយើងនឹងការពារអ៊ីស្រាអែល»។
ភាពតានតឹងរវាងអ៊ីរ៉ង់ និងអ៊ីស្រាអែលកំពុងស្ថិតនៅក្នុងកម្រិតខ្ពស់មួយ ខណៈដែលអ៊ីស្រាអែលកំពុងថ្លឹងថ្លែងពីជម្រើស ដើម្បីឆ្លើយតបទៅនឹងការវាយប្រហារដោយមីស៊ីលរបស់ទីក្រុងតេហេរ៉ង់កាលពីថ្ងៃអង្គារ។ អ៊ីរ៉ង់បានប្រាប់ថា ការបាញ់មីស៊ីលចូលដីអ៊ីស្រាអែលនេះគឺជាការឆ្លើយតបទៅនឹងសកម្មភាពយោធារបស់អ៊ីស្រាអែលនៅក្នុងប្រទេសលីបង់។
ការបង្ហូរឈាមចុងក្រោយបំផុតនៅក្នុងជម្លោះអ៊ីស្រាអែល និងប៉ាឡេស្ទីនដែលមានអាយុកាលរាប់ទសវត្សរ៍ ត្រូវបានបង្កឡើងដោយក្រុមសកម្មប្រយុទ្ធហាម៉ាស កាលពីថ្ងៃទី៧ខែតុលាឆ្នាំ២០២៣ ដោយការវាយប្រហារនោះបានសម្លាប់មនុស្ស ១២០០នាក់ ហើយប្រហែល ២៥០នាក់ត្រូវបានចាប់ធ្វើជាចំណាប់ខ្មាំង។
ការវាយសងសឹកជាបន្តបន្ទាប់របស់អ៊ីស្រាអែលលើតំបន់ហ្គាហ្សាដែលគ្រប់គ្រងដោយក្រុមហាម៉ាស បានសម្លាប់ជនជាតិប៉ាឡេស្ទីនជាង ៤១ ០០០នាក់ និងធ្វើឲ្យប្រជាជនស្ទើរតែទាំងអស់នៅហ្គាហ្សាត្រូវរត់ភៀសខ្លួនចាកចេញពីផ្ទះសម្បែង ដែលជាហេតុបណ្តាលឲ្យកើតមានវិបត្តិស្រេកឃ្លាន និងនាំឲ្យមានការចោទប្រកាន់អំពីអំពើប្រល័យពូជសាសន៍ តែយ៉ាងណាការចោទប្រកាន់នេះត្រូវអ៊ីស្រាអែលបដិសេធ។
ចំណែកឯសកម្មភាពយោធាមួយផ្សេងទៀតនាពេលថ្មីៗនេះរបស់អ៊ីស្រាអែលនៅក្នុងប្រទេសលីបង់ បានសម្លាប់មនុស្សរាប់រយនាក់ រងរបួសរាប់ពាន់នាក់ និងមួយលាននាក់បានផ្លាស់ទីលំនៅ។ អ៊ីស្រាអែលនិយាយថា ខ្លួនកំពុងកំណត់គោលដៅលើក្រុមសកម្មប្រយុទ្ធហេសបូឡា ដែលគាំទ្រដោយអ៊ីរ៉ង់នៅក្នុងប្រទេសលីបង់៕
ដោយ៖ ឈាង
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៤ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស