៦ខេត្តនៅថៃ ធ្វើលំហាត់ត្រៀមខ្លួន ចំពោះរលកយក្សស៊ូណាមិ

នៅថ្ងៃសុក្រទី២៧ខែមិថុនា ប្រទេសថៃនឹងធ្វើលំហាត់ត្រៀមខ្លួនចំពោះរលកយក្សស៊ូណាមិ ហើយលំហាត់នេះក៏មានការចូលរួមពីសំណាក់ទេសចរបរទេសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមនាយកដ្ឋានកាត់បន្ថយនិងបង្ការគ្រោះមហន្តរាយថៃ, លំហាត់នេះនឹងធ្វើឡើងនាវេលាម៉ោង២:៣០នាទីរសៀល នៅតាមខេត្តជាប់បណ្តោយឆ្នេរសមុទ្រ Andaman ចំនួន៦ ដូចជា Krabi, Phangnga, Phuket, Ranong, Satun និង Trang។

សូមជម្រាបថា ខេត្តថៃទាំង៦ខាងលើនេះ គឺសុទ្ធសឹងជាខេត្តរងគ្រោះខ្លាំងបំផុតដោយរលកយក្សស៊ូណាមិឆ្នាំ២០០៤ ដែលជះឥទ្ធិពលពីការរញ្ជួយកម្រិតកម្រិត៩.៣រ៉ិចទ័រ នៅកោះស៊ូម៉ាត្រា ប្រទេសឥណ្ឌូណេស៊ី។

គ្រោះមហន្តរាយធម្មជាតិនេះ បានផ្តាច់ជីវិតមនុស្សប្រមាណ ៥ ៤០០នាក់ក្នុងប្រទេសថៃ ភាគច្រើនជាទេសចរ ព្រោះវាកើតឡើងចំរដូវកាលឈប់សម្រាកបុណ្យណូអែល ដ៏មមាញឹក។

ក្រៅពីអ្នកស្លាប់ហើយនោះ នៅមានមនុស្សប្រហែល ៣ ៨០០នាក់ទៀតបាត់ខ្លួន និងរាប់ម៉ឺននាក់រងរបួស ហើយបង្កការខាតបង់ធំធេងដល់សេដ្ឋកិច្ច៕

អត្ថបទ៖ សុខ សុវណ្ណ

ចុចអាន៖ ថៃរង​ការ​បំ​ពុល​បរិស្ថាន​ធ្ងន់ធ្ងរ​​​ពីការ​ធ្វើ​អាជីវកម្ម​រ៉ែកម្រ​ដោយ​ក្រុមយោធា​នៅ​​មីយ៉ាន់ម៉ា