មកស្គាល់គ្រាប់មីន PMN-2 ដែលថៃអះអាងថា ទាហានខ្លួនជាន់ដាច់ជើង

ជុំវិញការហេតុការណ៍នេះ ថៃចោទថា គ្រាប់មីនដែលទាហានខ្លួនជាន់គឺជាប្រភេទ PMN-2 ដែលផលិតដោយរុស្ស៊ី និងពិបាករាវរកឃើញណាស់។ ដូច្នេះគ្រាប់មីន PMN-2 មានលក្ខណៈបែបណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មីន PMN-2 ត្រូវបានបង្កើតឡើងក្នុងអតីតសហភាពសូវៀត នៅពាក់កណ្ដាលទសវត្សរ៍ឆ្នាំ១៩៧០។ វាមានរាងមូលតូច ហើយគ្របដណ្តប់ដោយផ្លាស្ទិក ជាធម្មតាមានពណ៌បៃតងខ្ចី ឬជួនកាលពណ៌ត្នោត។

ផ្នែកខាងលើមានបន្ទះកៅស៊ូពណ៌ខ្មៅរាងអក្សរ «X» ដែលជាបន្ទះសម្ពាធសម្រាប់ធ្វើឲ្យមីនផ្ទុះ។ វាជាមីនដែលដំណើរការដោយសម្ពាធ មានន័យថា វាផ្ទុះនៅពេលកម្លាំងគ្រប់គ្រាន់ជាន់ពីលើវា។

PMN-2 មានទម្ងន់សរុប៤៤០ក្រាមនិងផ្ទុកសារធាតុផ្ទុះប្រហែល១០០ក្រាម ដែលធម្មតាជាប្រភេទ TNT/RDX ហើយគ្រាប់មីននេះ មិនងាយរាវរកឃើញទេ ព្រោះសម្បកភាគច្រើនធ្វើពីផ្លាស្ទិក ពោលគឺឧបករណ៍ចាប់ដែកធម្មតា ពិបាករកឃើញណាស់ ព្រោះមីននេះមានលោហៈធាតុតិចបំផុត៕

អត្ថបទ៖ សុខ សុវណ្ណ

ចុចអាន៖ ថៃ ថា មីនដែលទាហានខ្លួនជាន់ ទើបបង្កប់ថ្មីៗ ផ្ទុយពីការអះអាងរបស់ Boonsin Phadklang