សុខភាព

តើអ្នកដឹងពីអត្ថប្រយោជន៍ នៃការឆ្លុះស្បូន ករណីស្រ្ដីដែលមានធ្លាក់ឈាមខុសធម្មតា ពិសេសសម្រាប់ស្ត្រីអស់រដូវ

បានផុស

៥ years មុន

នៅ

ថ្ងៃអង្គារ ១១ ឧសភា ២០២១

ដោយ

អ៉ីស្តេរ៉ូស្កុបពី (Hysteroscopy) គឺជាមធ្យោបាយមួយសម្រាប់ឲ្យគ្រូពេទ្យធ្វើការឆ្លុះស្បូនបានច្បាស់ល្អ ដោយប្រើកាមេរ៉ា និងពន្លឺ (light and Camera) ចូលទៅក្នុងស្រទាប់ក្នុងស្បូន ដោយបង្ហាញរូបភាពតាមរយៈវីដេអូស្ក្រីន (Video Screen)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធីនេះអាចធ្វើឲ្យគ្រូពេទ្យរកឃើញមូលហេតុច្បាស់លាស់ក្នុងករណីដែលមានធ្លាក់ឈាមខុសធម្មតា ពិសេសសម្រាប់ស្ត្រីអស់រដូវ ហើយក៏អាចដោះស្រាយបញ្ហាវិបត្តិអត់កូន និងជួយកាត់ដុំសាច់ដែលនៅក្នុងស្រទាប់ស្បូន (Uterus fibroid intracavity and polyp)។

១) ការធ្វើរោគវិនិច្ឆ័យ (Hysterocopy diagnosis)

អាចធ្វើបានចំពោះករណី៖

– ដុំសាច់ក្នុងប្រហោងស្បូន

– ការស្អិតស្រទាប់ក្នុងស្បូន

– ការធ្វើវិនិច្ឆ័យវិបត្តិអត់កូន

– ការធ្វើវិនិច្ឆ័យធ្លាក់ឈាមដោយគ្មានមូលហេតុ

២) ការព្យាបាល

– ធ្វើការកាត់ដុំសាច់នៅក្នុងស្រទាប់ស្បូន

– កាច់សាច់សន្ទះខណ្ឌភ្នាសក្នុងស្បូន

– ធ្វើការកាត់ភាពស្អិតរបស់ស្បូន

– អាចចាប់យកកងដែលដាច់ខ្សែ និងសម្អាតកម្ទេចកំទីសុកដែលនៅសេសសល់

៣) ផលវិបាក

អាចមានផលវិបាកដោយមានការធ្លុះស្បូន និងធ្លាក់ឈាម ប៉ុន្តែផលវិបាកនេះមានតិចតួចណាស់ ហើយយើងអាចដោះស្រាយបានភ្លាមៗដោយពុំមានផលវិបាកធ្ងន់ធ្ងរទេ។

ដើម្បីទទួលបានលទ្ធផលត្រឹមត្រូវច្បាស់លាស់ និងការព្យាបាលប្រកបដោយគុណភាព និងប្រសិទ្ធិភាព សូមបងប្អូនអញ្ជើញមកជួបពិគ្រោះ និងទទួលសេវាព្យាបាលពីគ្រូពេទ្យជំនាញផ្នែករោគស្ត្រី នៃមន្ទីរពេទ្យកាល់ម៉ែត៕

អត្ថបទ៖ រស្មី

សូមចុចអាន៖ តើអ្វីទៅជាការឆ្លុះក្រពះពោះវៀន?

Related Topics:សុខភាពស្ត្រី