សុខភាព
ចូលចិត្តហាត់ប្រាណ ខួរក្បាលកាន់តែរហ័ស វាងវៃ ចងចាំបានល្អ
ការសិក្សាថ្មីរបស់សាកលវិទ្យាល័យមួយនៅអាល្លឺម៉ង់ បង្ហាញថា ឧស្សាហ៍សកម្មនឹងលំហាត់ប្រាណ មិនត្រឹមតែជួយឲ្យមានរាងកាយសមសួនល្អប៉ុណ្ណោះទេ ថែមទាំងអាចធ្វើឲ្យសមត្ថភាពខួរក្បាលដំណើរការរហ័ស វាងវៃ និងចងចាំបានល្អទៀតផង។
សារព័ត៌មាន Daily Mail បានចេញផ្សាយលទ្ធផលការសិក្សាថ្មីរបស់សាកលវិទ្យាល័យ Münster ប្រទេសអាល្លឺម៉ង់ ដោយបានស្រាវជ្រាវពីសំណាក់សាស្រ្តាចារ្យ Jonathan Repple សិក្សាទៅលើទំនាក់ទំនងរវាងរូបរាងកាយ និងមុខងារខួរក្បាល។
ការសិក្សាបានតាមដានយុវជនស្ម័គ្រចិត្តជាង ១ពាន់នាក់ សុទ្ធសឹងមានសុខភាពល្អ និងមានទម្លាប់ហាត់ប្រាណសកម្ម ក្នុងការរស់នៅប្រចាំថ្ងៃ។ ការតាមដាន ធ្វើឡើងដោយពិនិត្យតាមរយៈបច្ចេកទេស MRI (Magnetic Resonance Imaging) ដើម្បីថតមើលរូបភាពខាងក្នុងរាងកាយ និងខួរក្បាលអ្នកចូលរួម និងធ្វើតេស្តលើសមត្ថភាពចងចាំ រួមទាំងសមត្ថភាពវិនិច្ឆ័យផងដែរ។
ជាលទ្ធផល បង្ហាញឲ្យឃើញថា យុវជនស្ម័គ្រចិត្តមានរូបរាងកាយសមសួន (កម្ពស់ និងទម្ងន់ខ្លួនស៊ីគ្នា) មានសមត្ថភាពខួរក្បាល វិនិច្ឆ័យបានយ៉ាងល្អ ពោល ការចងចាំ សមត្ថភាពថ្លឹងថ្លែងហេតុផល គឺប្រកបដោយភាពវាងវៃ។
ជាមួយនឹង លទ្ធផលបែបនេះ លោកសាស្រ្តាចារ្យ Jonathan បានសរសេរអធិប្បាយលើរបាយការណ៍ស្រាវជ្រាវថា លទ្ធផលនេះ បង្ហាញឲ្យឃើញពីការបង្កើនភាពសមសួននៃរាងកាយ នាំឲ្យសមត្ថភាពធ្វើការវិនិច្ឆ័យបានប្រសើរឡើង មានទាំងការចងចាំ និងដោះស្រាយបញ្ហា ក៏ដូចជាបង្កើនប្រសិទ្ធិភាពមុខងារលើខួរក្បាលកាន់តែល្អមួយកម្រិតទៀត៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ កែទម្លាប់ ៧យ៉ាងនេះ ក្រែងជួយឲ្យស្រកគីឡូ តាមការចង់បាន
ចុចអាន៖ បច្ចេកទេសរត់ហាត់ប្រាណបែបសាមញ្ញៗ តែសុខភាពល្អ រាងស្អាត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង