សុខភាព

គេងថ្ងៃ មានទាំងប្រយោជន៍ និងគ្រោះថ្នាក់ ដែលយើងមិនដឹង

បានផុស

២ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ការគេងពេលថ្ងៃ គឺជារឿងមួយដែលអាចបង្កើនថាមពលដល់រាងកាយ នៅពេលអ្នកមានអារម្មណ៍អស់កម្លាំង ឬសម្រាប់អ្នកដែលមានបញ្ហាដំណេក គេងមិនគ្រប់គ្រាន់នៅពេលយប់។ ក្រៅពីធ្វើឲ្យមានអារម្មណ៍ស្រស់ស្រាយ វាក៏មានអត្ថប្រយោជន៍ជាច្រើនដល់រាងកាយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថប្រយោជន៍នៃការគេងពេលថ្ងៃ

កាត់បន្ថយបន្ទុក នៃការងារធ្ងន់លើបេះដូង។

កាត់បន្ថយអត្រាកើតជំងឺសរសៃឈាមបេះដូងស្រួចស្រាវ។

បន្ធូរភាពតានតឹង ពីព្រោះនៅពេលខួរក្បាលសម្រាក នឹងធ្វើឲ្យការងារកាន់តែងាយស្រួល ធ្វើឲ្យខួរក្បាលភ្លឺស្វាង អាចដំណើរការលឿនជាងមុន។

បង្កើនថាមពលឲ្យកើនឡើង ខណៈពេលអ្នកគេងមិនបានគ្រប់គ្រាន់ នោះខួរក្បាលប្រាកដជាអស់កម្លាំង។ ការគេងពេលថ្ងៃអាចជួយឲ្យខួរក្បាលរបស់អ្នកមានការប្រុងប្រយ័ត្ន។ ធ្វើឲ្យអារម្មណ៍ប្រសើរឡើង មានភាពច្នៃប្រឌិត និងជួយអ្នកផ្តោតអារម្មណ៍បានច្រើន។

ជួយបង្កើនការត្រៀមខ្លួនរបស់រាងកាយ ដើម្បីធ្វើសកម្មភាពដូចជាធ្វើការទៅហាត់ប្រាណ។

ជួយខួរក្បាលចងចាំនូវអ្វីដែលបានរៀនកាន់តែប្រសើរ។ ចងចាំព័ត៌មាន ការនិយាយ ការយល់ឃើញរបស់ផ្សេងៗ ឬមានជំនាញចលនាល្អ។

គ្រោះថ្នាក់នៃការគេងពេលថ្ងៃ

នៅពេលថ្ងៃគេងយូរពេក ការភ្ញាក់ពីគេងអាចធ្វើឲ្យអ្នកងងុយដេកថែមទៀត។ វាត្រូវការពេលវេលាដើម្បីឲ្យរាងកាយវិលត្រឡប់មករកភាពប្រុងស្មារតីនិងត្រៀមខ្លួនដើម្បីធ្វើសកម្មភាពផ្សេងៗ។

ពេលវេលាដែលអ្នកគួរគេងពេលថ្ងៃគឺត្រឹមតែ ១០-៤០ នាទីប៉ុណ្ណោះ។ គេងពេលថ្ងៃញឹកញាប់ អាចធ្វើឲ្យអ្នកទទួលរងពីការគេងមិនលក់។

ការគេងពេលថ្ងៃយូរ អាចបណ្ដាលឲ្យប្រព័ន្ធរាងកាយខុសពីធម្មជាតិ វដ្ដនៃជីវិតផ្លាស់ប្ដូរដូចជា ពេលយប់មិនងងុយដេក ក្រោកពីដំណេកញ៉ាំអាហារមិនបានទៀងទាត់។ ល៕

ប្រែសម្រួល៖ សាង ស្រីល័ក្ខ

ចុចអាន៖ឆ្លៀតគេងថ្ងៃតិចៗ បានប្រយោជន៍ដល់បេះដូង ខួរក្បាល និងបន្ថយស្រ្តេស

ចុចអាន៖ មូលហេតុ យើងតែងងងុយគេងពេលបាយថ្ងៃត្រង់ ក្នុងអំឡុងម៉ោងធ្វើការ