សុខភាព
បកស្រាយចម្ងល់! បុរស និងស្ត្រីគួរយកកូននៅ វ័យណាល្អ?
លទ្ធភាពមានកូននឹងថយចុះទៅ តាមវ័យ ហើយការយកកូននៅ វ័យកាន់តែច្រើន ក៏អាចបង្កើនហានិភ័យនៃផលវិបាកអំឡុងពេលមានផ្ទៃពោះផងដែរ។ យ៉ាងណាមិញ យើងមិនអាចកំណត់ច្បាស់លាស់ពីវ័យដែលគួរមានទម្ងន់ឡើយ ពីព្រោះវាអាស្រ័យលើកត្តាជាច្រើន តួយ៉ាងដូចជាអាយុ និងការត្រៀមខ្លួនរួចរាល់ក្នុងការក្លាយប៉ាម៉ាក់គេ។
លទ្ធភាពនៃការមានកូនរបស់ស្ត្រី
នៅ វ័យ២០ឆ្នាំ
ស្ត្រីនៅ ក្នុងវ័យនេះមានលទ្ធភាពក្នុងការមានកូនខ្ពស់បំផុត ពីព្រោះតែស៊ុតមានគុណភាពល្អ និងមានចំនួនខ្ពស់ ហើយហានិភ័យនៅអំឡុងពេលមានគភ៌ក៏ទាបផងដែរ។
នៅ វ័យ៣០ឆ្នាំ
លទ្ធភាពក្នុងការមានកូននឹងថយចុះនៅ អាយុប្រហែល៣២ឆ្នាំ។ ក្រោយវ័យ៣៥ឆ្នាំ ការធ្លាក់ចុះនេះនឹងបន្តកើនឡើង។ នៅពេលដែលឈានដល់វ័យ៣៧ឆ្នាំ ស្រីៗយើងមានស៊ុតនៅសល់ប្រហែល២៥០០០ប៉ុណ្ណោះ។ ហានិភ័យនៃការរលូតកូន និងភាពមិនប្រក្រតីនៃហ្សែនក៏ចាប់ផ្ដើមកើនឡើង ក្រោយវ័យ៣៥ឆ្នាំនេះដែរ។
បន្ថែមពីនេះ យើងអាចនឹងជួបផលវិបាកជាច្រើន នៅ អំឡុងពេលមានគភ៌ និងអំឡុងពេលសម្រាល។
នៅ វ័យ៤០ឆ្នាំ
ប្រសិនបើយើងឈានចូលវ័យ៤០ឆ្នាំ សមត្ថភាពក្នុងការមានគភ៌នឹងធ្លាក់ចុះ។ នៅ ពេលដែលស៊ុតចាស់ទៅ យើងអាចនឹងប្រឈមនឹងបញ្ហាក្រូម៉ូសូមដែលបង្កើនហានិភ័យនៃការខូចទ្រង់ទ្រាយពីកំណើត។ ហានិភ័យផ្សេងទៀតនៃការមានគភ៌នៅវ័យនេះ រួមមាន ការសម្រាលកូនដោយវះកាត់ កូនកើតមិនគ្រប់ខែ និងអាចកូនកើតមកស្លាប់ ជាដើម។
រីឯបញ្ហាសុខភាពម្ដាយ មានដូចជាជំងឺទឹកនោមផ្អែម សម្ពាធឈាមខ្ពស់ ច្រើនតែកើតមានចំពោះស្ត្រីក្រោយវ័យ៣៥ឆ្នាំ។ កត្តានេះក៏អាចបណ្ដាលឲ្យកើតមានផលវិបាកនៃជំងឺទឹកនោមផ្អែមអំឡុងពេលមានគភ៌ និងជំងឺបម្រុងក្រឡាភ្លើង។
លទ្ធភាពនៃការមានកូនរបស់បុរស
លទ្ធភាពមានកូនរបស់បុរសក៏ថយចុះទៅតាមវ័យដូចគ្នា ប៉ុន្តែដំណើរការនេះមានភាពយឺតជាងស្ត្រី ដោយចាប់ផ្ដើមនៅពេលដែលបុរសមានវ័យ៤០ឆ្នាំ។ ក្រោយវ័យនេះ បុរសមានបរិមាណ និងចំនួនមេជីវិតឈ្មោលទាបជាងមុន។ កោសិកាមេជីវិតឈ្មោលរបស់បុរសវ័យចំណាស់ ក៏អាចបណ្ដាលឲ្យហ្សែនមានភាពមិនប្រក្រតី បើប្រៀបធៀបនឹងបុរសវ័យក្មេង។
ទន្ទឹមនឹងនេះដែរ បុរសវ័យចំណាស់នឹងចំណាយពេលយូរក្នុងការជួយឲ្យដៃគូរបស់ខ្លួនមានផ្ទៃពោះ ហើយដៃគូក៏អាចមានហានិភ័យខ្ពស់ក្នុងការរលូតកូន មិនថាស្ត្រីនោះស្ថិតក្នុងវ័យណាឡើយ។ ទោះជាយ៉ាងនេះក្ដី បុរសនៅតែអាចមានកូនបាននៅក្នុងវ័យ៤០ឆ្នាំ ឬច្រើនជាងនេះ ប៉ុន្តែវាគ្រាន់តែមានការពិបាកជាងនៅពេលដែលប្រុសៗយើងនៅក្មេងប៉ុណ្ណោះ៕
ចុចអាន៖១១ ចំណុច បង្ហាញថា អ្នកកំពុងពរពោះកូនស្រីហើយ!
ចុចអាន៖អាយុច្រើនទើបមានកូន មិនល្អទេ ឯក្មេងពេករឹតតែជួបបញ្ហាទៀត
-
ព័ត៌មានអន្ដរជាតិ១ សប្តាហ៍ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៧ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?