សុខភាព

ផឹកស្រាថ្នាំពេលពពោះ ឬកូនខ្ចី អាចប៉ះពាល់សុខភាព

បានផុស

៥ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

ទាំងពេលពពោះ និងសម្រាលកូនរួច ម៉ាក់ៗនៅ តែត្រូវបន្តថែទាំខ្លួនឲ្យបានល្អតាំងពីការសម្រាក សកម្មភាពនានា ចំណីអាហារ និងភេសជ្ជៈផ្សេងៗ។ ទន្ទឹមនឹងនេះ បើតាមចាស់ៗសម័យមុន គាត់និយមឲ្យស្ត្រីពពោះ ឬស្ត្រីទើបសម្រាលកូនរួចផឹកស្រា ពិសេសផឹកស្រាថ្នាំពេលពពោះ ដោយគិតថាឆាប់ឲ្យម៉ាក់ៗឆ្អិនសរសៃ សុខភាពល្អ ប៉ុន្តែតាមពិតទៅអ្នកជំនាញមិនណែនាំឲ្យធ្វើបែបនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម័យនេះហើយនៅមានស្ត្រីពពោះ និងជាពិសេសស្ត្រីដែលបំបៅដោះកូននៅ ផឹកស្រាថ្នាំមួយចំនួន ផឹកទាំងឪទឹន កូនខ្ចីមួយៗមិនដឹងប៉ុន្មានទេ។ នេះបើតាមការឲ្យដឹងពីលោកវេជ្ជបណ្ឌិត ហ៊ាង រតនា។

លោកបន្តថា ជាតិអាល់កុលនៅក្នុងស្រាទាំងនេះប៉ះពាល់សុខភាពធ្ងន់ធ្ងរណាស់ ទាំងទារកក្នុងផ្ទៃ ទាំងកូនដែលបំបៅដោះ (ជាតិអាល់កុលជ្រាបតាមទឹកដោះ) និងទាំងម្ដាយខ្លួនឯងផ្ទាល់។ ស្រាថ្នាំ អាចប៉ះពាល់សរីរាង្គទាំងមូលរបស់កូន ជាពិសេសគឺខួរក្បាល និងថ្លើមតែម្ដង។

ការផឹកគ្រឿងស្រវឹង ឬផឹកស្រាថ្នាំពេលពពោះអាចបង្កផលវិបាកពីស្រាលទៅធ្ងន់ធ្ងរទៅតាមកម្រិតដែលម៉ាក់ៗបានផឹក។ ផលវិបាកផ្សេងៗអាចកើតមានលើកូនក្នុងផ្ទៃ និងក្រោយសម្រាល បើម៉ាក់ៗសេពគ្រឿងស្រវឹងមានដូចជា៖

ប៉ះពាល់ដល់ការលូតលាស់ ឬបំផ្លាញកោសិកាខួរក្បាល និងឆ្អឹងខ្នង
កូនមានបញ្ហាក្បាលតូច មុខសំប៉ែត
ក្រិន ឬលូតលាស់មិនស្របតាមវ័យ
ខ្សោយបញ្ញា ឬមានអាកប្បកិរិយាខុសប្រក្រតី។

ជាចុងក្រោយ វេជ្ជបណ្ឌិត ហ៊ាង រតនា បានណែនាំឲ្យម៉ាក់ៗបញ្ឈប់ការញ៉ាំស្រា ឬថ្នាំខ្មែរទាំងអំឡុងពេលមានផ្ទៃពោះ និងបំបៅដោះកូន។ ម៉ាក់ៗគួរតែថែទាំកូនឲ្យមានខួរក្បាលល្អ កុំបំផ្លាញគ្នាតាំងពីនៅក្នុងពោះម្ដាយ និងនៅជាទារកដោយសារកំហុសមួយនេះ៕

អត្ថបទផ្ដល់ដោយ៖ Hello Krupet

ចុចអាន៖ប្រភេទអាហារទាំងនេះ មិនគួរហូបក្នុងពេលជាមួយគ្នា អាចពិបាករំលាយ

Related Topics:ស្រ្តីកូនខ្ចី ស្រាថ្នាំ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា