អ្នកជំងឺទឹកនោមផ្អែម អាចទទួលទានអ្វីបានខ្លះ?

អ្នកជំងឺទឹកនោមផ្អែម តែងមានការព្រួយបារម្ភចំពោះអាហារទទួលទានប្រចាំថ្ងៃ ព្រោះថា នៅក្នុងបន្លែផ្លែឈើ សុទ្ធសឹងតែ មានផ្ទុកសន្ទស្សន៍ជាតិស្ករ បង្កឱ្យកើនឡើងកម្រិតជាតិស្ករក្នុងឈាម គ្រាន់តែកើនឡើងលឿន ឬយឺត ទៅតាមប្រភេទអាហារទាំងនោះប៉ុណ្ណោះ។ ហេតុនេះ បើសិនអ្នកជំងឺមិនបានគិតគូរ និងប្រុងប្រយ័ត្នពីការទទួលទានទេ អាចបង្កឱ្យកើនឡើងកម្រិតជាតិស្ករក្នុងឈាមកាន់តែខ្ពស់ ហើយប្រឈមនឹងហានិភ័យ នៃជំងឺនេះកាន់តែធ្ងន់ធ្ងរថែមទៀត។

យោងតាមមន្ទីរពេទ្យកាល់ម៉ែត ដើម្បីបង្កើនការយល់ដឹងបន្ថែមពីការគ្រប់គ្រងកម្រិតជាតិស្ករក្នុងឈាម អ្នកជំងឺទឹកនោមផ្អែម គួរយល់ដឹងពីការទទួលទានអាហារ ថាបន្លែផ្លែឈើប្រភេទណា មានសន្ទស្សន៍ជាតិស្ករកម្រិតទាប គួរទទួលទាន និងអាហារណាមានសន្ទស្សន៍ជាតិស្ករកកម្រិតខ្ពស់ គួរជៀសវាងការទទួលទាន។ សម្រាប់អ្នកជំងឺទឹកនោមផ្អែម គប្បី​ជៀស​វាង​​នូវអាហារដែល​មានសន្ទស្សន៍​ជាតិស្ករខ្ពស់ ដែលមាននៅក្នុងបន្លែផ្លែឈើមួយចំនួនដូចជា៖

ដោយឡែកសម្រាប់សន្ទស្សន៍ជាតិស្ករមធ្យម អាចទទួលទានក្នុងកម្រិតសមល្មមបាន ទទួលទានយ៉ាងណាកុំឱ្យច្រើនពេក។ ឯអាហារដែលមានសន្ទស្សន៍ជាតិស្ករទាបវិញ ដូចជា ប៉ោម ចេក ទំពាំងបាយជូ ក្រូច ស្ត្របប៊ើរី ត្រសក់ ខ្ទឹមបារាំង ប៉េងបោះ​ជាដើមនោះ គឺអាចទទួលទានច្រើនបាន ព្រោះមិនជាមានបញ្ហាចោទធំចំពោះអ្នកជំងឺទឹកនោមផ្អែមទេ។

យ៉ាងណាមិញ របបអាហារខាងលើ សុទ្ធសឹងតែជាអាហារដែលមានសន្ទស្សន៍ជាតិស្ករដូចគ្នា បើទោះបីជាខ្លះស្ថិតក្នុង កម្រិតមធ្យម និងកម្រិតទាបក៏ដោយ ប៉ុន្តែមិនមែនមានន័យថា វា​មិន​ធ្វើឱ្យ​កើន​កម្រិតជាតិ​ស្ករក្នុងឈាម​នោះទេ គ្រាន់​តែ​កើន​យឺត​ប៉ុណ្ណោះ។ ដូចនេះ ដើម្បីស្វែងយល់បន្ថែមពីរបបចំណីអាហារ ក៏ដូចជាវិធីធ្វើយ៉ាងណាឱ្យសុខភាពល្អ ពេទ្យជំនាញ​ណែនាំ​អ្នកជំងឺទឹកនោមផ្អែមទាំងអស់ គប្បីប្រឹក្សាជាមួយនឹងក្រុមគ្រូពេទ្យឯកទេសជំងឺទឹកនោមផ្អែមផ្ទាល់៕