អាហារ ៦ មុខ ជាស្តេចថែរក្សាក្រលៀន ជួយតម្រងនោមមានសុខភាពល្អ

តម្រងនោម​ច្រោះ​កាកសំណល់​ក្នុង​ឈាម ហើយ​យក​វា​ចេញពី​រាងកាយ​តាម​ទឹកនោម​។ តម្រងនោមក៏ទទួលខុសត្រូវចំពោះតុល្យភាពបរិមាណសារធាតុរាវ និងអេឡិចត្រូលីតនៅក្នុងខ្លួនផងដែរ។

ទោះបីជាយ៉ាងណាក៏ដោយ ក្រលៀនត្រូវបានប៉ះពាល់យ៉ាងងាយដោយស្ថានភាពសុខភាពមួយចំនួនដូចជា ជំងឺទឹកនោមផ្អែម សម្ពាធឈាមខ្ពស់ និងអាហារដែលយើងញ៉ាំ និងផឹកជារៀងរាល់ថ្ងៃ។ ការខូចតម្រងនោមអាចនាំឲ្យកើតជំងឺតម្រងនោមរ៉ាំរ៉ៃ។

អត្ថបទឆ្នាំ ២០១៦ ដែលត្រូវបានចេញផ្សាយនៅក្នុង Journal of the American Society of Nephrology បានរកឃើញថា របបអាហារមិនល្អ គឺជាកត្តាហានិភ័យធម្មតាសម្រាប់ការស្លាប់ និងពិការភាពទាក់ទងនឹងជំងឺតម្រងនោមរ៉ាំរ៉ៃ។ ដូច្នេះការផ្លាស់ប្តូររបបអាហារមានសារៈសំខាន់ណាស់ក្នុងការរក្សាមុខងារតម្រងនោម។

អាហារ​៦​មុខ​ ជួយឲ្យក្រលៀន​មាន​សុខភាព​ល្អ​៖

១ ទឹក

ទឹកគឺជាភេសជ្ជៈដ៏សំខាន់បំផុតមួយសម្រាប់រាងកាយ។ កោសិកាក្នុងរាងកាយប្រើប្រាស់ទឹកដើម្បីដឹកជញ្ជូនជាតិពុលចូលទៅក្នុងឈាម។ បន្ទាប់មក តម្រងនោមនឹងប្រើប្រាស់ទឹកដើម្បីច្រោះជាតិពុលទាំងនេះ និងកម្ចាត់វាចេញពីរាងកាយជាមួយនឹងទឹកនោម។ ការទទួលទានទឹកមិនគ្រប់គ្រាន់ ក៏អាចបង្កើនហានិភ័យនៃការបង្កើតគ្រួសក្នុងតម្រងនោមផងដែរ។ ដើម្បីការពារមុខងារតម្រងនោម រឿងសាមញ្ញ ដែលយើងអាចធ្វើបានគឺផឹកទឹកឲ្យបានគ្រប់គ្រាន់។ បន្ថែមពីលើការផឹកទឹកចម្រោះ ការទទួលទានផ្លែឈើ និងបន្លែក៏ជួយបំពេញជាតិទឹកដែលសម្បូរទៅដោយសារធាតុចិញ្ចឹមផងដែរ។

២ ត្រីខ្លាញ់

ត្រីសាម៉ុង ត្រីធូណា និងត្រីខ្លាញ់ទឹកត្រជាក់ផ្សេងទៀត សម្បូរទៅដោយអាស៊ីតខ្លាញ់អូមេហ្គា-៣។ ទាំងនេះគឺជាខ្លាញ់ដែលមានសុខភាពល្អដែលនរណាម្នាក់អាចបន្ថែមទៅក្នុងរបបអាហាររបស់ពួកគេ។ ដោយសារតែរាងកាយមិនអាចបង្កើតអូមេហ្គា3 ដោយខ្លួនឯងបាន យើងត្រូវបន្ថែមអាស៊ីតខ្លាញ់នេះពីរបបអាហាររបស់យើង។ ត្រីខ្លាញ់គឺជាប្រភពធម្មជាតិនៃខ្លាញ់ដែលមានសុខភាពល្អ។ យោងតាមសមាគមបេះដូងអាមេរិក (AHA) អូមេហ្គា 3 អាចរួមចំណែកដល់ការបន្ថយសម្ពាធឈាម ដែលវាជួយកាត់បន្ថយហានិភ័យនៃជំងឺតម្រងនោម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣ ដំឡូង​ផ្អែម

ដំឡូងជ្វាសម្បូរទៅដោយជាតិសរសៃ និងជួយកាត់បន្ថយការឡើងជាតិស្ករក្នុងឈាមបន្ទាប់ពីទទួលទាន។ ដំឡូងជ្វាក៏មានវីតាមីន និងសារធាតុរ៉ែជាច្រើន ជាពិសេសប៉ូតាស្យូម ដែលជួយរក្សាតុល្យភាពបរិមាណសូដ្យូមក្នុងរាងកាយ និងកាត់បន្ថយឥទ្ធិពលនៃជាតិសូដ្យូមលើតម្រងនោម។

៤ បន្លែស្លឹកបៃតងចាស់

បន្លែស្លឹកបៃតងចាស់ ដូចជា spinach ខាត់ណា និង radishes សម្បូរវីតាមីន ជាតិសរសៃ និងសារធាតុរ៉ែ។ បន្លែក្រុមនេះក៏មានសារធាតុប្រឆាំងអុកស៊ីតកម្មជាច្រើនដែលការពារសុខភាពជាទូទៅ។

៥ ប៊ឺរី

ផ្លែប៊ឺរីដែលមានពណ៌ចាស់ដូចជា ស្ត្របឺរី ប៊្លូបឺរី និងរ៉ាបឺរី គឺជាប្រភពដ៏ល្អនៃសារធាតុចិញ្ចឹមសំខាន់ៗ និងសារធាតុប្រឆាំងអុកស៊ីតកម្ម។ ដូច្នេះហើយ ផ្លែឈើទាំងនេះអាចជួយការពារកោសិកាក្នុងរាងកាយពីការខូចខាត។ ផ្លែប៊ឺរីក៏ជាជម្រើសដ៏មានសុវត្ថិភាពសម្រាប់អាហារសម្រន់ ដើម្បីចៀសវាងការបង្កើនកម្រិតជាតិស្ករក្នុងឈាម។

៥ ផ្លែប៉ោម

ផ្លែប៉ោមគឺជាអាហារសម្រន់ដែលមានសុខភាពល្អដែលមានជាតិសរសៃដ៏សំខាន់មួយហៅថា pectin ។ Pectin អាចជួយកាត់បន្ថយកត្តាហានិភ័យមួយចំនួន សម្រាប់ការខូចខាតតម្រងនោម ដូចជាជាតិស្ករក្នុងឈាមខ្ពស់ ឬកូលេស្តេរ៉ុលខ្ពស់។ ការទទួលទានផ្លែប៉ោមក៏ជួយកាត់បន្ថយការឃ្លានផ្អែម និងរួមចំណែកដល់ការគ្រប់គ្រងជាតិស្ករក្នុងឈាមផងដែរ។

ខាងលើគឺជាអាហារដែលត្រូវបានគេនិយាយថាមានប្រយោជន៍សម្រាប់សុខភាពតម្រងនោម។ ទោះជាយ៉ាងណាក៏ដោយ អ្នកដែលមានបញ្ហាតម្រងនោម ដូចជាជំងឺតម្រងនោមរ៉ាំរ៉ៃ ឬការលាងឈាម ចាំបាច់ត្រូវធ្វើតាមរបបអាហារដែលបានណែនាំដោយវេជ្ជបណ្ឌិតរបស់ពួកគេ៕

ប្រែសម្រួល៖ សាង ស្រីល័ក្ខ

ចុចអាន៖ភេសជ្ជៈ ៣ មុខ បំពុលខួរក្បាល បង្កើនហានិភ័យនៃជំងឺវង្វេងដល់ទៅ ៣៩ភាគរយ