លោករដ្ឋមន្រ្តី ហេង សួរ បានកោតសរសើរ និងវាយតម្លៃខ្ពស់ចំពោះសមិទ្ធផលជាទីមោទនៈនៃការអនុវត្តកម្មវិធី ជាពិសេសជួយឱ្យពួកគាត់ទទួលបានការងារសមរម្យ និងប្រាក់ចំណូលច្រើនជាងមុន បន្ថែមទៅលើការទទួលបានចំណេះដឹង និងវិញ្ញាបនបត្របច្ចេក​ទេសបញ្ជាក់សមត្ថភាព។ លទ្ធផលទាំងនេះគឺជាផលជះវិជ្ជមានមួយពីកម្មវិធី TVET ១,៥ លាននាក់របស់រាជរដ្ឋាភិបាលបានផ្ដល់ជូនប្រជាពលរដ្ឋ និងយុវជនដែលត្រូវការរៀនជំនាញវិជ្ជាជីវៈ។​ ខណៈដែលកម្ពុជាកំពុងបន្តដំណើរឆ្ពោះទៅរកការអ​ភិវឌ្ឍសេដ្ឋកិច្ចសង្គមយ៉ាងរឹងមាំ ការវិនិយោគលើធនធានមនុស្សគឺជាមូលដ្ឋានគ្រឹះដ៏សំខាន់បំផុតនៃអាទិភាពរបស់រាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយលោកបានគូសបញ្ជាក់ថា សម័យនេះ ការងារ និងជំនាញរត់រកមនុស្ស។

ទន្ទឹមនេះ លោកក៏បានយកចិត្តទុកដាក់ជម្រុញឱ្យពលរដ្ឋនៅក្នុងតំបន់ដាច់ស្រ​យាលបានទទួលព័ត៌មាន ហើយចុះឈ្មោះចូលរៀនបានច្រើនជាងមុន ដោយក្រសួងនឹងពិចារណាបង្កើនកិច្ចសហការជាមួយភូមិ ឃុំ/សង្កាត់។ បន្ថែមពីនេះ ដើម្បីសម្រួលដល់កង្វះមធ្យោបាយធ្វើដំណើរទៅសាលារៀន ក្រសួងក៏នឹងរៀបចំបញ្ជូនរថយន្តចល័ត និងគ្រូបង្រៀនទៅធ្វើការបណ្តុះបណ្តាលដល់សហគមន៍មូលដ្ឋាន ជាពិសេសលើជំនាញងាយៗដូចជា កែច្នៃផ្លែឈើ អ៊ុតសក់ ឬជួសជុលគ្រឿងម៉ា​ស៊ីនជាដើម។ លោកអំពាវនាវឱ្យប្រជាពលរដ្ឋដែលមិនទាន់មានជំនាញ ការងារ និងប្រាក់ចំណូលមិនទៀងទាត់ឱ្យចូលរួមក្នុងកម្មវិធីនេះ ដើម្បីទទួលបានការបណ្តុះបណ្តាលជំនាញវិជ្ជាជីវៈ ហើយទទួលបានការងារនៅតាមរោងចក្រ សហគ្រាសជាមួយនឹប្រាក់ឈ្នួលសមរម្យ និងអត្ថប្រយោជន៍ពី ប.ស.ស ថែមទៀត។

ចំណែកឯលោកស្រី Vladanka Andreeva អ្នកសម្របសម្រួលអង្គការសហប្រជាជាតិប្រចាំកម្ពុជា បានសម្តែងនូវក្តីរីករាយដែលចំនួនប្រជាពលរដ្ឋ យុវជន និងអតីតពលករទទួលបានអត្ថប្រយោជន៍ពីកម្មវិធី ក៏ដូចជាការលើកកម្ពស់ជីវភាពតាមរយៈកម្មវិធី TVET ដែលជាមោទនភាពសម្រាប់ខ្លួនឯង និងគ្រួសារ។ លោកស្រីមានប្រសាសន៍ថា ការធ្វើបទបង្ហាញ និងសំណូមពរ គឺការជំរុញឱ្យមានបរិយាបន្នកាន់តែប្រសើរសម្រាប់ជនមានពិការភាព ការកែសម្រួលកម្មវិធីបណ្តុះបណ្តាល ក៏ដូចជាសម្ភារចាំបាច់នានា ដើម្បីឱ្យជនមានពិការភាពអាចទទួលបានឱកាសបណ្តុះបណ្តាល ហើយបន្ទាប់មកអាចទទួលបានការងារធ្វើផងដែរ។ ទាំងនេះគឺជាចំណុចដែលនឹងយកទៅពិភាក្សាក្នុងគណៈប្រឹក្សាភិបាលនៃកម្មវិធី ហើយព្យាយាមស្វែងរកដំណោះស្រាយតាមភាពជាក់ស្តែង។

ក្រុមសិក្ខាកាមដែលជាជនមានពិការភាពជាច្រើនរូបបានបង្ហាញពីបទពិសោធរបស់ខ្លួន និងការទទួលបានអត្ថប្រយោជន៍នៃការចូលរៀនវគ្គបណ្តុះបណ្តាលជំនាញវិជ្ជាជីវៈនៅវិទ្យាស្ថាន។ ជាក់ស្តែង លោក ថន រិទ្ធី ដែលធ្លាក់ខ្លួនពិការដោយសារគ្រោះថ្នាក់ចរាចរណ៍បានបើកតូបមួយនាពេលថ្មីៗនេះ ដើម្បីផ្តល់សេវាជួសជុលគ្រឿងអគ្គិសនី ក្រោយពីទទួលបានការបណ្តុះបណ្តាល។ បញ្ហាប្រឈមមួយចំនួននៅក្នុងការអនុវត្តកម្មវិធី ដូចជា ខ្វះអគារសិក្សា កន្លែងស្នាក់នៅ សម្ភារបង្រៀននិងរៀន និងការបោះបង់ការសិក្សាដោយ​សារតែកត្តាជីវភាព ក៏ត្រូវបានលើកយកមកពិភាក្សានាពេលនេះផងដែរ។

តំណាងពីវិទ្យាស្ថានជាតិវិជ្ជាជីវៈបាត់ដំបងបានបញ្ជាក់ពីកិច្ចខិតខំអនុវត្តកម្មវិធីនេះយ៉ាងសកម្មទៅកាន់សហគមន៍តាមមូលដ្ឋាន តាមរយៈការចុះផ្សព្វផ្សាយដោយផ្ទាល់នៅថ្នាក់ឃុំ/សង្កាត់ និងកៀរគរយុវជន ជាពិសេសពីគ្រួសាររងហានិភ័យ ជនមានពិការភាព និងអតីតពលករពីប្រទេសថៃឱ្យចូលរួមកម្មវិធី TVET ១,៥ លាននាក់។

សូមបញ្ជាក់ថា គណៈប្រឹក្សាភិបាលដែលរួមមាន តំណាងអង្គការ UNESCO, UNICEF, UNIDO, ILO, ទីភ្នាក់ងារ SDC និងដៃគូអភិវឌ្ឍន៍ក៏បានធ្វើទស្សនកិច្ចនៅសិប្បកម្ម តាកាឌា ដើម្បីធ្វើការឈ្វេងយល់ពីការប្រឈម ឱកាសការអភិវឌ្ឍជំនាញនិងបង្កើតការងារសម្រាប់យុវជនផងដែរ៕

The post កម្ពុជា-UN រួមគ្នាសម្រេចបានការជំរុញការបណ្តុះបណ្តាលជំនាញវិជ្ជាជីវៈ និងផ្តល់ឱកាសការងារដល់ជនមានពិការភាព និងអតីតពលករមកពីថៃ appeared first on Kampuchea Thmey Daily.

លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់ក្រោយកិច្ចប្រជុំថា បងប្អូនអ្នករត់កង់បី និងក្រុមហ៊ុនផ្តល់សេវាដឹកជញ្ជូន ឯកភាពលើ ៣ចំណុចសំខាន់ៗដែលរួមមាន ការផ្តល់ថវិកាបន្ថែមជូនបងប្អូនអ្នកបើកបរកង់បី ចំនួន ៥០០រៀលក្នុងមួយជើងដំណើរទៅលើតម្លៃអនុវត្តបច្ចុប្បន្នបណ្តោះអាសន្នរយៈពេល ៣ខែចាប់ពីថ្ងៃទី១ ខែមិថុនា ដល់ថ្ងៃទី៣១ ខែសីហា ឆ្នាំ២០២៦ និងការកាត់កម្រៃជើងសារមិនឱ្យលើសចំនួន១៥%។ ដោយឡែក ការបិទអេបណាមួយពីក្រុមហ៊ុនទៅកាន់អ្នកបើកបរត្រូវមាននីតិវិធីច្បាស់លាស់និងជូនដំណឹងជាមុនជាចាំបាច់។ 

លោក ស៊ុន មេសា៖ “នៅថ្ងៃនេះ យើងបានសម្រេចការព្រមព្រៀងសះជាក្រោយកិច្ចប្រជុំជាបន្តបន្ទាប់ដែលធ្វើឱ្យភាគីទាំងពីរ (ក្រុមហ៊ុន និងអ្នករត់កង់បី) សប្បាយចិត្តទទួលយកក្នុងស្មារតីយោគយល់គ្នា។ បញ្ហារបស់បងប្អូនអ្នករត់កង់បីត្រូវបានដោះស្រាយសះជាក្នុងរយៈពេលមួយលឿនរហ័សគួរសមដែលមន្ត្រីជំនាញរបស់យើងធ្វើការភ្លាមៗតាំងពីទទួលបានសំណើដោះស្រាយ។ នេះបានបង្ហាញពីការយកចិត្តទុកដាក់របស់លោករដ្ឋមន្ត្រីដែលជាសេនាធិការជូនរាជរដ្ឋាភិបាលលើបញ្ហារបស់បងប្អូនសេដ្ឋកិច្ចក្រៅប្រព័ន្ធ”។ 

ក្នុងកិច្ចប្រជុំដែលធ្វើឡើងក្រោមអធិបតីភាពរបស់លោក ទុយ ស៊ីផាន់ និងលោក សោម ចំណាន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បងប្អូនអ្នករត់កង់បី និងក្រុមហ៊ុនទាំងអស់ បានឯកភាព និងព្រមព្រៀងសហការចូលរួមដោះស្រាយនៅគ្រប់យន្តការរបស់ក្រសួងដោយសន្តិវិធីចំពោះបញ្ហាប្រឈមដែលនៅសេសសល់នានា និងកង្វល់ផ្សេងៗបន្ថែមទៀតនៅពេលខាងមុខ។

ជាមួយគ្នានេះ ក្រសួងការងារ និងបណ្តុះបណ្តាលវិជ្ជាជីវៈ នឹងបន្តតាមដានយ៉ាងយកចិត្តទុកដាក់លើការអនុវត្តនូវរាល់ការឯកភាពពីគ្រប់ភាគីដើម្បីធានានូវការអនុវត្តប្រកបដោយប្រសិទ្ធភាព។ នេះបើតាមការបញ្ជាក់របស់លោក ស៊ុន មេសា ដដែល៕

The post ការស្នើសុំរបស់បងប្អូនអ្នកដឹកជញ្ជូន (រត់កង់បី) ទទួលបានដំណោះស្រាយសះជាលឿនពីក្រសួងការងារ  appeared first on Kampuchea Thmey Daily.

ពិធីបើកវគ្គបណ្តុះបណ្តាលនេះ ត្រូវបានធ្វើឡើងក្រោមអធិបតីភាពរបស់ ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រី អនុប្រធានប្រចាំការនៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) និងជាប្រធានលេខាធិការដ្ឋាន គ.ប.ឆ.ប. ព្រមទាំងមានការអញ្ជើញចូលរួមពីតំណាងស្ថាប័នជាតិ និងអន្តរជាតិសំខាន់ៗ រួមមាន៖តំណាងក្រសួងយុត្តិធម៌ , តំណាងបណ្ឌិត្យសភាភូមិន្ទយុត្តិធម៌កម្ពុជា និងតំណាងសាលាដំបូងរាជធានី-ខេត្តគោលដៅ, តំណាងនាយកដ្ឋានប្រឆាំងបទល្មើសបច្ចេកវិទ្យា និងនាយកដ្ឋានប្រឆាំងការជួញដូរមនុស្ស និងការពារអនីតិជន នៃអគ្គស្នងការដ្ឋាននគរបាលជាតិ,តំណាងនាយកដ្ឋានគាំពារជនរងគ្រោះ នៃក្រសួងសង្គមកិច្ច អតីតយុទ្ធជន និងយុវនីតិសម្បទា,មន្ត្រីជំនាញមកពីការិយាល័យអង្គការសហប្រជាជាតិទទួលបន្ទុកគ្រឿងញៀននិងបទល្មើស (UNODC), ក្រសួងយុត្តិធម៌នៃសាធារណរដ្ឋកូរ៉េ និងសហភាពអឺរ៉ុប (EU) ។

នៅក្នុងឱកាសនោះ លោកសន្តិបណ្ឌិត ឆៃ ស៊ីណារិទ្ធ បានចាត់ទុកថា វគ្គបណ្តុះបណ្តាលនេះនឹងរួមចំណែកផ្តល់ចំណេះដឹង និងបទពិសោធន៍ថ្មីបន្ថែមទៀត ក្នុងក្របខណ្ឌនីតិវិធីទាក់ទងនឹងការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ ការដោះស្រាយភស្តុតាងឌីជីថល ក្នុងការស៊ើបអង្កេតឆ្លងកាត់ព្រំដែន ព្រមទាំងការកំណត់អត្តសញ្ញាណ ការពារ និងគាំទ្រដល់ជនរងគ្រោះនៃអំពើជួញដូរមនុស្ស។

វគ្គបណ្ដុះបណ្ដាលនេះ មិនត្រឹមតែជាការកសាងសមត្ថភាពបច្ចេកទេសប៉ុណ្ណោះទេ ប៉ុន្តែថែមទាំងជាការបង្ហាញពីការប្ដេជ្ញាចិត្តរួមគ្នារបស់យើង ក្នុងការប្រកាសពង្រឹងនីតិរដ្ឋ ការពារសិទ្ធិមនុស្ស គាំពារជនរងគ្រោះ និងធានាឱ្យបានថា ជនល្មើសមិនអាចគេចផុតពីការទទួលខុសត្រូវចំពោះមុខច្បាប់បានឡើយ។

លោកសន្តិបណ្ឌិតបន្តថា  បច្ចុប្បន្នបទល្មើសបច្ចេកវិទ្យាមានទម្រង់កាន់តែស្មុគស្មាញ ដោយសារឧក្រិដ្ឋជនបានប្រើប្រាស់ប្រព័ន្ធអ៊ីនធឺណិត និងបច្ចេកវិទ្យាទំនើបៗធ្វើជាឧបករណ៍បោកប្រាស់ និងអូសទាញជនរងគ្រោះ។ កត្តានេះ ទាមទារឱ្យសមត្ថកិច្ចជំនាញត្រូវយល់ដឹងកាន់តែច្បាស់អំពីយន្តការច្បាប់ និងការសម្របសម្រួលកិច្ចសហប្រតិបត្តិការអន្តរជាតិ ដើម្បីបោសសម្អាតអំពើឆបោកទាំងនេះឱ្យអស់ពីកម្ពុជា។

លោកទេសរដ្ឋមន្ត្រីបញ្ជាក់ថា «ស្ទើរគ្រប់ប្រទេសទាំងអស់ទទួលស្គាល់ថា បញ្ហានេះជាបញ្ហាឆ្លងដែន ដែលគ្មានប្រទេសណាមួយអាចដោះស្រាយតែម្នាក់ឯងបានឡើយ។ ក្នុងនាមជាប្រទេសតូច បើកចំហ និងកំពុងអភិវឌ្ឍ កម្ពុជាបានក្លាយជាគោលដៅដែលបណ្ដាញឧក្រិដ្ឋជនបរទេស ព្យាយាមមកប្រើប្រាស់ទឹកដីកម្ពុជាធ្វើជាមូលដ្ឋានប្រតិបត្តិការ។ ប៉ុន្តែ ខ្ញុំសូមគូសបញ្ជាក់ថា រាជរដ្ឋាភិបាលកម្ពុជាមិនអនុញ្ញាតឱ្យកម្ពុជា ក្លាយជាជម្រកសុវត្ថិភាពរបស់ឧក្រិដ្ឋជនអន្តរជាតិឡើយ។»

រាជរដ្ឋាភិបាលកម្ពុជា ទាំងក្នុងអាណត្តិមុន និងបច្ចុប្បន្ន បានប្រកាសចាត់ទុកការប្រយុទ្ធប្រឆាំងឧក្រិដ្ឋកម្មឆ្លងដែន ជាពិសេសការបោកប្រាស់តាមប្រព័ន្ធបច្ចេកវិទ្យា (Online Scams) និងការជួញដូរមនុស្ស ជាកិច្ចការអាទិភាពខ្ពស់បំផុត ដោយបាននិងកំពុងដាក់ចេញនូវវិធានការឆ្លើយតបយ៉ាងម៉ឺងម៉ាត់ ម៉ត់ចត់ និងខ្លាំងក្លាជាបន្តបន្ទាប់ ដើម្បីការពារសន្តិសុខ សណ្ដាប់ធ្នាប់សាធារណៈ សេដ្ឋកិច្ច ព្រមទាំងសេចក្ដីថ្លៃថ្នូររបស់ប្រជាពលរដ្ឋទាំងនៅក្នុងប្រទេស និងលើសកលលោកទាំងមូល។

ជាមួយគ្នានេះ លោកបានវាយតម្លៃខ្ពស់ចំពោះ អង្គការUNODC,  ក្រសួងយុត្តិធម៌នៃសាធារណរដ្ឋកូរ៉េ និងសហភាពអឺរ៉ុប ដែលបានសហការឧបត្ថម្ភគាំទ្រផ្នែកថវិកា និងបច្ចេកទេស ក្នុងការផ្តួចផ្តើមឱ្យមានវគ្គបណ្តុះបណ្តាលនេះឡើងសំដៅរួមចំណែកកសាងសមត្ថភាពកម្ពុជា ក្នុងការប្រយុទ្ធប្រឆាំងឧក្រិដ្ឋកម្មឆ្លងដែន។ កិច្ចសហការនេះឆ្លុះបញ្ចាំងពីការទទួលខុសត្រូវរួម និងការប្តេជ្ញាចិត្តរួមរបស់យើង ក្នុងការប្រយុទ្ធប្រឆាំងឧក្រិដ្ឋកម្មឆ្លងដែន ដែលកំពុងគំរាមកំហែងដល់សន្តិសុខ និងសុវត្ថិភាពរបស់ប្រជាពលរដ្ឋ នៅទូទាំងសកលលោក៕

The post កម្ពុជា និងដៃគូអន្តរជាតិ ពង្រឹងសមត្ថភាពមន្ត្រីអនុវត្តច្បាប់លើការបង្ក្រាបបទល្មើសបច្ចេកវិទ្យានិងឧក្រិដ្ឋកម្មឆ្លងដែន appeared first on Kampuchea Thmey Daily.

យោង​តាម​សារព័ត៌មាន​ Al Jazeera និង CNN មាន​​ហេតុ​ផល​ ៦ ដែល​អ៊ីស្រាអែល​ហាម​នាវា​ដឹក​ជំនួយ​ទៅ​តំបន់​ហ្គាហ្សា​៖

១. ការរត់ពន្ធអាវុធ៖ អ៊ីស្រាអែល បាន​អះអាងថា ការ​បិទផ្លូវនេះគឺជាវិធានការសន្តិសុខដ៏សំខាន់មួយ ដើម្បីការពារក្រុមហាម៉ាសនិងក្រុមប្រដាប់អាវុធដទៃទៀតពីការរត់ពន្ធអាវុធ ​និង​ប្រតិបត្តិការចូលទៅក្នុងតំបន់ហ្គាហ្សាតាមសមុទ្រ​។

២. តំបន់​ប្រយុទ្ធ៖ ក្រសួងការបរទេសអ៊ីស្រាអែលចាត់​ថ្នាក់​តំបន់​សមុទ្រដែល​ខិតជិតតំបន់ហ្គាហ្សាជាតំបន់ប្រយុទ្ធ​សកម្ម ហើយ​អះអាងថានាវា​ដែលគ្មានការអនុញ្ញាតបង្កហានិភ័យ និងសន្តិ​សុខយ៉ាងសំខាន់​ដល់អ្នកដំណើរ​ស៊ីវិល បុគ្គលិក​យោធា និង​សុចរិតភាពប្រតិបត្តិការ​របស់​តំបន់​។

៣. ការបិទផ្លូវស្របច្បាប់៖ អ៊ីស្រាអែលអះអាងថា ការបិទ​ផ្លូវកងទ័ព​ជើងទឹករបស់​ខ្លួនគោរពតាមច្បាប់សមុទ្រអន្តរជា

៤. បណ្តាញជំនួយ៖ អ៊ីស្រាអែលអះអាងថា ការបិទ​ផ្លូវនេះ​មិន​ហាមឃាត់ជំនួយ​មនុស្សធម៌ទេ ដរាបណាវា​ចូលតាមរយៈផ្លូវ​គោក​ដែលបង្កើតឡើង និង​​ត្រួតពិនិត្យ។

៥. ការស្ទាក់ចាប់៖ ដើម្បីរក្សាប្រសិទ្ធ​ភាពនៃការបិទផ្លូវ កងទ័ពជើង​ទឹកអ៊ីស្រាអែលបាន​អនុវត្តការស្ទាក់ចាប់ដែលមានការសម្រប​សម្រួល ដូចពេលបញ្ឈប់នាវា Global Sumud Flotilla ចំនួន ​៥៤គ្រឿង​ រួច​មក​ហើយ​។

៦. ការឃុំឃាំងនិងការនិរទេស៖ ប្រតិបត្តិការក្នុងដែន​ទឹក​អន្តរជាតិ ​យោធាអ៊ីស្រាអែលបាន​ឡើងលើនាវាដែល​មិនទទួលបានការ​អនុម័ត បង្វែរ​ពួកគេទៅកាន់កំពង់​ផែ Ashdod ឃុំខ្លួនអ្នក​ដំណើរ ហើយបន្ទាប់មកនិរទេសសកម្មជន​អន្តរជាតិ។

ផ្ទុយទៅវិញ អ្នករៀបចំអន្តរជាតិនិងស្ថាប័នសិទ្ធិមនុស្សផ្សេងៗ ​​ចូលរួមក្នុងចលនា Global Sumud Flotilla អះអាងថា ការបិទផ្លូវនេះ​គឺជាទម្រង់ខុសច្បាប់​នៃការដាក់​ទណ្ឌកម្មសមូហភាព ហើយការស្ទាក់ចាប់នាវាស៊ីវិល​របស់​អ៊ីស្រាអែលក្នុងដែនទឹកអន្តរជាតិ រំលោភលើច្បាប់សមុទ្រអន្តរជាតិ​៕

សម្រួល៖ ណឺ មិនា

The post ​អ៊ីស្រាអែល ​ប្រើមូលហេតុ​សំខាន់ៗ​ ​វាយ​ប្រហារ​នាវា​ដឹក​ជំនួយ​ទៅ​តំបន់​ហ្គាហ្សា​ appeared first on Kampuchea Thmey Daily.

កិច្ចប្រជុំ​នេះ ក៏មានការចូលរួមពីមន្ទីរសាធារណការ​ និងដឹកជញ្ជូនខេត្ត​ រដ្ឋបាលក្រុងសិរីសោភ័ណ​ មន្ត្រីជំនាញខេត្ត​ និងក្រុង​ ចៅសង្កាត់ចំនួន៤​ ក្នុងក្រុងសិរីសោភ័ណ​។

ដើម្បីឱ្យគម្រោងសម្រេចបានជោគជ័យ​ ដោយអនុវត្តនៅឆ្នាំ២០២៧ខាងមុខលោក អ៊ុំ​ រាត្រី​ អភិបាលខេត្ត​ ក៏បានធ្វើការណែនាំដល់អាជ្ញាធរក្រុងសិរីសោភ័ណ​ ក៏ដូចជាសង្កាត់ពាក់ព័ន្ធទាំង៤នៅក្នុងក្រុង​ ត្រូវរៀបចំក្រុមការងារធ្វើការសិក្សាវាយតម្លៃទៅលើគម្រោងឱ្យបានល្អិតល្អន សិក្សាពីផលប៉ះពាល់នៃការអភិវឌ្ឍគម្រោង​ ក្នុងការសម្របសម្រួលដោះស្រាយ​ សុំឱ្យបងប្អូនប្រជាពលរដ្ឋចូលរួមទាំងអស់គហនាដើម្បីកែលម្អសោភ័ណ្ឌភាពក្រុងកាន់តែមានភាពស្រស់ស្អាតនិងមានភាពបៃតង។ 

ចំពោះគម្រោងកែលម្អក្រុង​ គ្រោងនឹងចាប់ផ្តេីមអនុវត្តន៍​ នៅឆ្នាំ​២០២៧​ខាងមុខ​ ប្រវែងផ្លូវមានការរៀបចំក្រាលការ៉ូឡាធ្វើផ្លូវដើរ​ ចំនួន៦ខ្សែ​ រួមមាន​ ៖​ ១-ប្រវែងផ្លូវពីភ្លើងស្តុបសួនម្ទេសក្រហម ដល់ ផ្លូវកែងជាប់សាលាក្រុង ២៣៥៣ម៉ែត្រ​,​ ២-ប្រវែងផ្លូវកែងជាប់សាលាក្រុង ដល់ផ្លូវបេតុងជាប់របងសាលារៀនពង្រ ១៣៥៦ម៉ែត្រ​,​ ៣-ប្រវែងផ្លូវពីស្ពានទី២​ (ផ្លូវជាតិលេខ៦)​ ដល់ស្ពានទឹកថ្លា ៨២៥០ម៉ែត្រ​,​ ៤-ប្រវែងផ្លូវពីរង្វង់មូលដៃ៣២(ផ្លូវជាតិលេខ៥) ដល់រង្វង់មូលស្រីគ្រប់ល័ក្ខ ៧៨៨ម៉ែត្រ​,​ ៥-ប្រវែងផ្លូវពីរង្វង់មូលស្រីគ្រប់ល័ក្ខ (ផ្លូវជាតិលេខ៥) ដល់ផ្លូវរទេះភ្លើង ៦២៤ម៉ែត្រ​,​ ៦-ប្រវែងផ្លូវពីរង្វង់មូលស្រីគ្រប់ល័ក្ខ (ផ្លូវជាតិលេខ៦)​ ដល់ផ្លូវខាងមុខសណ្ឋាគារណាសារ ៩៤១ម៉ែត្រ៕

ដោយ ៖ អេម ពៅ

The post ឆ្នាំ២០២៧ក្រុងសិរីសោភ័ណនឹងរៀបចំកែលម្អសោភ័ណ្ឌភាពក្រុង ឱ្យកាន់តែមានភាពស្រស់ស្អាត appeared first on Kampuchea Thmey Daily.

ទីភ្នាក់ងារសារព័ត៌មានយ៉ុនហាប់ បានរាយការណ៍ថា សៀវភៅសប្រចាំឆ្នាំនេះ មានខ្លឹមសារខុសប្លែកគ្នាយ៉ាងច្បាស់ ដាច់ស្រឡះពីរដ្ឋាភិបាលអាណត្តិមុន ដោយ​វាបានឆ្លុះបញ្ចាំងពីការជំរុញរបស់រដ្ឋបាលលោក Lee Jae-myung ដែលបានចូលកាន់តំណែងកាលពីខែមិថុនាឆ្នាំមុន ក្នុងការស្តារទំនាក់ទំនងដ៏តានតឹងរវាងកូរ៉េទាំងពីរ ផ្អែកលើការកសាងទំនុកចិត្តទៅវិញទៅមក។ នេះត្រូវបានគេមើលឃើញទៀតថា ជាការផ្លាស់ប្តូរដ៏គួរឲ្យកត់សម្គាល់មួយនៅក្នុងវិធីសាស្ត្ររបស់ទីក្រុងសេអ៊ូល ចំពោះទីក្រុងព្យុងយ៉ាង បន្ទាប់ពីដំណាក់កាលនៃភាពតានតឹងក្រោមរដ្ឋបាលអាណត្តិមុនរបស់លោក Yoon Suk Yeol។

យោងតាមខ្លឹមសារនៃសៀវភៅស រដ្ឋាភិបាលកូរ៉េខាងត្បូង បានដាក់ចេញនូវគោលការណ៍ណែនាំសំខាន់ៗចំនួន ៣ ក្នុងទំនាក់ទំនងរវាងកូរ៉េទាំងពីរ។ សៀវភៅនេះ បានបញ្ជាក់ថា ទីក្រុងសេអ៊ូលគោរពប្រព័ន្ធគ្រប់គ្រងរបស់កូរ៉េខាងជើង មិនស្វែងរកការបង្រួបបង្រួមជាតិដោយការលេបត្របាក់ឡើយ ហើយក៏មិនចូលរួមក្នុងសកម្មភាពអរិភាពប្រឆាំងនឹងទីក្រុងព្យុងយ៉ាងនោះដែរ។

ប្រភពដដែលក៏បានលើកឡើងផងដែរ អំពីការសម្រេចចិត្តរបស់រដ្ឋាភិបាលលោក Lee Jae-myung ក្នុងការបញ្ឈប់ការបង្ហោះខិត្តប័ណ្ណប្រឆាំងទីក្រុងព្យុងយ៉ាងទៅកាន់កូរ៉េខាងជើង និងការផ្អាកការផ្សាយតាមឧឃោសនសព្ទ (មេក្រូ) នៅតាមបណ្តោយព្រំដែន ដែលនេះជាជំហានដើម្បីកាត់បន្ថយភាពតានតឹងផ្នែកយោធា និងកសាងទំនុកចិត្តឡើងវិញ។

លើសពីនេះ សៀវភៅសនេះក៏បានគូសបញ្ជាក់ពីផែនការក្នុងការរស់រវើកឡើងវិញនូវកិច្ចព្រមព្រៀងយោធារវាងកូរ៉េទាំងពីរ ដែលត្រូវបានចុះហត្ថលេខាដោយប្រធានាធិបតីនាពេលនោះ លោក Moon Jae-in និងមេដឹកនាំកូរ៉េខាងជើង លោក គីម ជុងអ៊ុន កាលពីថ្ងៃទី ១៩ ខែកញ្ញា ឆ្នាំ ២០១៨ ព្រមទាំងបន្តស្វែងរកកិច្ចព្រមព្រៀងទ្វេភាគីដើម្បីបង្កើតគ្រឹះជាប្រព័ន្ធសម្រាប់ការរស់នៅជាមួយគ្នាដោយសន្តិភាព។

ទោះបីជាទីក្រុងសេអ៊ូលកំពុងបញ្ជូនសញ្ញាក្នុងន័យផ្សះផ្សាក៏ដោយ ក៏ទំនាក់ទំនងរវាងកូរ៉េទាំងពីរនៅតែស្ថិតក្នុងស្ថានភាពរកាំរកូសស្ទើរតែទាំងស្រុង។ ជាក់ស្ដែង ពោលគឺមិនមានការផ្លាស់ប្តូររវាងប្រជាជននិងប្រជាជនសោះក្នុងរយៈពេល ៥ ឆ្នាំកន្លងមកនេះ ហើយក៏មិនទាន់មានការផ្លាស់ប្តូរសេដ្ឋកិច្ចណាមួយកើតឡើងដែរ៕

អត្ថបទ៖ សាង ស្រីល័ក្ខ

លោកស្រី Merkel បដិសេធធ្វើជាអ្នកសម្របសម្រួលជាមួយរុស្ស៊ី និង រិះគន់ EU ថា ខ្វះសកម្មភាពការទូត

The post កូរ៉េខាងត្បូង ប្តូរយុទ្ធសាស្ត្រថ្មី​សំដៅ​កូរ៉េខាងជើង ដោយ​ «ដកពាក្យសម្ពាធ ជំនួស​ពាក្យសន្តិភាព» appeared first on Kampuchea Thmey Daily.

លោកបានលើកឡើងតាមបណ្តាញសង្គមថា នៅពេលកំពុងសិក្សា និស្សិតគួរខិតខំរៀនឲ្យលើសពីការយល់ដឹងធម្មតា ដោយយកមូលដ្ឋានលើពាក្យប្រៀបធៀប «ចេះដប់ មិនស្មើប្រសប់មួយ» ដើម្បីកសាងជំនាញ និងទេពកោសល្យឲ្យក្លាយជាមនុស្សមានសមត្ថភាពពិតប្រាកដ។ លោកបញ្ជាក់ថា មនុស្សដែលមានសមត្ថភាពលេចធ្លោ នឹងមានឱកាសការងារជាច្រើនរង់ចាំ។

ជាមួយគ្នានេះ លោកក៏បានណែនាំថា នៅពេលចូលធ្វើការ គួរមានចិត្តសប្បាយរីករាយ ក្នុងការងារ និងមិនគួរមានចិត្តច្រណែនចំពោះអ្នកដែលធ្វើការតិចជាងខ្លួនឡើយ ព្រោះការខិតខំប្រឹងប្រែង គឺជាគន្លឹះនាំទៅរកភាពជោគជ័យ។

លោកបន្ថែមថា ប្រសិនបើយុវជនអាចបង្កើតទម្លាប់ល្អបែបនេះបាន នឹងមិនជួបបញ្ហាក្នុងការស្វែងរកការងារធ្វើទៀតឡើយ ខណៈអ្វីដែលអាចក្លាយជាបញ្ហាវិញនោះ គឺការសម្រេចចិត្តលាឈប់ពីការងារទៅវិញទេ។

សារនេះត្រូវបានមើលឃើញថា ជាការលើកទឹកចិត្តដល់យុវជនឲ្យខិតខំអភិវឌ្ឍខ្លួន និងបង្កើនសមត្ថភាព ដើម្បីឆ្ពោះទៅរកអនាគតការងារដែលមានស្ថិរភាព និងជោគជ័យទៅថ្ងៃក្រោយ៕

The post លោក ប៉ែន បូណា «ទម្លាប់ល្អថ្ងៃនេះ កំណត់អនាគតការងារអ្នកថ្ងៃក្រោយ»  appeared first on Kampuchea Thmey Daily.

យោងតាមការចេញផ្សាយពីទីភ្នាក់ងារសារព័ត៌មាន Reuters សេចក្តីថ្លែងការណ៍នេះត្រូវបានធ្វើឡើង បន្ទាប់ពីជំនួបរវាង លោក Jeff Landry ប្រេសិតពិសេសរបស់អាមេរិក ដែលត្រូវបានតែងតាំងដោយលោក ត្រាំ កាលពីឆ្នាំមុន ដើម្បីជំរុញការគ្រប់គ្រងរបស់អាមេរិកលើកោះ Greenland បានធ្វើដំណើរមកដល់ទីក្រុង Nuuk របស់​កោះ Greenland​ កាលពីថ្ងៃអាទិត្យ ហើយបានជួបពិភាក្សាការងារកាលពីថ្ងៃចន្ទ ជាមួយនាយករដ្ឋមន្ត្រី Greenland លោក Jens-Frederik Nielsen និងរដ្ឋមន្ត្រីការបរទេស លោក Mute Egede ។

បន្ទាប់ពីជំនួបនោះ លោកនាយករដ្ឋមន្ត្រី Nielsen បានប្រាប់អ្នកយកព័ត៌មានថា «យើងជឿជាក់ថាមានវឌ្ឍនភាព ហើយពីខាងភាគី Greenland យើងកំពុងផ្តោតលើការស្វែងរកដំណោះស្រាយមួយដែលល្អសម្រាប់យើងទាំងអស់គ្នា ហើយអ្វីដែលសំខាន់បំផុតនោះគឺ ការគំរាមកំហែងនៃការកាត់យកទឹកដី ការកាន់កាប់ ឬការទិញយកកោះ និងប្រជាជន មិនត្រូវឲ្យកើតឡើងនោះទេ»។

លោក Nielsen បានបន្តថា Greenland បានមើលឃើញពីវឌ្ឍនភាពនៅក្នុងកិច្ចពិភាក្សាជាមួយទីក្រុងវ៉ាស៊ីនតោន។ ប៉ុន្តែ ថ្នាក់ដឹកនាំរបស់កោះនេះនៅតែបន្តរក្សាជំហររឹងមាំលើអធិបតេយ្យភាព។

ដោយឡែក រដ្ឋមន្ត្រីការបរទេស លោក Mute Egede បានអះអាងថា Greenland មាន «បន្ទាត់ក្រហម» យ៉ាងច្បាស់លាស់ ហើយនឹងមិនលក់ទឹកដីរបស់ខ្លួនក្នុងទម្រង់ណាមួយឡើយ។ យើងនឹងកាន់ កាប់កោះ Greenland ជារៀងរហូត។

ទោះបីជាទទួលស្គាល់ពីវឌ្ឍនភាពនៅក្នុងកិច្ចសន្ទនាក៏ដោយ ក៏ថ្នាក់ដឹកនាំកោះ Greenland នៅតែសង្កត់ធ្ងន់ថា រាល់ដំណោះស្រាយនាពេលអនាគតទាំងអស់ ត្រូវតែគោរពតាមអធិបតេយ្យភាព និងការសម្រេចចិត្តដោយខ្លួនឯងរបស់ប្រជាជនក្នុងស្រុក ព្រមទាំងបដិសេធរាល់គំនិតទាំងឡាយណាដែលចាត់ទុកទឹកដីជាទំនិញសម្រាប់ជួញដូរ។

ទោះជាយ៉ាងណាក៏ដោយ ខាងភាគីលោក Landry មិនទាន់បានចេញសេចក្តីថ្លែងការណ៍ផ្លូវការណាមួយឡើយបន្ទាប់ពីជំនួបនោះទេ។ កាលពីមុន រូបលោកបានប្រាប់ប្រព័ន្ធផ្សព្វផ្សាយក្នុងស្រុកថា ដំណើរកម្សាន្តនេះគឺដើម្បី «ស្តាប់ និងស្វែងយល់តែប៉ុណ្ណោះ»៕

អត្ថបទ៖ សាង ស្រីល័ក្ខ

The post ​រដ្ឋាភិបាល​កោះ Greenland ប្រកាស​មិនលក់​ដាច់​ខាត​ ប៉ុន្តែ​ មើល​ឃើញ​វឌ្ឍនភាពក្នុងកិច្ចចរចាជាមួយ អាមេរិក appeared first on Kampuchea Thmey Daily.