សំណើនេះ ត្រូវបានភាគីអ៊ីរ៉ង់បញ្ជូន តាមរយៈអ្នកសម្របសម្រួល ក្នុងប្រទេសប៉ាគីស្ថាន កាលពីយប់ថ្ងៃព្រហស្បតិ៍ ប៉ុន្តែគ្រាន់តែមកដល់ដៃភ្លាម លោក ត្រាំ បានប្រកាសទាត់ចោលស្ទើរតែភ្លាមៗនៅចំពោះមុខអ្នកសារព័ត៌មាននៅសេតវិមាន ដោយលោកអះអាងថា អ៊ីរ៉ង់បានទាមទារនូវលក្ខខណ្ឌមួយចំនួន ដែលលោកមិនអាចទទួលយកបានឡើយ។

ទោះបីជាបទឈប់បាញ់រយៈពេលបីសប្តាហ៍មកនេះ នៅតែបន្តមានប្រសិទ្ធភាព​មែន ប៉ុន្តែសន្តិភាពនេះហាក់ដូចជាផុយស្រួយបំផុត ដោយសារភាគីទាំងសងខាង តែងតែចោទប្រកាន់គ្នាទៅវិញទៅមក ថាបានរំលោភលើកិច្ចព្រមព្រៀង។ លោក ត្រាំ បានសម្តែងការខកចិត្តយ៉ាងខ្លាំង ចំពោះថ្នាក់ដឹកនាំរបស់អ៊ីរ៉ង់ ដោយលោកបានប្រើពាក្យធ្ងន់ៗថា ជាក្រុមដឹកនាំដែលបែកបាក់គ្នា និងរញ៉េរញ៉ៃបំផុត ទោះបីជាពួកគេម្នាក់ៗសុទ្ធតែចង់បានកិច្ចព្រមព្រៀងបញ្ចប់សង្គ្រាមក៏ដោយ។ ការចរចាដែលធ្លាប់គ្រោងធ្វើដោយផ្ទាល់ ក៏ត្រូវបានលុបចោល ហើយប្តូរមកជាការពិភាក្សាតាមទូរសព្ទវិញ បន្ទាប់ពីលោក ត្រាំ បានដកក្រុមបេសកជនរបស់លោក ចេញពីប្រទេសប៉ាគីស្ថានកាលពីសប្តាហ៍មុន។

ចំណុចដែលតានតឹងបំផុតក្នុងពេលនេះ គឺការប្រឈមមុខដាក់គ្នានៅច្រកសមុទ្រហ័រមូស (Hormuz) ដែលជាផ្លូវដង្ហើមសេដ្ឋកិច្ចពិភពលោកសម្រាប់ដឹកជញ្ជូនប្រេង និងឧស្ម័ន។ កងទ័ពជើងទឹកអាមេរិក បានឡោមព័ទ្ធ និងរារាំងមិនឲ្យ​នាវាដឹកប្រេងរបស់អ៊ីរ៉ង់ចេញទៅក្រៅបានឡើយ ដែលធ្វើឲ្យ​សេដ្ឋកិច្ចអ៊ីរ៉ង់ដុនដាបយ៉ាងខ្លាំង។ ជាការឆ្លើយតប អ៊ីរ៉ង់ក៏បានគ្រប់គ្រងច្រកសមុទ្រនេះយ៉ាងតឹងរ៉ឹង ដែលបង្កឲ្យ​មានសម្ពាធដល់សេដ្ឋកិច្ចពិភពលោកទាំងមូលផងដែរ។ កន្លងមក អ៊ីរ៉ង់ធ្លាប់បានស្នើសុំឲ្យ​អាមេរិកដកការឡោមព័ទ្ធនាវាដឹក​ប្រេង ជាការ​ដោះដូរនឹងការបើកច្រកសមុទ្រឡើងវិញ ប៉ុន្តែលោក ត្រាំ បានបដិសេធ ដោយសារសំណើនោះមិនបានរាប់បញ្ចូលការចរចា រឿងកម្មវិធីនុយក្លេអ៊ែររបស់អ៊ីរ៉ង់ភ្លាមៗនោះទេ។

ស្របពេលដែលមេដឹកនាំកំពុងប្រឈមមុខដាក់គ្នា មតិសាធារណៈនៅក្នុងសហរដ្ឋអាមេរិកហាក់មិនសូវគាំទ្រសង្គ្រាមនេះឡើយ ដោយការស្ទង់មតិថ្មីៗ បង្ហាញថា ប្រជាជនអាមេរិកដល់ទៅ ៦១% យល់ថា ការប្រើកម្លាំងយោធាប្រឆាំងនឹងអ៊ីរ៉ង់ គឺជាកំហុសមួយ។ ចាប់តាំងពីសង្គ្រាមបានផ្ទុះឡើងកាលពីថ្ងៃទី២៨ ខែកុម្ភៈ កន្លងទៅ ចំនួនអ្នកបាត់បង់ជីវិតបានកើនឡើងយ៉ាងរន្ធត់ ដោយមានមនុស្សជាង ៣ ៣០០​នាក់បានស្លាប់ ក្នុងប្រទេសអ៊ីរ៉ង់ និងជាង ២ ៦០០នាក់នៅប្រទេសលីបង់ ក្នុងនោះក៏មានទាហានអាមេរិក និងអ៊ីស្រាអែលជាច្រើននាក់ផងដែរ។ មកទល់ពេលនេះ ពិភពលោកកំពុងតាមដានមើលយ៉ាងអន្ទះសារថា តើកិច្ចខិតខំប្រឹងប្រែងផ្នែកការទូតរបស់បណ្តាប្រទេសក្នុងតំបន់ និងសហភាពអឺរ៉ុប នឹងអាចទាញភាគីទាំងពីរ​ឲ្យ​មកតុចរចាវិញបានដែរឬយ៉ាងណា៕

ប្រែសម្រួល៖ ឈាង

The post លោក ត្រាំ បដិសេធសំណើចុងក្រោយរបស់អ៊ីរ៉ង់ ធ្វើ​ឲ្យ​ស្ថានការណ៍សង្គ្រាមរឹត​តែក្តៅ appeared first on Kampuchea Thmey Daily.

កាលពីថ្ងៃទី០១ ខែឧសភា ឆ្នាំ២០២៦ លោកអភិបាលខណ្ឌមានជ័យបានដឹកនាំកម្លាំងចម្រុះ និង មានការដឹកនាំសម្របសម្រួលនីតិវិធីផ្លូវច្បាប់ពីលោក ជា សា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះឆែកឆេរពិនិត្យទីតាំងមួយកន្លែង នៅក្នុងបុរី ប៉េងហួតដឹស្តាអិតធឺណល ស្ថិតនៅផ្ទះលេខ04 ផ្លូវលេខE-10 ភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ ពាក់ព័ន្ធសង្ស័យករណីសង្ស័យបទល្មើសឆបោកតាមប្រព័ន្ធបច្ចេកវិទ្យា ( Scam Online)។

ជាក់ស្ដែងបានរកឃើញ ជនជាតិបង់ក្លាដេស ចំនួន១២នាក់ និងរកឃើញវត្ថុតាង Laptop ២គ្រឿង, ទូរស័ព្ទ២៣គ្រឿង, All in one ១៤គ្រឿងអាវសដៃវែង១, អាវធំ១, ក្រវ៉ាត់ករ១ និងក្រដាសលុយសែនមួយចំនួន។

សូមបញ្ជាក់ថា ក្រុមជនសង្ស័យខាងលើបានប្រើប្រាស់ប្រទេសកម្ពុជា ដើម្បីប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ក្រោមរូបភាពដោយអូសទាញ ឲ្យជនរងគ្រោះបង់ប្រាក់ថ្លៃសេវារដ្ឋបាល (រត់ការ) ផ្តល់កម្ចីក្លែងក្លាយ៕

The post អាជ្ញាធរខណ្ឌមានជ័យ ដឹកនាំកម្លាំងចម្រុះចុះពិនិត្យឃាត់ជនជាតិបង់ក្លាដេសចំនួន១២នាក់ពាក់ព័ន្ធករណីឆបោក Scam Online appeared first on Kampuchea Thmey Daily.

ដើមចមដែលនាំ​ឲ្យ​មានរឿងនេះ គឺផ្ដើមចេញពីលោក Merz បាននិយាយរិះគន់ចំៗទៅកាន់អាមេរិក នៅចំពោះមុខនិស្សិតសាកលវិទ្យាល័យថា អាមេរិកហាក់ដូចជាគ្មានយុទ្ធសាស្ត្រច្បាស់លាស់ ទាល់តែសោះក្នុងរឿងអ៊ីរ៉ង់ ហើយថែមទាំងត្រូវបានភាគីអ៊ីរ៉ង់ធ្វើឲ្យ​ «អាម៉ាស់មុខ» ទៀតផងនៅក្នុងការចរចា។ លោកបានបន្ថែមថា ពួកអ៊ីរ៉ង់ពិតជាពូកែខាងបន្ទន់ចិត្ត ឬគេចវេសមិនព្រមចរចា ដែលធ្វើឲ្យ​មហាអំណាច ដូចជា អាមេរិកត្រូវដើរចេញដោយដៃទទេ ហើយរឿងនេះវាបានធ្វើឲ្យ​ជាតិសាសន៍អាមេរិកាំងទាំងមូល ត្រូវបាក់មុខមាត់យ៉ាងខ្លាំង។

គ្រាន់តែឮសម្ដីនេះភ្លាម លោក ដូណាល់ ត្រាំ មិននៅស្ងៀមឡើយ ដោយលោកបានវាយបកវិញយ៉ាងចាស់ដៃ តាមរយៈបណ្ដាញសង្គម Truth Social។ លោក ត្រាំ បានរិះគន់លោក Merz ថាធ្វើការមិនកើត រកតែរឿងដាក់ខ្លួន ហើយថែមទាំងមិនដឹងខ្យល់អ្វីសោះពីបញ្ហានយោបាយ។ លោកថែមទាំងដៀលត្មះទៀតថា កុំឆ្ងល់ថាហេតុអ្វីបានជាប្រទេសអាល្លឺម៉ង់បច្ចុប្បន្នកំពុងជួបវិបត្តិសេដ្ឋកិច្ច និងបញ្ហាផ្សេងៗដោះស្រាយមិនចេញ ក៏ព្រោះតែមានមេដឹកនាំបែបនេះឯង។ មិនត្រឹមតែប៉ុណ្ណោះ លោក ត្រាំ ក៏បានបង្ហើបពីគម្រោងចង់ដកកងទ័ពចេញពីប្រទេសអ៊ីតាលី និងអេស្ប៉ាញផងដែរ ដោយលោកយល់ថា ប្រទេសទាំងនោះមិនបានជួយអ្វីអាមេរិកទាល់តែសោះ ក្នុងរឿងសង្គ្រាមនៅអ៊ីរ៉ង់។

យោងតាមការបញ្ជាក់ពីអ្នកនាំពាក្យមន្ទីរបញ្ចកោណ លោក Sean Parnell បញ្ជា​ឲ្យ​ដកទ័ពនេះ គឺចេញផ្ទាល់ពីលោក Pete Hegseth រដ្ឋមន្ត្រីការពារជាតិ។ អាមេរិកអះអាងថា ការសម្រេចចិត្តនេះ ធ្វើឡើងបន្ទាប់ពីបានពិនិត្យមើលស្ថានភាពជាក់ស្តែងនៅអឺរ៉ុប ហើយការដកទ័ពនេះ នឹងត្រូវបញ្ចប់ក្នុងរយៈពេលពី ៦ ទៅ ១២ខែខាងមុខ។ បច្ចុប្បន្ន អាមេរិកមានកងទ័ពច្រើនជាងគេបំផុតនៅអាល្លឺម៉ង់ បើធៀបនឹងប្រទេសផ្សេងទៀតក្នុងអឺរ៉ុប ពោលគឺមានរហូតដល់ទៅជាង ៣៦ ០០០នាក់ ដែលភាគច្រើនឈរជើងនៅមូលដ្ឋានទ័ពអាកាស Ramstein។

ទោះបីជាកន្លងមក លោក ត្រាំ ធ្លាប់បានលើកឡើងពីការដកទ័ពពីអាល្លឺម៉ង់ជាច្រើនលើកច្រើនសាក៏ដោយ ប៉ុន្តែលើកនេះហាក់បីដូចជាមានសន្ទុះខ្លាំងជាងមុន។ កាលពីឆ្នាំ២០២០ គម្រោងស្រដៀងគ្នានេះត្រូវបានសភាអាមេរិករារាំង ហើយលោក ចូ បៃដិន ក៏បានលុបចោលវិញនៅពេលគាត់ឡើងកាន់តំណែង។ កាលនោះ លោក ត្រាំ ខឹងអាល្លឺម៉ង់រឿងមិនព្រមចំណាយលុយឲ្យគ្រប់តាមគោលដៅ របស់អង្គការណាតូ។ ប៉ុន្តែអ្វីដែលគួរឲ្យ​កត់សម្គាល់នោះគឺ ក្នុងរដ្ឋាភិបាលលោក Merz បច្ចុប្បន្ន អាល្លឺម៉ង់បានបង្កើនកញ្ចប់ថវិកាការពារជាតិយ៉ាងច្រើនសន្ធឹកសន្ធាប់ រហូតដល់លើសការរំពឹងទុកទៅទៀត ប៉ុន្តែទំនាក់ទំនងរវាងមេដឹកនាំទាំងពីរបែរជាកាន់តែអាក្រក់ទៅៗវិញ។

ការផ្លាស់ប្តូរយុទ្ធសាស្ត្ររបស់លោក ត្រាំ ក្នុងពេលនេះ ហាក់ចង់ងាកចេញពីតំបន់អឺរ៉ុប ដើម្បីទៅផ្ដោតខ្លាំងលើតំបន់ឥណ្ឌូ-ប៉ាស៊ីហ្វិកវិញ។ ជាក់ស្ដែង អាមេរិកក៏បានកាត់បន្ថយកងទ័ពនៅប្រទេសរូម៉ានីរួចទៅហើយដែរ ដែលទង្វើនេះបានធ្វើឲ្យ​ប្រទេសមួយចំនួននៅអឺរ៉ុបខាងកើត កំពុងមានការព្រួយបារម្ភយ៉ាងខ្លាំងចំពោះសន្តិសុខរបស់ពួកគេ ជាពិសេសគឺការគំរាមកំហែងពីសំណាក់ប្រទេសរុស្ស៊ី៕

ប្រែសម្រួល៖ ឈាង

The post អាមេរិក សម្រេច​ដកកងទ័ព ៥ ០០០​នាក់ ចេញពីអាល្លឺម៉ង់ appeared first on Kampuchea Thmey Daily.

សម្តេចកិត្តិសង្គហបណ្ឌិត ម៉ែន សំអន សម្តែងការចូលរួមអបអរសាទរបែបនេះ ខណៈពេលអញ្ជើញពិនិត្យវឌ្ឍនភាពការងារជួសជុលអគាររដ្ឋបាលរណសិរ្សសាមគ្គី អភិវឌ្ឍន៍មាតុភូមិកម្ពុជា ស្ថិតនៅទីតាំងអគារលេខ ២៤០ វិថីឧកញ៉ាឈុន សង្កាត់ចតុមុខ ខណ្ឌដូនពេញ រាជធានីភ្នំពេញ កាលពីព្រឹកថ្ងៃសុក្រ ១៥ កើត ខែពិសាខ ឆ្នាំមមី អដ្ឋស័ក ព.ស ២៥៦៩ ត្រូវនឹងថ្ងៃទី ១ ខែឧសភា ឆ្នាំ ២០២៦ ដែលមានការអញ្ជើញចូលរួមអមដំណើរ សម្ដេច ក៏មាន ឯកឧត្ដម លោក លោកស្រីជាអនុប្រធាន សមាជិក សមាជិកា និង តំណាងក្រុមហ៊ុនជួសជុល ផងដែរ។

សម្តេចកិត្តិសង្គហបណ្ឌិត ម៉ែន សំអន សំណូមពរសូមឲ្យក្រុមហ៊ុនដំណើរការជួសជុលអគាររណសិរ្សសាមគ្គី អភិវឌ្ឍន៍មាតុភូមិកម្ពុជារាជធានីភ្នំពេញនេះ ធ្វើឡើងឲ្យមានគុណភាព និងឆាប់បានរួចរាល់ឆាប់ៗ ខាងមុខនេះ។ អាគារនេះ មានសារៈសំខាន់ណាស់ ដើម្បីបម្រើនូវសេចក្តីត្រូវការចាំបាច់របស់ក្រុមការងាររណសិរ្សសាមគ្គី អភិវឌ្ឍន៍មាតុភូមិកម្ពុជារាជធានីភ្នំពេញ និងបម្រើសេចក្តីត្រូវការរបស់ពលរដ្ឋ និងសង្គមជាតិតែម្ដង៕
អត្ថបទ ៖ វិមាន

The post សម្តេច ម៉ែន សំអន សាទរចំពោះវឌ្ឍនភាព នៃការងារជួសជុលអគាររណសិរ្សសាមគ្គី អភិវឌ្ឍន៍មាតុភូមិកម្ពុជា ដើម្បីបម្រើពលរដ្ឋ និងសង្គមជាតិ appeared first on Kampuchea Thmey Daily.

បឹងកេត ទើប​តែ​ប្រកួត​ស្មើ​ជា​មួយ ព្រះ​ខ័ន​រាជ​ស្វាយរៀង ដោយ​លទ្ធផល ១-១ សម្រាប់​ការ​ប្រកួត​ជើង​ទី១ វគ្គ​ពាក់​កកណ្តាល​ផ្តាច់​ព្រ័ត្រ ពាន​រង្វាន់​សម្តេច​អគ្គមហាសេនាបតី​តេជោ ហ៊ុន សែន លើកទី​១៩ កាល​ពី​យប់​ថ្ងៃ​ពុធ ទី​២៩​ ខែ​មេសា ឆ្នាំ ២០២៦។ រយៈ​ពេល ៣ ថ្ងៃ​បន្ទាប់​ ពួក​គេ​ត្រូវ​​ប្រកួត​ជា​មួយ ភ្នំពេញ​ក្រោន នៅ​ថ្ងៃ​អាទិត្យ ទី​៣ ខែ​ឧសភា ឆ្នាំ ២០២៦។

នេះ​ជា​ការ​ប្រកួត​សំខាន់​មួយ​ទៀត​សម្រាប់ បឹងកេត ដើម្បី​ប្រជែង​ជា​មួយ ភ្នំពេញក្រោន ក្នុង​ការ​ស្វែង​រក​ចំណាត់​ថ្នាក់​លេខ ២ សម្រាប់​ពាន​រង្វាន់​អាស៊ី AFC Champions League​ Two។ ភ្នំពេញក្រោន មាន ៥០ ពិន្ទុ កំពុង​ស្ថិត​នៅ​លេខ ២ ក្នុង​តារាង​ បន្ទាប់​ពីឈ្នះ ១៥ ស្មើ ៥ និង​ចាញ់ ៧។ ប្រសិន​បើ ភ្នំពេញ​ក្រោន ឈ្នះ បឹងកេត នៅ​ថ្ងៃ​អាទិត្យ​នេះ ពួកគេ​នឹង​ទទួល​បាន​កៅអី​សម្រាប់​ពាន​រង្វាន់​អាស៊ី AFC Champions League Two។

ចំណែក បឹងកេត វិញ​មាន ៤៤ ពិន្ទុ ស្ថិត​នៅ​លេខ ៤ តាម​ពី​ក្រោយ ភ្នំពេញ​ក្រោន ៦ ពិន្ទុ បន្ទាប់​ពី​ឈ្នះ ១២ ស្មើ ៨ និង​ចាញ់ ៧។ ប្រសិន​បើចាញ់ បឹងកេត នឹង​អស់​ឱកាស​ដណ្តើម​យក​ចំណាត់​ថ្នាក់​លេខ ២ ហើយ​ដោយសារ​ការ​ប្រកួត​នៅ​​សល់តែ ៣ ប្រកួត​ទៀត​ប៉ុណ្ណោះ​​​គិត​ទាំង​ថ្ងៃ​អាទិត្យ​នេះ។ អ្វី​ដែល​កាន់​តែ​ធ្វើ​ការ​ធ្ងន់​ទៀត​នោះ​គឺ ៣ ថ្ងៃ​បន្ទាប់ បឹងកេត ត្រូវ​ប្រកួត​ជា​មួយ ព្រះខ័ន​រាជ​ស្វាយរៀង នៅ​ថ្ងៃ​ទី​៧ ខែ​ឧសភា ឆ្នាំ ២០២៦ ក្នុង​លីគ។

ក្រុម​ដែល​ដណ្តើម​ចំណាត់​ថ្នាក់​លេខ ២ គឺ អង្គរថាយហ្គឺរ ដែល​មាន ៤៧ ពិន្ទុ តាម​ពី​ក្រោយ ភ្នំពេញ​ក្រោន តែ ៣ ពិន្ទុ​ប៉ុណ្ណោះ ប៉ុន្តែ​បើ​ទោះ​បី​ជា​ អង្គរថាយហ្គឺរ ទទួល​បាន​ចំណាត់​ថ្នាក់​លេខ ២ ក៏​ពួក​គេ​មិន​អាច​ប្រកួត​ពាន​អាស៊ី​បាន​ដែរ ដោយសារ AFC មិន​បាន​ទទួល​ស្គាល់​ពួក​គេ​ក្នុងនាម​ជា​ក្លិប​បំពេញ​តាម​តម្រូវ​​ការ​​នៃ​អាជ្ញា​ប័ណ្ណ​ក្លិប​អាស៊ី។ ប្រការ​នេះ​មាន​ន័យ​ថា ប្រសិន ភ្នំពេញ​ក្រោន ធ្លាក់​ទៅ​ចំណាត់​ថ្នាក់​លេខ ៣ ក៏​ពួក​គេ​ ទទួល​បាន​កៅ​ប្រកួត​ក្នុង​ពាន​អាស៊ី​ដែរ។

នៅ​ថ្ងៃ​អាទិត្យ​នេះ ព្រះ​ខ័ន​រាជ​ស្វាយរៀង ត្រូវ​ធ្វើ​ដំណើរ​ទៅ​ប្រកួត​ជា​មួយ អង្គរថាយហ្គឺរ នៅ​ខេត្ត​សៀមរាប ខណៈ ណាហ្គាវើលដ៍ ទទួល ក្រុម អឹមអូអាយ កំពង់ដេវ៉ា នៅ​កីឡដ្ឋាន​ខេត្ត​កំពង់ស្ពឺ៕

៣ ប្រកួត​ចុង​ក្រោយ ​សម្រាប់​ បឹងកេត

• ប៉ះ ភ្នំពេញ​ក្រោន ថ្ងៃ​អាទិត្យ ទី​៣ ឧសភា
• ប៉ះ  ព្រះ​ខ័ន​រាជ​ស្វាយរៀង ថ្ងៃ​ព្រហស្បតិ៍ ទី​៧ ឧសភា
• ប៉ះ អឹមអូអាយ កំពង់ដេវ៉ា ថ្ងៃ​អាទិត្យ ទី​១៧ ឧសភា

៣ ប្រកួត​ចុង​ក្រោយ សម្រាប់ ភ្នំពេញក្រោន

• ប៉ះ បឹងកេត ថ្ងៃ​អាទិត្យ ទី​៣ ឧសភា
• ប៉ះ ណាហ្គាវើលដ៍ ថ្ងៃ​អាទិត្យ ទី​១០ ឧសភា
• ប៉ះ ព្រះ​ខ័ន​រាជ​ស្វាយរៀង ថ្ងៃអាទិត្យ ទី១៧ ឧសភា
  
  

អត្ថបទ៖ វិរបុត្រ

The post បឹងកេត​ នឹង​អស់​ឱកាស​ដណ្តើម​លេខ ២ បើចាញ់ ភ្នំពេញក្រោន ល្ងាច​ថ្ងៃអាទិត្យ​នេះ​ appeared first on Kampuchea Thmey Daily.

ពាន​រង្វាន់

លោក​ វ៉ាត់​ ចំរើន​ តំណាង​រដ្ឋមន្ត្រី​ក្រសួង​អប់រំ​ យុវជន​ និង​កីឡា​ បាន​ថ្លែង​ក្នុង​សន្និសីទសារព័ត៌មាន​ថា​ ក្នុង​នាម​ក្រសួង​គាំទ្រ​ចំពោះ​គំនិត​ផ្ដួចផ្ដើម​បង្កើត​ឲ្យ​មាន​ព្រឹត្តិការណ៍​ប្រកួត​បាល់​ទាត់​បាន​រង្វាន់​ Daiichi Junior Cup 2026​ ដែល​នឹង​ចាប់​ផ្ដើម​នា​ពេល​ឆាប់​ខាង​មុខ​នេះ។​

ថ្នាក់ដឹកនាំ​កីឡា​នៅ​កម្ពុជា​ខាង​លើ​បន្ថែម​ទៀត​ថា​ សកម្មភាព​កីឡា​ប្រសិន​បើ​មិន​មាន​ការ​ចូលរួម​ពី​សំណាក់​ឯកជន​មិន​អាច​រៀបចំ​បាន​ល្អ​ និង​មាន​ភាព​អធិអធម​នោះ​ទេ។​ បាល់ទាត់​ជា​កីឡា​ដែល​មាន​ប្រជាប្រិយភាព​ខ្លាំង​ទូទាំង​ពិភពលោក​ ដូច្នេះ​ការ​ប្រកួត​ពាន​រង្វាន់​យុវជន​នេះ​ក៏​ត្រូវ​រៀបចំ​ឲ្យ​បាន​ល្អ​ និងត្រឹមត្រូវ​តាម​កម្រិត​មួយ​ដែល​មាន​សុវត្ថិភាព​ និង​អាច​ទទួល​យក​បាន។​

លោក វ៉ាត់​ ចំរើន

រដ្ឋលេខាធិការ​រូប​នេះ​លើក​ឡើង​ទៀត​ថា​ ក្រសួង​ និង​ភាគី​ពាក់ព័ន្ធ​នឹង​ជួយ​ជំរុញ​លើក​ទឹកចិត្ត​ដល់​ស្ថាប័ន​រៀបចំ​ និង​សហការ​ជួយ​លើ​លក្ខណៈ​បច្ចេកទេស​ផ្សេងៗ​ដើម្បី​ឲ្យ​ព្រឹត្តិការណ៍​បាល់ទាត់​មួយ​នេះ​ដំណើរ​ការ​ទៅ​ដោយ​រលូន​ និង​ទទួល​បាន​ភាព​ជោគជ័យ​ជា​បន្តបន្ទាប់។​

ទិដ្ឋភាព​សន្និសីទ

បញ្ជាក់​ដែរ​ ការ​ប្រកួត​ពាន​រង្វាន់​បាល់ទាត់​យុវជន​ Daiichi Junior Cup 2026 ​គឺ​រៀបចំ​ឡើង​ដោយ​ក្រុមហ៊ុនភីកឌីជីថល និង​ដៃគូ​សហការ​មួយ​ចំនួន។​ ពាន​រង្វាន់​នេះ​មាន​ពីរ​កម្រិត​គឺ​ U-12 និង​ U-14 ដោយ​ធ្វើ​ការ​ប្រកួត​ជម្រុះ​នៅ​ ៣រាជធានី-ខេត្ត​ រួម​មាន​នៅ​ភ្នំពេញ​ បាត់ដំបង​ សៀមរាប​ និង​ត្រូវ​ជា​ ៥កម្មវិធី​ប្រកួត។​ ការ​ប្រកួត​ជម្រុះ​លើក​ទី១​ នៅ​ថ្ងៃ​ទី២៤​ ខែ​ឧសភា​ ឆ្នាំ​២០២៦​ នៅ​តារាង​បាល់ទាត់​ Pekmi Field។​ នៅ​ព្រឹក​ថ្ងៃ​ទី១​ ខែ​ឧសភា​ ២០២៦​ នេះ​ ភីកឌីជីថល​ ដែល​ជា​អ្នក​រៀបចំ​បាន​ធ្វើ​សន្និសីទសារព័ត៌មាន​ប្រកាស​ដំណើរ​ការ​ប្រកួត​ជា​ផ្លូវ​ការ​ផង​ដែរ​នៅ​ទីស្នាក់​ការ​ NOCC​ ដោយ​មាន​លោក​ វ៉ាត់​ ចំរើន​ អគ្គលេខាធិការ​ និង​តំណាង​ដៃគូ​សហការ​ រួម​ទាំង​កីឡាករ​មួយ​ចំនួន​ចូលរួម​ផង​ដែរ៕​

ទិដ្ឋភាព​សន្និសីទ

អត្ថបទដោយ៖ នួន ស៊ីណា​

The post ក្រសួង​អប់រំ​ យុវជន​ និង​កីឡា​ គាំទ្រ​ចំពោះ​ការ​ប្រកួត​បាល់ទាត់​ពាន​រង្វាន់​ Daiichi Junior Cup 2026 appeared first on Kampuchea Thmey Daily.

អញ្ជើញថ្លែងទៅកាន់អ្នកចូលរួមប្រមាណជា ១ ២០០នាក់ជាតំណាងសហភាព សហព័ន្ធ សហជីព សមាគម សហគមន៍ អង្គការដៃគូ និងក្រសួង-ស្ថាប័នពាក់ព័ន្ធ លោករដ្ឋមន្រ្តីបានចាត់ទុកការជ្រើសរើសរៀបចំវេទិកាសាធារណៈនាពេលនេះថា គឺពិតជា «យុទ្ធសាស្រ្តល្អដ៏មានប្រសិទ្ធភាព» សម្រាប់លើកជាសំណូមពរហើយរកដំណោះស្រាយរាល់កង្វល់របស់កម្មនិយោជិត ក៏ដូចជាកសិករ ជាជាងការដើរដាក់លិខិត ឬឆ្លើយឆ្លងគ្នាតាមប្រព័ន្ធផ្សព្វផ្សាយ ព្រោះថា បងប្អូនអាចជួបផ្ទាល់ជាមួយវាគ្មិនកិត្តិយស និងអ្នកជំនាញមកពីក្រសួងពាក់ព័ន្ធ។ វេទិកាបែបនេះបន្តជួយពង្រឹងកិច្ចសន្ទនាសង្គមរវាងរាជរដ្ឋាភិបាល សហជីព និយោជក និងអង្គការសង្គមស៊ីវិល ក្នុងទិសដៅ ជំរុញគោលនយោបាយដោះស្រាយបញ្ហាប្រឈម ជាពិសេសសិទ្ធិការងារ សុវត្ថិភាពការងារ និងប្រព័ន្ធគាំពារសង្គមក្នុងបរិបទវិបត្តិសកល ក៏ដូចជាធានាបាននូវវឌ្ឍនភាពនៃទំនាក់ទំនងវិជ្ជាជីវៈឱ្យកាន់តែល្អប្រសើរឡើង។

ជាមួយនឹងការរំលឹកពីប្រវត្តិ និងអត្ថន័យនៃទិវាពលកម្មអន្តជាតិ ១ឧសភានេះ លោក ហេង សួរ បានគូសបញ្ជាក់ថា ការទាមទារលើកកម្ពស់សិទ្ធការងារ ក៏ដូចជាកិច្ចសន្ទនាសង្គមមិនមែនមានតែថ្ងៃនេះនោះទេ គឺត្រូវតែធ្វើបន្តជារៀងរាល់ថ្ងៃ។ លោករដ្ឋមន្រ្តីបានជំរុញឱ្យភាគីពាក់ព័ន្ធទាំងអស់យកទិវានេះ ជាថ្ងៃប្រមូលផ្តុំស្មារតីរួមនៃការស្រលាញ់កន្លែងការងារ និងប្រទេសជាតិកាន់តែខ្លាំងឡើង ដោយលោកសង្កត់ធ្ងន់ថា ពេលរក្សាបានកន្លែងការងារប្រកបដោយភាពសុខដុមរមនា ចេះអត់ធ្មត់យោគយល់គ្នា នោះនឹងធ្វើឱ្យរោងចក្រ និងផលិតភាពកាន់តែរីកចម្រើន ហើយធ្វើឱ្យបងប្អូនមានប្រាក់ឈ្នួលកាន់តែកើនឡើងដែរ។

លោកបន្ថែមថា ក្នុងអំឡុងពេលវិបត្តិសេដ្ឋកិច្ច និងថាមពលសកល រាជរដ្ឋាភិបាលក៏បានដាក់ចេញនូវវិធានការជាបន្តបន្ទាប់ ដើម្បីសម្រួលដល់តម្លៃលក់រាយប្រេងឥន្ធនៈដល់ប្រជាពលរដ្ឋ ក៏ដូចជាកសិករ ជាពិសេសការសម្រេចផ្តល់ប្រាក់សោហ៊ុយធ្វើដំណើរបណ្តោះអាសន្នចំនួន ២,៥០ ដុល្លារបន្ថែមលើប្រាក់សោហ៊ុយធ្វើដំណើរ និងស្នាក់នៅដែលមានស្រាប់សម្រាប់កម្មករនិយោជិត ដោយរាជរដ្ឋាភិបាលបានលើកលែងលើពន្ធសរុបប្រមាណ ១០០លានដុល្លារចាប់ពីពាក់កណ្តាលខែកុម្ភៈ រហូតដល់ខែមេសាកន្លងមក។

ក្នុងឱកាសនោះ លោករដ្ឋមន្ត្រីបានលើកឡើងថា ស្របតាមអនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្រសួងការងារតែងតែផ្តល់អាទិភាពខ្ពស់បំផុតក្នុងការគាំពារសិទ្ធិសេរីភាព អត្ថប្រយោជន៍ និងសេចក្តីថ្លៃថ្នូរ ព្រមទាំងសុខុមាលភាពរបស់បងប្អូនពលករ។ លោកបានបញ្ជាក់ថា កម្មករទាំងក្នុងប្រព័ន្ធប្រមាណ ២,៧ លាននាក់ និងក្រៅប្រព័ន្ធប្រមាណ ៨ លាននាក់ គឺជាកម្លាំងចលករសេដ្ឋកិច្ចដ៏សំខាន់ដែលត្រូវទទួលបានកាលានុវត្តភាពស្មើៗគ្នា។ ជាសមិទ្ធផលជាក់ស្តែង គិតត្រឹមត្រីមាសទី១ ឆ្នាំ២០២៦ នេះ សមាជិក ប.ស.ស. ជាបុគ្គលស្វ័យនិយោជន៍ និងអ្នកក្នុងបន្ទុកបានកើនឡើងដល់ ៩២ ម៉ឺននាក់ ដែលពួកគាត់នឹងទទួលបានការធានារ៉ាប់រងទាំងលើផ្នែកគ្រោះថ្នាក់ការងារ ថែទាំសុខភាព និងសោធននិវត្ត។ លោកបានសង្កត់ធ្ងន់ថា «សុខភាពគឺជាទ្រព្យសម្បត្តិដ៏វិសេសបំផុតទាំងពេលបច្ចុប្បន្ន និងទៅអនាគត ព្រោះកាលណាមានសុខភាពល្អ យើងនឹងមានអ្វីៗគ្រប់យ៉ាង ហើយវាក៏ជាសំណាងដ៏ធំធេងសម្រាប់កូនចៅជំនាន់ក្រោយផងដែរ»។

លោក ហេង សួរ បានទទួលយកសំណូមពររបស់បងប្អូន និងប្រកាសត្រៀមខ្លួនជានិច្ចក្នុងការចូលរួមរកដំណោះស្រាយ ហើយក៏បានជំរុញឱ្យថ្នាក់ដឹកនាំសហជីព និងសមាជិក ក៏ដូចជា ប្អូនកម្មករនិយោជិត សហជីព និងនិយោជក បន្តសហការគ្នាក្នុងសា្មរតីយោគយល់អធ្យាស្រ័យខ្ពស់ និងផ្អែកលើមូលដ្ឋានគតិយុត្តជាធរមានដើម្បីការពារផលប្រយោជន៍រួមនិងធានាបាននូវសុខដុមនីយកម្មនៃទំនាក់ទំនងវិជ្ជាជីវៈ និងភាពទាក់ទាញសម្រាប់ការវិនិយោគ។ ទន្ទឹមនេះ លោកក៏អំពាវនាវដល់បងប្អូនបន្តចូលរួមផ្សព្វផ្សាយនូវគោលការណ៍ និងគោលនយោបាយនានារបស់រាជរដ្ឋាភិបាលហើយអ្វីដែលសំខាន់បំផុតនោះគឺសូមរក្សានូវជំនឿចិត្តយ៉ាងមោះមុតលើរាជរដ្ឋាភិបាល។

លោក គង់ អាទិត្យ ប្រធានសហភាពការងារកម្ពុជា (CLC) ក្នុងនាមជាអ្នករៀបចំកម្មវិធីដោយសហការជាមួយ សហភាពចលនាកម្មករកម្ពុជា (CCW)និងសម្ព័ន្ធសហគមន៍កសិករកម្ពុជា (CCFC)បានថ្លែងអំណរគុណយ៉ាងជ្រាលជ្រៅចំពោះឯកឧត្តមរដ្ឋមន្រ្តីចំពោះការអញ្ជើញចូលរួមដែលជួយពង្រឹងគោលនយោបាយឆ្លើយតប សិទ្ធិការងារ និងគាំពារសង្គម ក៏ដូចជាបានផ្តល់អនុសាសន៍ល្អៗ ដោយលោកបានប្តេជ្ញាថានឹងបន្តខិតខំរួមគ្នាដើម្បីលើកកម្ពស់សិទ្ធិការងារ និងពង្រឹងកិច្ចសន្ទនាសង្គមក្នុងការដោះស្រាយបញ្ហាប្រកបដោយចីរភាពសម្រាប់កម្មករនិងកសិករ៕

The post រដ្ឋមន្ត្រីការងារ អំពាវនាវពង្រឹងសហការណ៍ ដើម្បីការពារផលប្រយោជន៍កម្មករ appeared first on Kampuchea Thmey Daily.

ថ្លែងក្នុងកិច្ចប្រជុំស្តីពីការបូកសរុបលទ្ធផលបេសកកម្មគាំទ្រការអនុវត្តលើកទីមួយ នៃគម្រោងកែលម្អការអប់រំកម្រិតមូលដ្ឋាន (BEIP)ជាមួយគណៈប្រតិភូធនាគារពិភពលោក ដឹកនាំដោយលោកស្រី Tania Meyer, នាយកធនាគារពិភពលោកប្រចាំប្រទេសកម្ពុជាកាលពីរសៀលថ្ងៃទី២៩មេសា លោកឧបនាយករដ្ឋមន្ត្រីបានបន្តថា បច្ចុប្បន្ន ប្រព័ន្ធអប់រំនៅកម្ពុជាកំពុងផ្លាស់ប្តូរពីការបង្រៀនតែមួយបែបសម្រាប់សិស្សទាំងអស់ ទៅរកប្រព័ន្ធអប់រំមួយដែលឆ្លើយតបទៅនឹងសមត្ថភាពសិក្សាខុសៗគ្នារបស់កុមារម្នាក់ៗ តាមរយៈការដាក់ចេញនូវវិធីសាស្ត្របង្រៀនបែបទំនើប និងការប្រើប្រាស់សម្ភារៈសិក្សាដែលសម្បូរបែប។

លោកឧបនាយករដ្ឋមន្ត្រីបន្ថែមថា «ជារួម ភាពជោគជ័យនៃគម្រោង BEIP មិនត្រឹមតែអាស្រ័យលើការកសាងសាលារៀនប៉ុណ្ណោះទេ ថែមទាំងផ្អែកលើការបណ្តុះនូវទំនុកចិត្ត និងការផ្លាស់ប្តូរផ្នត់គំនិតនៃការសិក្សា។ ក្នុងន័យនេះតាមរយៈការផ្លាស់ប្តូរពីការត្រៀមលក្ខណៈរដ្ឋបាលទៅជាការអនុវត្តយ៉ាងម៉ឺងម៉ាត់នៅកម្រិតថ្នាក់រៀន យើងនឹងអាចសម្រេចបាននូវការអភិវឌ្ឍធនធានមនុស្សប្រកបដោយសក្តានុពលដើម្បីឈានទៅរកសង្គមដែលផ្អែកលើចំណេះដឹង និងការរីកចម្រើនប្រកបដោយចីរភាពនាពេលអនាគត»។

លោកស្រី Tania Meyer នាយិកាធនាគារពិភពលោកប្រចាំប្រទេសកម្ពុជា បានបង្ហាញសេចក្ដីរីករាយចំពោះ វឌ្ឍនភាពរបស់គម្រោងនេះ និងគូសបញ្ជាក់ថា គម្រោង BEIP គឺជាគម្រោងគំរូដ៏សំខាន់ ដែលកំពុងឈានពីដំណាក់កាលរៀបចំ ទៅជាការអនុវត្តជាក់ស្តែង ដើម្បីដោះស្រាយបញ្ហាប្រឈម និងលើកកម្ពស់លទ្ធផលសិក្សារបស់សិស្សានុសិស្សនៅកម្ពុជាឱ្យកាន់តែល្អប្រសើរ។

លោកស្រីមានប្រសាសន៍ថា ការពង្រឹងគ្រឹះស្ថានសិក្សានៅកម្រិតមូលដ្ឋានតាមរយៈគម្រោងនេះ គឺជាកាលានុវត្តភាពដ៏វិសេសវិសាលក្នុងការផ្លាស់ប្តូរ និងជំរុញប្រព័ន្ធអប់រំកម្ពុជាទៅកាន់កម្រិតថ្មីមួយទៀត ហើយក្នុងនាមធនាគារពិភពលោកស្រី និងក្រុមការងារបច្ចេកទេសទាំងអស់ នឹងខិតខំប្រឹងប្រែងឱ្យអស់ពីសមត្ថភាព ដើម្បីគាំទ្រគម្រោងនេះឱ្យទទួលបានជោគជ័យតាមផែនការ និងសូចនាករដែលបានកំណត់ ជាពិសេសចូលរួមចំណែកក្នុងការអភិវឌ្ឍធនធានមនុស្សនៅកម្ពុជា ស្របតាមចក្ខុវិស័យរបស់រាជរដ្ឋាភិបាល។

លោកបណ្ឌិតសភាចារ្យ ឧបនាយករដ្ឋមន្ត្រី សូមថ្លែងអំណរគុណយ៉ាងជ្រាលជ្រៅចំពោះធនាគារពិភពលោក ដែលតែងតែផ្តល់ការគាំទ្រ ទាំងផ្នែកបច្ចេកទេស និងហិរញ្ញវត្ថុ ក្នុងកិច្ចខិតខំប្រឹងប្រែងកែលម្អប្រព័ន្ធអប់រំនៅកម្ពុជា និងសូមវាយតម្លៃខ្ពស់ចំពោះស្មារតីទទួលខុសត្រូវ និងការខិតខំប្រឹងប្រែងបំពេញការងារយ៉ាងសកម្មរបស់ក្រុមការងារនៃភាគីទាំងពីរ ដែលបានសហការគ្នាយ៉ាងល្អប្រសើរក្នុងបេសកកម្មដំបូងនេះ ដើម្បីបំប្លែងចក្ខុវិស័យរួមឱ្យទៅជាសមិទ្ធផលជាក់ស្តែង ដែលនាំមកនូវការផ្លាស់ប្តូរជាវិជ្ជមានដល់ប្រព័ន្ធអប់រំ និងការអភិវឌ្ឍសេដ្ឋកិច្ច-សង្គមរបស់កម្ពុជា។

គួរបញ្ជាក់ថា គម្រោងកែលម្អការអប់រំកម្រិតមូលដ្ឋាន BEIP ត្រូវបានរៀបចំឡើងក្នុងគោលបំណងយុទ្ធសាស្ត្រ ដើម្បីលើកកម្ពស់គុណភាព និងប្រសិទ្ធភាពនៃវិស័យអប់រំនៅកម្ពុជា ចាប់ពីកម្រិតមត្តេយ្យសិក្សារហូតដល់បឋមសិក្សា។ គោលដៅស្នូលនៃគម្រោងនេះ រួមមាន៖ ការពង្រឹងលទ្ធផលសិក្សារបស់សិស្ស ពង្រីកសេវាអប់រំ និងថែទាំកុមារតូចឱ្យបានកាន់តែទូលំទូលាយ ការធ្វើទំនើបកម្មហេដ្ឋារចនាសម្ព័ន្ធ និងការគ្រប់គ្រងការអភិវឌ្ឍមូលធនមនុស្ស៕

អត្ថបទ៖ សំអឿន

The post រដ្ឋមន្ត្រីអប់រំ៖ វិធីសាស្ត្របង្រៀនតាមបែបទំនើបនឹងជួយឱ្យកុមារក្លាយជាមូលធនមនុស្សដ៏រឹងមាំសម្រាប់អនាគតជាតិ appeared first on Kampuchea Thmey Daily.