KPT+

មកដឹងពីម្ហូបប្រពៃណីចិនល្បីៗ សូម្បីបរទេសក៏ស្ងើចសរសើរថាឆ្ងាញ់និងប្លែកពីប្រទេសផ្សេង

បានផុស

៥ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

ម្ហូបប្រពៃណីចិនមានភាពល្បីល្បាញ ដោយសារពណ៌ ក្លិនក្រអូប រសជាតិ អត្ថន័យ និងរូបរាង។ ជាមួយនឹងប្រវត្តិសាស្រ្តនៃវប្បធម៌ដ៏យូរអង្វែង ហើយមានលក្ខណៈពិសេសប្លែកៗទាំងការការចំអិននិងរៀបដាក់ចាន។

ខាងក្រោមនេះគឺជាមុខម្ហូបដែលពេញនិយមបំផុត ក្នុងចំណោមជនបរទេសនិងជនជាតិចិនចូលចិត្តហូបជុំគ្រួសារ ជាពិសេស ភោជនីយដ្ឋានធំៗក្នុងប្រទេសក៏មិនភ្លេចពីមុខម្ហូបទាំងនេះ។

១ ពពួកអាហារស៊ុបក្ដៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស៊ុបក្ដៅ ឬ Hotpot ភាសាចិនហៅថា ហ័រគ័រ គឺជាមុខម្ហូបមួយដ៏ពិសេសក្នុងវេលាជួបជុំគ្រួសារ។ ជាធម្មតាវាមានរស់ជាតិហិលជូរ។ ប៉ុន្តែរសជាតិអាចខុសគ្នា យោងទៅតាមទឹកជ្រលក់ដែលអ្នកជ្រើសរើសទៅជាមួយសាច់។

២ សាច់ជ្រូកស៊ីឈ័ន

សាច់ជ្រូកស៊ីឈ័នជា គឺជាម្ហូបម្ហូបស៊ីឈ័នដ៏ល្បីមួយ ដែលជនជាតិចិនមិនអាចខ្វះបាន។ វាមានរសជាតិហឹរ ហើយសាច់នីមួយៗមានផ្ទុកនូវក្លិនទឹកផ្លែឈើ ដែលគេច្រលក់។ សាច់ជ្រូកត្រូវបានស្ងោរ រួចយកមកច្រលក់ស៊ុតសនិងម្សៅ ដើម្បីរក្សាភាពស្រស់និងទន់រួចទើបយកមកបំពង។

៣ ប្រហិតសាច់

សាច់ជ្រូកចិញ្ច្រាំដែលមានរាងដូចគ្រាប់បាល់ ត្រូវបានគេស្គាល់ថាជា “ប្រហិតសាច់ចិន” ស្រដៀងនឹងសាច់ចិញ្ច្រាំ spaghetti។ ទឹកជ្រលក់មានរសជាតិឈ្ងុយ ពេលហូបហើយ គឺមិនអាចបំភ្លេចពីរសជាតិអាហារចិននេះបានឡើយ។

៤ បង្គាជាមួយមីសួរនិងខ្ទឹម

បង្គាជាមួយមីសួរនិងខ្ទឹមស គឺជាមុខម្ហូបមិនត្រឹមតែទទួលបានការពេញចិត្ដពីជនបរទេសប៉ុណ្ណោះទេ ប៉ុន្តែជនជាតិចិនជំនាន់ក្រោយក៏ពេញចិត្តនឹងរសជាតិមុតរបស់អាហារមួយមុខនេះផងដែរ។

៥ គាវចំហ៊ុយឬនំប៉ាវ

គាវចំហ៊ុយភាសាចិនហៅថា ចាវស៊ី វាមានសាច់និងបន្លែចិញ្ច្រាំចូលគ្នាជាស្នូល វិធីចម្អិនអាចចំហុយឬចៀនតាមការចូលចិត្ត ហើយជនជាតិចិននិយមបរិភោគនៅថ្ងៃចូលឆ្នាំចិន។ ។ គាវចំហុយមានប្រវត្តិសាស្រ្តដ៏យូរអង្វែងជាង ១,៨០០ ឆ្នាំមកហើយ និងជាអាហារប្រពៃណីមួយដែលពេញនិយមយ៉ាងទូលំទូលាយ។

៦ ចូវម៉ីន

ចូវម៉ីន គឺជាការបញ្ចេញសំឡេងចិនកន្តាំងនៃអក្សរចិន ដែលមានន័យថាមីឆាអាយុវែង។ និយាយជាទូទៅ ម្ហូបឆានេះមានសាច់មាន់ សាច់គោ បង្គា ឬសាច់ជ្រូក ខ្ទឹមបារាំងនិងជីវ៉ាន់ស៊ុយ ដាក់តាមការចូលចិត្ត។ អត្ថន័យវា គេល្បីរន្ទឺថា ហូបហើយផ្ដល់ឲ្យសុខភាពល្អ រាងកាយមាំទាំ និងអាយុវែងតាមសសៃមី។

៧ ទាខ្វៃអាំង

ទាខ្វៃ គឺជាមុខម្ហូបដ៏ល្បីល្បាញមកពីទីក្រុងប៉េកាំង ទទួលបានកិត្តិនាមលើពិភពលោក និងត្រូវបានគេចាត់ទុកថាជាមុខម្ហូបជាតិរបស់ចិន។

៨ បង្គាឆាជាមួយគ្រាប់ស្វាយចន្ទី

នេះជាម្ហូបដ៏ពេញនិយមមួយផ្សេងទៀត ក្នុងចំណោមជនបរទេសនៅក្នុងប្រទេសចិន។ នៅពេលហូបសាច់បង្គា ភ្ញៀវតែងតែសរសើរពីភាពទន់ល្វើយនៃសាច់ ដោយបន្ថែមពីលើនៃគ្រាប់ស្វាយចន្ទី កាន់តែស្អិតរមួតចូលគ្នា។

៩ សាច់ជ្រូកជូរផ្អែម

សាច់ជ្រូកជូរផ្អែម សូម្បីតែនៅខ្មែរយើងក៏ពេញនិយមដែរ។ ជនជាតិចិននិយមទទួលទានអាហារឆានេះណាស់ ព្រោះជាអាហារបុរាណ និងមានជីវជាតិបំប៉នគ្រប់គ្រាន់។

១០ ម៉ាពូតៅហ៊ូ

ម៉ាពូតៅហ៊ូ គឺជាមុខម្ហូបល្បីល្បាញបំផុតមួយនៅក្នុងម្ហូបឈួន ដែលមានអាយុកាលជាង ១០០ ឆ្នាំ។ ម៉ា បានពិពណ៌នាអំពីរសជាតិហឹរនិងក្តៅ ដែលកើតចេញពីម្សៅម្រេច ជាគ្រឿងផ្សំមួយប្រភេទត្រូវបានគេប្រើជាធម្មតានៅក្នុងម្ហូបឈួន៕

ប្រែសម្រួល៖ សាង ស្រីល័ក្ខ

ប្រភព៖chinahighlights

ចុចអាន៖អាហារទាំងនេះ សក្ដិសមបំផុតសម្រាប់អ្នកមានជំងឺទឹកនោមផ្អែម គួរតែហូបជាប្រចាំថ្ងៃ

ចុចអាន៖តៃជីធ្វើឲ្យប្រសើរឡើងនូវជំងឺធ្លាក់ទឹកចិត្ត ថប់បារម្ភ ចំពោះអ្នកជាសះស្បើយពីជំងឺដាច់សរសៃឈាមខួរក្បាល

Related Topics:ប្រពៃណីប្លែកៗ