KPT+
ដឹងស្ដង់ដារស្រីស្អាតប្លែកពីគេរបស់ប្រទេសម៉ូរីតានី អ្នកអាចនឹងភ្ញាក់ផ្អើល
នៅប្រទេសម៉ូរីតានី (Mauritania) ដែលជាប្រទេសមួយស្ថិតនៅអាហ្វ្រិកខាងលិច ចន្លោះវាលខ្សាច់សាហារ៉ាខាងលិច និងប្រទេសសេណេហ្គាល់ មានប្រពៃណីប្លែកពីគេមួយ ដោយឪពុកម្ដាយតែងតែបង្ខំកូនស្រីឱ្យញ៉ាំអាហារឱ្យបានច្រើនបំផុត ដើម្បីឱ្យពួកនាងក្លាយជាស្តី្រមានមាឌធាត់។
ប្រជាជនម៉ូរីតានីទម្លាប់ធ្វើបែបនេះដោយសារតែស្ត្រីមានរាងស្គម ឬតូចស្រឡូន ជាស្ត្រីដែលមិនត្រូវស្ដង់ដារស្រីស្អាតនោះទេ។ ម្យ៉ាងវិញទៀតស្ត្រីណាដែលស្គមៗ ត្រូវគេចាត់ទុកជាមនុស្សមកពីគ្រួសារក្រីក្រដែលគ្មានលទ្ធភាពទិញអាហារហូបចុក ហើយបុរសៗនឹងមិនដណ្ដឹងពួកនាងរៀបការឡើយ។
ប្រពៃណីបង្ខំកូនស្រីឱ្យញ៉ាំអាហារដ៏ច្រើនលើសលុបមួយនេះ ត្រូវបានអនុវត្តរាប់រយឆ្នាំមកហើយ ចាប់តាំងពីកូនៗនៅតូច រហូតដល់ពួកនាងពេញវ័យ ព្រោះណាស្ត្រីដែលអាចឡើងទម្ងន់កាន់តែធាត់នោះនាងកាន់តែស្អាត ហើយវាក៏ជាសញ្ញាបង្ហាញពីទ្រព្យសម្បត្តិគ្រួសាររបស់នាងផងដែរ។
យោងតាមរបាយការណ៍របស់អង្គការសុខភាពពិភពបានឱ្យដឹងថា ម៉ូរីតានី ជាប្រទេសរាំងស្ងួត ប្រជាជនគ្មានជម្រកសមរម្យ ហើយមួយភាគបួននៃស្ត្រី ១.៥លាននាក់នៅក្នុងប្រទេស គឺជាស្ត្រីធាត់លើសទម្ងន់ ខណៈនៅក្នុងស្រុក គ្មានហាងអាហាររហ័ស (Fast Food ) សូម្បីតែមួយ។
ត្បិតថា ម៉ូរីតានី ជាប្រទេសក្រីក្រ មិនសូវជឿនលឿន និងគ្មានហាងអាហារទំនើបៗ ប៉ុន្តែឪពុកម្ដាយភាគច្រើនបានព្យាយាមឱ្យកូនស្រីរបស់ខ្លួនផឹកទឹកដោះអូដ្ឋរាប់លីត្រក្នុងមួយថ្ងៃ ញ៉ាំប្រេងអូលីវ និងសាច់ពពែយ៉ាងច្រើនលើសលុប រហូតធ្វើកូនស្រីៗទាំងនោះកើតជំងឺជាច្រើនមុខ។ WHO បានឱ្យដឹងថា ស្ត្រីជិត ៤០ភាគរយ កើតជំងឺធាត់លើសទម្ងន់ ព្រមទាំងកើតជំងឺផ្សេងទៀតដូចជា ជំងឺបេះដូង និងលើសឈាមជាដើម។
ទោះបីជាបានដឹងនូវហានិភ័យសុខភាពពីការធាត់បែបណាក្ដី ប៉ុន្តែប្រជាជន ម៉ូរីតានី មួយចំនួននៅតែបន្តអនុវត្តប្រពៃណីបង្ខំកូនឱ្យញ៉ាំច្រើនរហូតដល់បច្ចុប្បន្ន ព្រោះពួកគេខ្លាចកូនស្រីមិនស្អាត និងអាចនៅព្រៅ គ្មានបុរសដណ្ដឹងជាភរិយា។
សម្រាប់ប្រិយមិត្តវិញ យល់យ៉ាងណាចំពោះប្រពៃណីមួយនេះ? សូមចែករំលែកជាមួយ កម្ពុជាថ្មីផ្លឹស !
ប្រែសម្រួល៖ សន្យា
ចុចអាន៖ ធ្មេញច្រពើស ជាស្ដង់ដារស្រីស្អាតរបស់នារីជប៉ុន
ចុចអាន៖ កុលសម្ព័ន្ធចម្លែក! ប្រុសៗត្រូវកាត់ម្រាមដៃជាថ្លៃបណ្ណាការជូនកូនក្រមុំ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ