KPT+
៥ យ៉ាងនេះប្រុសៗទុកថាសំខាន់ខ្លំាងពីមនុស្សស្រីដែលគេចាប់អារម្មណ៍
យើងធ្លាប់ឮមកថា បុរសមិនសូវយកចិត្តទុកដាក់លើរឿងជ្រាលជ្រៅវែងឆ្ងាយ ហើយឆាប់មើលតែអ្វីៗដែលនៅខាងក្រៅប៉ុណ្ណោះ ដូចជាភាពឡូយឆាយ ការនិយាយល្អៗ ឬមាយាទរាបសា។ល។
ការពិតមិនមែនអ៊ីចឹងទេ! បុរសភាគច្រើនតែងយកចិត្តទុកដាក់លើរឿងផ្សេងៗទៀត ដែលស្ត្រីជួនកាលក៏មិនគិតដល់។
១. ការបង្ហាញទឹកមុខ
ប្រុសៗមិនមែនត្រឹមតែសម្គាល់តែទឹកភ្នែកឬស្នាមញញឹមស្រ្តីប៉ុណ្ណោះទេ ប៉ុន្តែពួកគេក៏យកចិត្តទុកដាក់លើកែវភ្នែករបស់នារីខ្លាំងផងដែរ។ ការបង្ហាញចេញលើទឹកមុខស្ត្រី ធ្វើឲ្យបុរសចាប់អារម្មណ៍ចង់ដឹងចំពោះនាងកាន់តែខ្លាំងទ្វេរឡើង។ ជួនកាលការប្រាស្រ័យទាក់ទងដោយគ្មានពាក្យអីនិយាយគ្នា ក៏អាចធ្វើឱ្យបុរសៗរំភើប ព្រោះវាធ្វើឱ្យពួកគេមានអារម្មណ៍ពិសេសដោយគ្រាន់តែសម្លឹងមុខនាង។
២. ពណ៌សម្លៀកបំពាក់
មនុស្សស្ទើរគ្រប់គ្នាសុទ្ធតែដឹងថាពណ៌អាចប៉ះពាល់ដល់អារម្មណ៍និងចំណង់តាមរបៀបផ្សេងៗគ្នា។ ពណ៌ក្រហមតំណាងឱ្យថាមពលនិងចំណង់ចំណូលចិត្ត។ ពណ៌ខ្មៅតំណាងឱ្យភាពឆើតឆាយ ភាពជឿជាក់ព្រមជាមួយភាពអៀនខ្មាស់ រីឯពណ៌ផ្កាឈូកតំណាងឱ្យភាពកក់ក្តៅនិងទន់ភ្លន់។ ដូច្នេះនៅពេលដែលស្ត្រីជ្រើសរើសពណ៌ណាមួយដើម្បីចេញទៅក្រៅជាមួយមិត្តប្រុសឬប្តី នាងកំពុងបញ្ជូនសញ្ញាទៅឲ្យដៃគូថានាងត្រូវការអ្វី។ នេះជារឿងសម្ងាត់ដែលបុរសទទួលដឹងយ៉ាងងាយ។
៣. របៀបសរសេរផ្ញើសារ
ពេលខ្លះស្រីៗពិតជាមិនដឹងទេថា ការដែលនាងផ្ញើសារទៅបុរសៗធ្វើឲ្យគេរសាប់រសល់ ចម្លែកចិត្តយ៉ាងណានោះ។ យើងធ្លាប់តែឃើញនារីរមួលខ្លួនពេលឃើញសារប្រុសៗ តែបុរសក៏មានអារម្មណ៍មិនចាញ់នាងឡើយ។ តាមពិតទៅប្រុសៗក៏យកចិត្តទុកដាក់ខ្លាំងណាស់ដែរលើរបៀបសរសេររសារបស់នារីទៅកាន់ខ្លួន ដោយគេចង់ដឹងនិងខ្វល់ខ្វាយថា តើនាងមានអារម្មណ៍បែបណាចំពោះគេ។
៤. ភេសជ្ជៈ និងអាហារ
តិចច្រឡំថា ប្រុសៗអត់គិតររឿងចំណីចំណុកដែលស្រីៗញ៉ាំ! ប្រុសៗយកចិត្តទុកដាក់ជានិច្ចពីភេសជ្ជៈដែលនារីផឹកមិនថាជា ស្រាឬភេសជ្ជៈប៉ូវកម្លាំង និងយកចិត្តដាក់លើរសជាតិអាហារដែលនាងញ៉ាំគ្រប់ប្រភេទ។ គេយកចិត្តទុកដាក់ចំពោះរឿងនេះ ព្រោះតែគេចង់បញ្ជារទិញចំណីឲ្យត្រូវចិត្តនាង។
ពេលខ្លះនៅពេលណាត់ជួបគ្នា នារីមួយចំនួនតែងកុម្មង់អាហារមានបន្លែ ព្រោះមិនហ៊ានហៅសាច់ញ៉ាំដោយខ្លាចចិត្តមិត្តប្រុស ទាំងដែលខ្លួនមិនចូលចិត្តបន្លែផង។ ប៉ុន្តែវាក៏បង្ហាញថានាងជាមនុស្សអឹមអៀនច្រើននិងមិនសូវជឿជាក់។ ឯនារីខ្លះវិញនាងហ៊ានកុម្មង់អ្វីដែលនាងចូលចិត្តញ៉ាំ ហើយនោះវាបង្ហាញថានាងជាមនុស្សឯករាជ្យម្នាក់។ ទោះនាងញ៉ាំសាច់ច្រើនក្ដី ក៏បុរសមានអារម្មណ៍ស្រួលចិត្តដែរ ព្រោះពួកគេណាត់ជួបជាមួយមនុស្សមិនមែនទន្សាយទេ។ ជាការពិតវាមិនមែនមានន័យថា ស្ត្រីគួរតែញ៉ាំតែអាហារដែលមានជាតិខ្លាញ់ដើម្បីធ្វើឱ្យបុរសចាប់អារម្មណ៍ប៉ុណ្ណោះទេ ប៉ុន្តែនាងគ្រាន់តែត្រូវចាំថា ខ្លួនអាចបញ្ជាទិញអ្វីគ្រប់យ៉ាងដែលនាងចង់បាន ដោយមិនត្រូវស្ទាក់ស្ទើរទេ ហើយនោះជាភាពទាក់ទាញក្នុងនាមនាងជានាង។
៥. របៀបតុបតែងខ្លួន
មែនហើយ! បុរសយកចិត្តទុកដាក់លើសម្លៀកបំពាក់។ ពួកគេមិនខ្វល់ពីម៉ាកផលិតផលថ្មីៗ ឬស្លាកតម្លៃទេ។ ប៉ុន្តែពួកគេនឹងយកចិត្តទុកដាក់ជានិច្ចចំពោះភាពឆើតឆាយ ស្ទីលតែងខ្លួន ហើយគេក៏ចាប់អារម្មណ៍នឹងភាពសាមញ្ញរបស់នាងដែរ។ ទោះបីបុរសចូលចិត្តភាពឆើតឆាយដែលងាយទាក់ភ្នែកក៏ពិតមែន តែគេមិនភ្លេចចំណុចទាក់ទាញម្យ៉ាងទៀតរបស់នារីនោះគឺ ទំនុកចិត្ត។ បើនាងមើលទៅអស្ចារ្យ ប៉ុន្តែមានអារម្មណ៍ខ្មាស់អៀនច្រើននិងញ័រៗដូចកណ្ដុរធ្លាក់ទឹក ពិតណាស់គ្មាននរណាមានអារម្មណ៍ល្អដាក់នោះទេ៕
ប្រែសម្រួល៖ សន្យា
ប្រភព៖ Brightside
ចុចអាន៖ មនុស្សស្រីធ្លាប់ជួបព្យុះភ្លៀងរាប់មិនអស់ នឹងបង្រៀនខ្លួនឯងឲ្យរឹងមាំលើរឿងទាំងនេះ
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)