KPT+
បច្ចេកទេស ៦ យ៉ាង ធ្វើឲ្យការរស់នៅក្នុងអំឡុងកូវីដ មិនភិតភ័យនិងដូចធម្មតា
ចាប់តាំងពីការផ្ទុះឡើងនៃកូវីដ របៀបរស់នៅរបស់មនុស្សជាច្រើនមានភាពខុសគ្នា។ ការផ្លាស់ប្ដូរ ច្រើនពេកនៅក្នុងការរស់នៅ នឹងជៀសផុតពីឱកាសដែលជះឥទ្ធិពលដល់ជីវិតនិងអ្នកដែលនៅជុំវិញ។
ហេតុដូច្នេះហើយ យើងបានចែករំលែកបច្ចេកទេសចំនួន ៦ សម្រាប់ការរស់នៅក្នុងស្ថានភាពបច្ចុប្បន្ននេះ។ ទាំងអស់គ្នា អាចសាកល្បងនិងអនុវត្តបាន។
១ ធ្វើម្ហូបដោយខ្លួនឯង
រោគរាតត្បាត កំពុងវាយលុកពាសពេញពិភពលោក។ ជាលទ្ធផលគ្រួសារជាច្រើនត្រូវការរស់នៅក្នុងផ្ទះ តាមដែលអាចធ្វើបានរៀងៗខ្លួន។ ការចម្អិនអាហារសាមញ្ញនៅផ្ទះ នឹងផ្តល់ឲ្យអ្នកនូវអារម្មណ៍នៃការរស់នៅធម្មតាបំផុត ដែលគ្រួសារជាច្រើនមានពេលវេលាដើម្បីចូលទៅក្នុងផ្ទះបាយ និងចម្អិននៅផ្ទះរួមគ្នា។ អ្នកក៏អាចបង្កើតម៉ឺនុយដែលមានសុខភាពល្អចំពោះគ្រួសារ ក្នុងសម័យកូវីដនេះបានដែរ។
២ ឆាប់ចូលគេងនិងក្រោកនៅព្រឹកព្រលឹម
ត្រូវប្រញាប់ចូលគេងពីព្រលប់ និងក្រោកនៅពេលព្រឹកព្រលឹម ដើម្បីធ្វើកលំហាត់ប្រាណ។ វាមិនត្រឹមតែមានន័យក្នុងការរស់នៅធម្មតាប៉ុណ្ណោះទេ វាថែមទាំងជួយឲ្យមានអារម្មណ៍ថា អ្នកកំពុងរស់នៅក្នុងជីវិតបែបធម្មតា មិនមែនសម័យកូវីដ។ ដំណេកគ្រប់គ្រាន់នឹងជួយការពាររាងកាយប្រឆាំងនឹងវីរុស និងកាត់បន្ថយហានិភ័យនៃការវិវត្តទៅជាជំងឺធ្លាក់ទឹកចិត្តផងដែរ។
៣ ធ្វើសកម្មភាពដែលចូលចិត្តធ្វើ
សកម្មភាពដែលអ្នកចូលចិត្ត មិនថាជាចំណង់ចំណូលចិត្តឬអ្វីដែលអ្នកចាប់អារម្មណ៍។ ក្រៅពីជួយខ្លួនយើងរៀនអ្វីថ្មីៗ វាក៏ជួយឲ្យមានអារម្មណ៍ដូចជារស់នៅក្នុងជីវិតធម្មតាដែរ។ យើងសូមផ្ដល់អនុសាសន៍ឲ្យអ្នកស្វែងរកសកម្មភាពដែលអ្នកចង់សាកល្បង ដូចជាលំហាត់សិល្បៈ ការដុតនំ ធ្វើម្ហូប ឬការរៀបចំផ្ទះ អានសៀវភៅ ធ្វើអ្វីដែលធ្លាប់ចូលចិត្តពីមុន។
៤ ភ្ជាប់ទំនាក់ទំនងជាមួយមិត្តភក្តិ
ធ្លាប់តែជួបជុំគ្នាជជែកលេងទល់មុខ ប៉ុន្តែគ្រប់យ៉ាងបានផ្លាស់ប្ដូរដោយការមើលតាមកញ្ចក់ទូរសព្ធឬកុំព្យូទ័រវិញ។ ការមើលឃើញមិត្តភ័ក្ដិឬមនុស្សជាទីស្រលាញ់នៅក្នុងស្ថានភាពនេះ គឺពិបាកណាស់។ ហេតុដូច្នេះហើយ រឿងអស់នេះ វាតែងតែមានសារៈសំខាន់ ក្នុងការភ្ជាប់ទំនាក់ទំនងជាមួយមនុស្សជាទីស្រលាញ់ ក្នុងពេលរាតត្បាត។ ការភ្ជាប់ទំនាក់ទំនងជាមួយមិត្តភ័ក្ដិឬនរណាម្នាក់ ដែលយើងមានអារម្មណ៍ល្អ នៅពេលនិយាយតាមអ៊ិនធរណេត ធ្វើឲ្យយើងមានអារម្មណ៍ដូចជារស់នៅធម្មតាដែរ។
៥ សម្រាកខ្លះហូបអីដើម្បីសុខភាពទប់ទល់ជំងឺ
ក្នុងសម័យបច្ចុប្បន្ន មនុស្សគ្រប់គ្នាវីវក់នឹងការងារ រហូតមិនមានពេលវេលាដើម្បីសម្រាកពេញលេញ និងភ្លេចមើលថែខ្លួនឯង។ ប៉ុន្តែចូលមកដល់ការរិតត្បិតគំលាតសង្គម គ្រប់គ្នាត្រូវធ្វើការពីផ្ទះ។ ខណៈពេលដែលមនុស្សមួយចំនួនអាចមានពេលទំនេរច្រើនពេលធ្វើការពីផ្ទះ សូមរកសកម្មភាពដែលអាចធ្វើបាន សូម្បីតែចលនារាងកាយ ព្រោះវាជួយការពារការធ្លាក់ទឹកចិត្តនិងជំងឺផ្សេងៗ។
៦ ព្យាយាមកែប្រែអាកប្បកិរិយារបស់យើងទៅនឹងការរស់នៅ
ក្នុងស្ថានភាពនេះ ចាំបាច់ណាស់ក្នុងការកែប្រែអាកប្បកិរិយារបស់អ្នកឲ្យបានល្អ។ ព្យាយាមកុំភ័យស្លន់ស្លោ ឬព្រួយបារម្ភច្រើនពេក។ ដោយសារតែនោះអាចបណ្ដាលឲ្យមានអារម្មណ៍នៃភាពមិនទៀងទាត់ នៅក្នុងការរស់នៅប្រចាំថ្ងៃ។ ការព្យាយាមកែប្រែអាកប្បកិរិយារបស់អ្នក ទៅនឹងជីវិតធម្មតាតាមដែលអាចធ្វើទៅបាន អាចជួយឲ្យអ្នកឃ្លាតឆ្ងាយពីអារម្មណ៍រំខាន ជាពិសេសអារម្មណ៍អវិជ្ជមាន៕
ប្រែសម្រួល៖ សាង ស្រីល័ក្ខ
ចុចអាន៖៥ វិធី ដោះស្រាយបញ្ហានៃវិបត្តិកូវីដគ្រប់ប្រភេទ ដែលមនុស្សគ្រប់គ្នាកំពុងភ័យខ្លាច បានយ៉ាងប្រសើរ
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)