KPT+

ទៅសម្ភាសន៍សុំទិដ្ឋាការនៅស្ថានទូត កុំប្រហែសធ្វើកំហុស៥យ៉ាងនេះឲ្យសោះ

បានផុស

២ years មុន

នៅ

ថ្ងៃពុធ ២៥ វិច្ឆិកា ២០២០

ដោយ

ដើម្បីបង្កើនឱកាសក្នុងការទទួលបានទិដ្ឋាការពិបាកៗ សូមរៀនជាមុនពីកំហុសទូទៅ របស់បេក្ខជន ដែលជារឿយៗបានប្រហែសធ្វើឲ្យធ្លាក់ក្នុងអំឡុងពេលសម្ភាសន៍សុំវីសាទៅអាមេរិក អឺរ៉ុប។ល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ភាពយឺតយ៉ាវ

នៅពេលណាត់ជួបសម្ភាសន៍ទិដ្ឋាការ នៅស្ថានទូតឬស្ថានកុងស៊ុលណាមួយ គេនឹងប្រាប់អំពីកាលបរិច្ឆេទនិងពេលវេលាពិតប្រាកដមិនខាន។ ទស្សនៈអាក្រក់មួយសម្រាប់បេក្ខជនគឺការធ្វេសប្រហែស ពីភាពយឺតយ៉ាវលើការណាត់ជួប។

ផ្ទុយទៅវិញ ព្យាយាមទៅដល់ស្ថានទូត ឬស្ថានកុងស៊ុល ដែលអ្នកសម្ភាសន៍ យ៉ាងហោចណាស់ ១៥ ឬ ២០ នាទីមុន។ ការធ្វើបែបនេះនឹងជួយឲ្យអ្នកស្ងប់អារម្មណ៍ និងបន្ធូរអារម្មណ៍ ពេលផ្ដល់ចម្លើយដល់សំណួរ ក្នុងពេលសម្ភាសន៍។

២. ចម្លើយមិនសមរម្យ

ធាតុមួយទៀតដែលធ្វើឲ្យមន្ត្រីទិដ្ឋាការ មិនយកចិត្តទុកដាក់លើពាក្យសុំ របស់អ្នក គឺមិនបានរៀបចំចម្លើយក្នុងការសម្ភាសន៍។ អ្នកមិនអាចទស្សន៍ទាយបានទេថា តើសម្ភាសន៍ទិដ្ឋាការ ជាមួយមន្ត្រីទិដ្ឋាការយ៉ាងម៉េចខ្លះ។ ហើយអ្នកក៏មិនបានដឹងថា នឹងទទួលបានសំណួរអ្វីខ្លះ នោះហើយជាហានិភ័យក្នុងការផ្ដល់ចម្លើយមិនសមរម្យ។

ត្រូវរៀបចំផែនការ នៅក្នុងចម្លើយឲ្យបានត្រឹមត្រូវ មុនពេលកំណត់ថ្ងៃសម្ភាសន៍ទិដ្ឋាការ។

៣. រំលងសំណួរឬផ្ដល់ចម្លើយមិនពិត

រាល់ពេលដែលអ្នកដាក់ពាក្យសុំទិដ្ឋាការ ការសម្ភាសគឺគ្រាន់តែជាមធ្យោបាយមួយផ្នែកប៉ុណ្ណោះ។ ប៉ុន្តែបើសិនព័ត៌មាន ដែលបានសរសេរនៅក្នុងទម្រង់ពាក្យសុំទិដ្ឋាការមិនត្រឹមត្រូវ អ្នកនឹងមានផលវិបាក។

ដូចគ្នានេះផងដែរ ការផ្ដល់ព័ត៌មានក្លែងក្លាយ មិនបានផ្ដល់លទ្ធផលល្អនោះទេ ព្រោះការិយាល័យការទូត នឹងត្រួតពិនិត្យរាល់ព័ត៌មានទាំងអស់ ដែលអ្នកផ្ដល់ក្នុងពេលសម្ភាសន៍និងក្នុងទម្រង់ពាក្យសុំ។

៤. តុបតែងខ្លួនមិនសមរម្យ

កំឡុងពេលសម្ភាសន៍ ត្រូវពិនិត្យមើលសំលៀកបំពាក់ ស្បែកជើង ការតុបតែង ចរិតលក្ខណៈរាងកាយ សូម្បីតែបរិមាណទឹកអប់ដែលអ្នកបានបាញ់លើដងខ្លួន។

ចងចាំថា ចំណាប់អារម្មណ៍ទីមួយគឺជាអ្វីៗគ្រប់យ៉ាង ហើយជាធម្មតា អ្នកមិនអាចមានឱកាសទីពីរ ដើម្បីទុកចំណាប់អារម្មណ៍ដំបូងឡើយ។

ការតុបតែងខ្លួននិងក្លិនទឹកអប់ ក៏ជាធាតុផ្សំក្នុងការបន្សល់ទុកចំណាប់អារម្មណ៍ល្អ ពីបេក្ខជនផងដែរ។

៥. ឯកសារអមដែលមិនពេញលក្ខណៈ

ត្រូវប្រាកដថា ឯកសារភ្ជាប់ជាមួយពាក្សសុំ គឺមានគ្រប់គ្រាន់រាល់តម្រូវការរបស់ស្ថានទូតចង់បាន។ ទោះយ៉ាងណា ក៏ត្រូវដឹងថាឯកសារណាដែលការទូតទទួលស្គាល់ ថាជាភស្តុតាងអមទៅជាមួយបាន។

យ៉ាងហោចណាស់ មួយថ្ងៃមុនពេលសម្ភាសន៍ ត្រូវឆ្លងកាត់ការផ្ទៀងផ្ទាត់ឲ្យបានច្បាស់លាស់ ដើម្បីប្រាកដថា អ្នកមិនបានភ្លេចឯកសារណាមួយឡើយ៕

ប្រែសម្រួល៖ សាង ស្រីល័ក្ខ

ចុចអាន៖មហាសេដ្ឋីក្មេងជាងគេបង្អស់របស់រាជាណាចក្រថៃ លោក TOB ស្ថាបនិកអាហារសម្រន់ ថៅកែណយ

ចុចអាន៖ប្រវត្តិត្បូងពេជ្រដែលមានជាប់បណ្ដាសា សឹងមិនគួរឲ្យជឿ