KPT+
វិធីសាស្ត្រ ៥ យ៉ាង ដោះស្រាយបញ្ហាកូនយំតាមឪពុកម្ដាយអត់ព្រមលែង
វ័យកុមារភាព គឺជាពេលវេលាដែលការលូតលាស់ និងការអភិវឌ្ឍជាច្រើនផ្នែកកើតឡើង ហើយវាក៏ជាពេលវេលាមួយដែលក្មេងៗ ភាគច្រើនតាមម៉ាក់ប៉ាស្អិតដូចតុកកែ។ ជួនកាល ពេលកូនយំតាមម៉ាក់ប៉ាពេក យើងក៏កើតអារម្មណ៍ធុញថប់ឡើង ព្រោះពិបាកផ្ដោតអារម្មណ៍ធ្វើការងារ ហើយម៉ាក់ប៉ាខ្លះបែរជាស្រែក និងខឹងកូនព្រោះយំតាមពេក តែសកម្មភាពបែបនេះមិនល្អទេ។
១. កុំដាក់ទណ្ឌកម្មលើអាកប្បកិរិយាកូន
របៀបនៃការឆ្លើយតបរបស់ម៉ាក់ប៉ាចំពោះអាកប្បកិរិយាយំតាមរបស់កូនតូច គឺសំខាន់ណាស់។ យើងមិនគួរស្រែក ឬដាក់ទណ្ឌកម្មកូន ដោយសារកូនយំតាមម៉ាក់ប៉ាពេកទេ ព្រោះយើងត្រូវចាំថា កូនយំតាមដោយសារអាអូនមិនចង់បែកពីម៉ាក់ប៉ា ហេតុនេះហើយ យើងគួរនិយាយហេតុផលប្រាប់កូន និងបង្ហាញក្ដីស្រលាញ់ដល់កូន ដើម្បីឲ្យកូនទទួលបានភាពកក់ក្ដៅពីយើង។
២. យល់ពីអារម្មណ៍កូន
ការដែលម៉ាក់ប៉ាឲ្យកូនដឹងថា យើងយល់ពីអារម្មណ៍ពួកគេអាចជួយឲ្យកូនបានស្ងប់ចិត្តបន្តិច។ យើងអាចនិយាយថា ម៉ាក់ប៉ាចង់នៅមើលរឿង ឬលេងជាមួយកូនដែរ ប៉ុន្តែម៉ាក់ប៉ាត្រូវទៅធ្វើការ ចាំពេលមកវិញម៉ាក់ប៉ានឹងលេងជាមួយកូន។ល។
៣. ជំរុញភាពឯករាជ្យ
ក្មេងតូចមានទំនោរមិនសូវត្អូញត្អែរតាមម៉ាក់ប៉ាច្រើន ពេលពួកគេចាប់ផ្ដើមមានទំនុកចិត្តលើខ្លួនឯង។ យើងអាចជួយបង្កើតទំនុកចិត្តឲ្យកូនដោយផ្ដល់ឱកាសឲ្យពួកគេបំពេញភារកិច្ច(ដូចជា កិច្ចការក្នុងផ្ទះ ឬកិច្ចការសាលា) ដោយខ្លួនឯង។ នៅពេលដែលកូនៗដឹងថាអាចធ្វើអ្វីមួយដោយឯករាជ្យ នោះអាចធ្វើឲ្យពួកគេមានអារម្មណ៍ជឿជាក់លើខ្លួនឯង។
៤. កុំភ្លេចសរសើរកូន
ការសរសើរកូនៗរាល់ពេលពួកគេធ្វើអ្វីមួយបានសម្រេច អាចជួយបង្កើតភាពជឿជាក់លើខ្លួនឯង និងភាពឯករាជ្យរបស់ពួកគេ។ ការសរសើរកូននិងជួយលើកទឹកចិត្តកូន នឹងកាត់បន្ថយអាកប្បកិរិយាតោងម៉ាក់ប៉ាស្អិត មិនព្រមលែងបានដែរ។
៥. ឲ្យកូនចំណាយពេលជាមួយអ្នកដទៃ
ជាជាងទុកឲ្យកូនចំណាយពេលជាមួយយើងច្រើន វាក៏ជាការប្រសើរដែរ ប្រសិនបើយើងផ្ដល់ឱកាសឲ្យកូនបានចំណាយជាមួយសមាជិកគ្រួសារដទៃ។ មូលហេតុមួយដែលធ្វើឲ្យកូនយំតាមម៉ាក់ប៉ា គឺដោយសារតែពួកគេមិនមានអារម្មណ៍ល្អ ឬខ្លាចមនុស្សមិនសូវស្គាល់មុខ តែយើងអាចអនុញ្ញាតឲ្យកូនលេងជាមួយសមាជិកគ្រួសារដទៃ ដើម្បីផ្ដល់ភាពងាយស្រួលដល់យើងអាចដកខ្លួនពីកូនបានខ្លះ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ក្មេងៗលេងឧបករណ៍តន្ត្រី នឹងទទួលបានអត្ថប្រយោជន៍ ៩យ៉ាង
ចុចអាន៖ ហេតុអ្វីបានជាកុមារ ប្រើពាក្យអាសអាភាស នៅក្នុងប្រព័ន្ធផ្សព្វផ្សាយតាមអ៉ីនធឺណិត?
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ