KPT+
ចូលចិត្ត Makeup ដឹងថាប៉ះពាល់ការឡើងមុនប៉ុនណាអត់?
សម័យនេះ បើមិន Makeup ម៉េចខ្ជូត ហេតុនេះគ្នាយើងភាគច្រើន ពិសេសស្រីៗ ពេលចេញទៅណា តែងផាត់មុខ លាបម្សៅម៉ាកកប់ ចុងក្រោយបែរនាំគ្នារអ៊ូរឿងបញ្ហាឡើងមុន។ ស្រីៗភាគច្រើន តែងមានបញ្ហាស្បែកជាមួយគ្រឿង Makeup ជាពិសេសកើតមុនតែម្តង។ អត្ថបទនេះនឹងប្រាប់មូលហេតុនាំឲ្យកើតមុន និងគន្លឹះខ្លះៗជួយកុំឲ្យកើតមុនដោយសារប្រើគ្រឿងសម្អាង។
១- ហេតុអីផាត់មុខឡើងមុន?
មូលហេតុចម្បងបង្កឲ្យដោយឡើងមុនដោយសារផាត់មុខ គឺសារធាតុគីមីមានក្នុងគ្រឿងសម្អាងតែម្តង។ សារធាតុគីមីទាំងនោះ អាចទៅធ្វើឲ្យស្ទះរន្ធរោម និងរារាំងការបញ្ចេញសាធាតុកខ្វក់ចេញពីក្រពេញសេប៉ូម ក៏ដូចជាកោសិកាស្បែកដែលងាប់។
នៅពេលរន្ធរោមស្ទះ បាក់តេរីបង្កឲ្យកើតមុន អាចលូតលាស់ ហើយភ្នាក់ងារបង្កការរលាក នឹងធ្វើឲ្យរលាកពីខាងក្នុងស្បែក។ ប្រភេទសារធាតុគីមីទូទៅ ក្នុងគ្រឿងតុបតែងមុខ មានដូចជា ប្រេងចេញពីស្រូវសាលី សារធាតុចម្រាញ់ពីស្លែ (Algae) សារាយសមុទ្រ (Carrageenans) ស្លែក្រហម (Red Algae) ប៉ូតាស្យូមក្លរួ និង សូដ្យូមក្លរួ។ សារធាតុគីមីទាំងនោះ អាចទៅធ្វើឲ្យស្ទះរន្ធរោម ធ្វើឲ្យមានប្រតិកម្មអាលែកហ្ស៊ី និងបញ្ហាស្បែកដូចជា រលាកស្បែកជាដើម។
២- ការព្យាបាល
គន្លឹះខាងក្រោមនេះអាចជួយការពារករណីឡើងមុន ដោយសារប្រើគ្រឿងសម្អាង៖
– ប្តូរទៅផលិតផលគ្រឿងសម្អាតគ្មានផ្ទុកសារធាតុបង្កឲ្យមានមុនក្បាលខ្មៅ សារធាតុមានជាតិអាឡែកហ្ស៊ី សមាសធាតុមិនបង្កការរលាក ឬផលិតផលមានដាក់ “គ្មានសារធាតុខ្លាញ់” និង “គ្មានសារធាតុប្រតិកម្ម” ជាដើម។
– ប្រសិនបញ្ហាមុនកាន់តែធ្ងន់ គួរប្ដូរប្រើផលិតផលប្រភេទផ្សេង។ ត្រូវសួរគ្រូពេទ្យ ថាតើសារធាតុគីមីទាំងនោះអាចបង្កជាបញ្ហាដែរអត់។
– គួរកត់សម្គាល់ផលិតផលគ្រឿងសម្អាងមួយចំនួនផ្ទុកសារធាតុអាស៊ីដសាលីសាលីក ដែលជាសារធាតុប្រឆាំងបញ្ហាឡើងមុន ព្រោះអាចបង្ការ និងជួយព្យាបាលបញ្ហាមុនថែមទៀតផង។
– ត្រូវជូតសម្អាតគ្រឿងមុខឲ្យបានស្អាត ពេលហាត់ប្រាណ និងមុនពេលគេង ព្រោះវាអាចជាប់នៅរន្ធរោម ហើយទុកយូរទៅពិបាកជម្រះចេញ។
– ត្រូវពិនិត្យឲ្យបានច្បាស់ ធាតុផ្សំក្នុងគ្រឿងសម្អាត និងត្រូវឈប់ប្រើប្រាស់ភ្លាម ប្រសិនបើយើងឃើញមានឡើងមុន ស្បែកឡើងក្រហម រមាស់ ឬហើម។
ត្រូវដឹង បញ្ហាមុនដោយសារគ្រឿងសម្អាងមុខ គឺពិបាកព្យាបាល អាចកើតដល់ទៅរាប់ខែ ឬឆ្នាំទៀតផង។ ហេតុនេះ ពិសេសស្រីៗយើងតែង កុំដោយសារតែចង់ស្អាត ត្រូវមុខផាត់គ្រប់ពេល ភ្លេចផលប៉ះពាល់ឲ្យសោះ ព្រោះអាចនឹងកើតមុនពេញមុខលើសដើម៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ សារធាតុគីមីក្នុងគ្រឿងសម្អាង និងទឹកអប់ ជាមូលហេតុនាំឱ្យក្មេងស្រីឆាប់ពេញវ័យមុនអាយុ
-
ព័ត៌មានជាតិ៣ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានអន្ដរជាតិ៤ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៣ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៧ ម៉ោង agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម២ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៥ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៤ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ