របៀបផាត់មុខ ១៣ ចំណុច សម្រាប់ស្ត្រីអាយុលើស ៥០ ឆ្នាំ

កាន់តែចាស់កាន់តែពិបាកតុបតែងមុខ ជាពិសេសទៅកម្មវិធីម្ដងៗមិនដឹងថាគួរផាត់បែបណាសមសួនក្មេងជាងវ័យសោះ។ ថ្ងៃនេះយើងមកដឹងពីរបៀបផាត់មុខខ្លះៗ ជាគន្លឹះងាយៗដូចខាងក្រោម៖

១. គូសត្រេបបូរមាត់

មនុស្សចាស់មាត់ចាប់ផ្ដើមរួមតូច និងបាត់ត្រឹបបូរមាត់ បើលាបតែក្រេមមិនឃើញរូបរាងបបូរមាត់ឡើយ។

២. ផាត់ភ្នែកជាមួយពណ៌ភ្លឺ

ប៉ុន្តែកុំជ្រើសពណ៌ស្រស់ពេកដូចជាបៃតង ស្វាយ ឬផ្កាឈូក។ ពណ៌ដែលសាកសមត្រូវរើសឲ្យស្រដៀងទៅនឹងស្បែករបស់អ្នក។

៣. កុំធ្វើឲ្យមើលទៅមុខស្ងួត

មនុស្សចាស់ភាគច្រើនអៀនខ្មាស់ពេលមុខមានសភាពរលោងៗ ការពិតមុខរលោងៗធ្វើឲ្យមើលទៅក្មេងទៅវិញទេ។

៤. ជៀសវាងប្រើប្លីងៗ

ក្មេងៗតែងចូលចិត្តប្រើប្លីងៗតិចៗដើម្បីផាត់ភ្នែក សម្រាប់មនុស្សចាស់វិញមិនគួរប្រើវាទេព្រោះវាធ្វើឲ្យមុខមិនសមសួនឬកាន់តែចាស់ច្បាស់ឡើង។

៥. កុំប្រើម្សៅហ៊ុយ 

ម្សៅហ៊ុយធ្វើឲ្យមុខស្ងួត ណាមួយស្បែកមនុស្សចាស់មិនហាប់ដូចក្មេងនោះទេ ប្រើម្សៅហ៊ុយនិងបញ្ចេញភាពជ្រីវជ្រួញច្បាស់ចេញមក។

៦. ផាត់ភ្នែកមុន

ក្នុងករណីធ្លាក់កូល័រភ្នែកទៅលើភ្នែកយើងងាយស្រួលបិតបាំងជាមួយស្លក់ក្រោមភ្នែកតាមក្រោយ។

៧. ប្រើគ្រីមទ្រនាប់

គ្រីមទ្រនាប់ ឬ Primer ជួយបិទបាំងភាពជ្រីវជ្រួញនិងធ្វើឲ្យពណ៌ដិតជាប់ល្អ។

៨. គូសចិញ្ចើមឲ្យក្រម៉ៅបន្តិច

ចិញ្ចើមមនុស្សចាស់មានសភាពស្ដើង ឬឡើងស្កូវ ដូច្នេះអ្នកត្រូវផាត់ឲ្យដិតជាងពណ៌ធម្មតាបន្តិច។

៩. ប្រើកូល័រថ្ពាល់គ្រីម

គ្រីមកូល័រមិនធ្វើឲ្យមុខស្ងួត មើលទៅដូចមានពណ៌ពីក្នុងស្បែកដូចធម្មជាតិ។

១០. កុំ Highlight ថ្ពាល់ 

Highlight ធ្វើឲ្យគេមើលឃើញស្បែកជ្រួញក្រោមភ្នែកកាន់តែច្បាស់។

១១. គូសត្រេភ្នែកខាងក្រោម 

ផាត់ភ្នែកឲ្យមុតតាមត្រេភ្នែកសឹមដាក់ពណ៌ស្រាលៗមកលើត្របកភ្នែក របៀបនេះជួយឲ្យភ្នែកទាក់ទាញនិងមិនចំណាស់ពេក។

១២. ប្រើទឹកបាញ់ទប់ម៉េកអាប់ 

ស្បែកមុខមនុស្សចាស់ពិបាកនឹងកាន់គ្រឿងសម្អាងណាស់ ម្សៅអាចកក់ដុំៗឬហូរចេញមកបើមិនប្រើស្ព្រៃយ៍បាញ់ទប់ទេ។

១៣. ខំថែស្បែកច្រើនជាងបិទបាំង

មិនថាខំប្រឹងផាត់មុខយ៉ាងណាទេ ស្បែករបស់អ្នកនឹងកាន់តែវិវត្តតាមវ័យ ប្រសិនជាគ្មានការថែទាំដូចជាង៖ ផ្ដល់សំណើម Retinol ការពារកម្ដៅថ្ងៃ និងជម្រុះកោសិកាជាដើម៕

ប្រែសម្រួលដោយ៖ វារី

ចុចអាន៖ ចូលចិត្ត Makeup ​ដឹងថាប៉ះពាល់​​ការ​ឡើង​​មុនប៉ុនណាអត់?

ចុចអាន៖ កុំចេះតែ Makeup ឲ្យក្មេងស្រីតូចៗ ប្រយ័ត្នបង្កគ្រោះថ្នាក់ធំ