ផលិតផលប្លែកៗ ១២ យ៉ាង របស់ប្រទេស ជប៉ុន មិនគិតថាមានពិត

Chindogu គឺជាពាក្យសំដៅទៅលើការផលិតវត្ថុប្លែកៗ ឬមិនចាំបាច់សម្រាប់សកម្មភាពប្រចាំថ្ងៃ។ ជាការពិតណាស់វត្ថុខាងក្រោមនេះ សុទ្ធតែគួរឲ្យចាប់អារម្មណ៍និងអាចប្រើប្រាស់បាន ប៉ុន្តែបើអ្នកយកវាចេញមកប្រើមែនប្រាកដជាមានអ្នកមើលមុខជាមិនខាន៖

១.ឆ័ត្រក្រវ៉ាត់ក

ផលិតផលនេះមានគោលដៅពិសេសសម្រាប់អ្នកធ្វើការ និងមានបំណងចង់យកឈ្នះអាកាសធាតុមិនទៀងទាត់ពេលទៅឬចេញពីធ្វើការ។

២. ជីឡៅសម្រាប់ថ្នាំបន្តក់ភ្នែក

ពូកែបន្តក់មិនចំមែនទេ? អស់បញ្ហាជាមួយនឹងវែនតាជីឡៅ ល្អបំផុតសម្រាប់អ្នកដៃញ័រខ្លាចប៉ះភ្នែក ឬបន្តក់ចេញក្រៅមិនចំភ្នែក។

៣. បំពង់ខ្ទប់សម្លេងច្រៀង

វាគឺជាឧបករណ៍ដ៏ល្អបំផុតសម្រាប់អ្នកចង់ច្រៀង តែច្រៀងមិនពិរោះ ឬខ្លាចថ្លង់ដល់អ្នកជិតខាង។ លើសពីនេះវាជួយកាត់បន្ថយភាពតានតឹងទៀតផង។

៤. ខ្នើយសម្រាប់ស្ដាប់សម្លេង

រាល់ដងចង់ប្រែខ្លួនតែខ្លាចស្ដាប់ព័ត៌មាន ឬតាមដានរឿងមិនច្បាស់ដាច់សាច់រឿង ឥលូវនេះសូម្បីតែគេងចំហៀងក៏អាចស្ដាប់ទូរទស្សន៍ច្បាស់ដោយអស់ក្ដីបារម្ភដែរ។

៥. ឪឡឹកបួនជ្រុង

ការពិតទៅវាជាឪឡឹកធម្មតាទេ ប៉ុន្តែភាពច្នៃប្រឌិតនៃប្រជាជនជប៉ុនចង់ធ្វើឲ្យឪឡឹកមានរាងបួនជ្រុងងាយស្រួលរើស ងាយស្រួលខ្ចប់ និងងាយដឹកជញ្ជូន គេដាំវាដោយប្រើប្រអប់ពេលកំពុងលូតលាស់។

៦. ប្រដាប់ស្រូបសម្លេង

អាស្រ័យទៅតាមទំហំស្ដាប់បានទាំងបីឋានតែម្ដង ផលិតជាពិសេសសម្រាប់អ្នកចង់ដឹងរឿងគេ ឬមានការងារជាគិញសម្ងាត់។

៧. ចង្កឹះមានកង្ហារ

អ្នកផលិតដឹងពីទុក្ខលំបាកអ្នកខ្ជិលផ្លុំមីពេលលើកពីចានមក ដូច្នេះផលិតផលនេះគឺផលិតជាពិសេសសម្រាប់អ្នកខ្ជិលៗតែម្ដង។

៨. ឆ័ត្រការពារភ្លៀងមួយចំហខ្លួន

ឆ័ត្រធម្មតាការពារតែសក់ក្បាលមិនអាចការពារខ្លួនបាន ១០០ភាគរយដូចឆ័ត្រនេះទេ។ មិនតែប៉ុណ្ណោះវាអាចការពារករណីចោរឆក់ផងដែរ។

៩. ខ្នើយសៀវភៅ

ខំសិក្សាពីព្រឹក រសៀលមិនទាន់ទេអស់កម្លាំងរលីង! នេះណែ ខ្នើយសៀវភៅសក្តិសមបំផុតសម្រាប់យកចូលបណ្ណាល័យ។ ធ្វើដូចអ្នកសិក្សាតាមពិតទៅអ៉ីងៗសោះ។

១០. ឆ័ត្រស្បែកជើង

ផលិតសម្រាប់អ្នកចូលចិត្តស្បែកជើងថ្លៃ ម៉ូដស្អាតៗ តែជួបវិបត្តិស្បែកជើងរីក របកដោយសារត្រូវទឹកភ្លៀង។ ឆ័ត្រនេះមានសភាពតូចងាយដាក់តាមខ្លួននិងមានពណ៌គួរឲ្យស្រលាញ់។

១១. ស្រោមចេក

ដើម្បីការពារចេកកុំឲ្យប្រឡាក់ពេលញ៉ាំមិនអស់ យើងបិទទុកញ៉ាំពេលក្រោយបន្ត។ មួយវិញទៀតងាយស្រួលយកតាមខ្លួនដាក់ក្នុងកាបូបឬកាតាបការពារការសង្កត់កំប៉ិតចេក។

១២. អាវសម្រាប់អេះខ្នង

អាវនេះល្អបំផុតសម្រាប់អ្នកពូកែរមាស់ខ្នង គ្រាន់តែប្រាប់លេខនិងអក្សរមកអ្នកជួយអេះមិនពិបាករាវរកទៀតឡើយ៕

ប្រែសម្រួលដោយ៖ វារី

ចុចអាន៖ អត្ថប្រយោជន៍ ៩ យ៉ាងរបស់ទឹកខ្មេះដែល ជប៉ុន ទម្លាប់ប្រើចំពោះសុខភាព

ចុចអាន៖ ដឹងវិន័យប្លែកៗទាំង ១៨ នៅ កូរ៉េខាងជើង ហើយ ធានាលែងចង់ទៅប្រទេសនេះ