លម្អិតរឿងរ៉ាវ ៥ យ៉ាង ពីអ្នកអង្គម្ចាស់ នរោត្តម រស្មីខែមុន្នី ក្សត្រមានទេពកោសល្យខាងសិល្បៈ

អ្នកអង្គម្ចាស់ នរោត្តម រស្មីខែមុន្នី គឺជាព្រះរាជនត្តា (ចៅប្រុស) នៃព្រះបរមរតនកោដ្ឋព្រះបាទ នរោត្តមសីហនុ ពោល​គឺ​​ជា​ព្រះ​បុត្រា​នៃ​សម្ដេច​រាជបុត្រី ព្រះអនុជ នរោត្តម អរុណរស្មី និង​ព្រះបិតា​របស់​ទ្រង់​គឺ ឯកឧត្ដម កែវ ពុធរស្មី។

អ្នកអង្គម្ចាស់រូបនេះ គឺជាសែរាជវង្សទី១ដែលមានទេពកោសល្យខាងសិល្បៈ ហើយកាលពីពេលថ្មីៗនេះ អ្នក​អង្គ​ម្ចាស់ នរោត្តម រស្មីខែ​មុន្នី ត្រូវបានជ្រើសរើសជាតួអង្គ​ឯក ​ក្នុង​ខ្សែភាពយន្តហូលីវូដថ្មីមួយនៅ​លើទឹកដីសហរដ្ឋ​អាមេ​រិក ដែលមានចំណងជើងថា “1660 Vine” ផលិតដោយផលិតកម្ម PhilmCo Media។

ខាងក្រោមនេះគឺជា រឿងរ៉ាវលម្អិត ៥ យ៉ាង ពីអ្នកអង្គម្ចាស់ នរោត្តម រស្មីខែមុន្នី ក្សត្រមានទេពកោសល្យខាងសិល្បៈដ៏អស្ចារ្យ។

១ ស្ដេច​បាន​ប្រទាន​ងារ​ឲ្យទ្រង់លើកដំបូង

ទ្រង់ប្រសូត​ក្នុង​ឆ្នាំ ១៩៩៧ នៅទីក្រុងចាកាតា ខណៈពេលដែលបិតាទ្រង់ គឺជាទូតកម្ពុជាប្រចាំ​ឥណ្ឌូណេស៊ី។ អ្នកអង្គម្ចាស់ នរោត្តម រស្មីខែមុន្នី ត្រូវ​បាន​ដំឡើង​ឋានន្តរសក្ដិ​ជា​ព្រះអង្គម្ចាស់​វ័យក្មេង​ដោយ​ព្រះបាទ​នរោត្តម សីហមុនី ព្រះមហាក្សត្រ​នៃ​ព្រះ​រាជាណាចក្រ​កម្ពុជា ។

២ ទ្រង់​បាន​សិក្សា​នៅ​ប្រទេស​ផ្សេងៗ​គ្នា

អ្នកអង្គម្ចាស់​បាន​ចំណាយ​ពេល​កាលពី​កុមារភាព​របស់​ទ្រង់​ នៅ​ក្នុង​ប្រទេស​កំណើត​របស់​ទ្រង់ ពេល​បញ្ចប់​ការ​សិក្សា​នៅ​សាលា​អន្តរជាតិ​ភ្នំពេញ ក្រោយមក​ទ្រង់​​​បាន​ធ្វើ​ដំណើរ​ទៅ​ប្រទេស​ម៉ាឡេស៊ី និង​អាល្លឺម៉ង់ ដើម្បី​សិក្សា​បន្ត។ យ៉ាងណាមិញ​ទ្រង់​មិន​បាន​ចំណាយ​ពេល​យូរ​នៅទីនោះ​ឡើយ​ ដោយ​អ្នកអង្គ​ម្ចាស់​នរោត្តម រស្មីខែមុន្នី បានចាប់អាជីព​សម្ដែង ហើយ​សម្រេច​ព្រះទ័យ​ផ្លាស់​ទៅ​សហរដ្ឋអាមេរិក។ នៅឆ្នាំ ២០១៧ ទ្រង់​បាន​បញ្ចប់​ការ​សិក្សា​ពី​បណ្ឌិត​សភា​សិល្បៈ​ល្ខោន​អាមេរិក នៅឯ American Academy of Dramatic Arts នៅ New York។

៣ ទ្រង់​មាន​រូបរាង​សង្ហា និង​ទេពកោសល្យ​ខ្ពស់

បន្ទាប់ពីការដឹកនាំរបស់​សម្តេច​ព្រះបរមនាថ នរោត្តម សីហមុនី ដែលបម្រើការជា​ទូតវប្បធម៌ និង​ជា​គ្រូបង្រៀន​របាំបុរាណកាល​ពីក្មេង អ្នកអង្គម្ចាស់ នរោត្តម រស្មីខែមុន្នី បាន​បន្ត​អាជីព​ក្នុង​វិស័យ​សិល្បៈ។ អ្នកអង្គម្ចាស់ នរោត្តម រស្មីខែមុន្នី បច្ចុប្បន្ននេះបានចាប់អាជីព និង​ច្រៀង​នៅ​លើ​ឆាក ក៏ដូចជានៅ​មុខ​កាមេរ៉ា។ នៅ​ពេល​ដែល​ជីតា​របស់​ទ្រង់ គឺ​ព្រះ​បាទ​នរោត្តសីហនុ​នៅ​មាន​ព្រះជន្ម ទ្រង់​ក៏​ពេញចិត្ត​នឹង​ទេពកោសល្យ និង​ជំនាញ​របស់​ចៅប្រុស​ទ្រង់​ផង​ដែរ។

៤ ទ្រង់​ជា​អ្នក​កំណត់ពេលវេលាដោយអង្គឯង

ទោះបីជា​​ទ្រង់​បាន​ចំណាយ​ពេល​ប៉ុន្មាន​ឆ្នាំ​ចុងក្រោយ​នេះ​ ដើម្បីប្តូរ​នៅ​អាមេរិក​ក៏ដោយ ក៏អ្នកអង្គម្ចាស់ដ៏មានទេពកោសល្យរូបនេះ នៅតែរីករាយនឹងការធ្វើដំណើរជាមួយព្រះរាជវង្សានុវង្សរបស់ទ្រង់ៗ ទៅទស្សនាប្រទេសអឺរ៉ុប ប្រទេសបារាំង និងសាធារណរដ្ឋឆេក ក៏ដូចជាប្រទេស​ចិន​ផងដែរ។ នៅ​ថ្ងៃ​ឈប់​សម្រាក ទ្រង់​តែង​ចំណាយ​ពេល​ជាមួយ​ក្រុម​ព្រះរាជវង្សានុវង្ស​នៅ​កម្ពុជាជានិច្ច។

៥ ទ្រង់​ជាក្សត្រ​ស្វែងរក​ដំណើរ​ផ្សងព្រេង

អ្នកអង្គម្ចាស់ នរោត្តម រស្មីខែមុន្នី តែងតែស្វែងយល់ពីរឿងថ្មីៗ ដំណើរផ្សងព្រេងដ៏គ្រោះថ្នាក់ ដូចជាលោតឆ័ត្រយោង ជិះសេះ និងមុជទឹកក្នុងពិភពបាតសមុទ្រ។

មកដល់បច្ចុប្បន្ននេះ អ្នកអង្គម្ចាស់ នរោត្តម រស្មីខែមុន្នី ត្រូវបានប្រជានុរាស្រ្តខ្មែរពេញចិត្តនិងគោរពស្រលាញ់ទ្រង់ពាសពេញប្រទេស។ក្រៅពីមានចំណេះដឹងខ្ពង់ខ្ពស់ អ្នកអង្គម្ចាស់ក៏ជាក្សត្រដែលត្រួសត្រាយផ្លូវលើវិថីសិល្បៈដោយអង្គឯងរហូតមានកេរ្តិ៍ឈ្មោះ​ល្បីល្បាញនៅលើទឹកដីអាមេរិក៕

ប្រែសម្រួល៖ សាង ស្រីល័ក្ខ