តើប្រទេសណាខ្លះ ហាមឃាត់ការចិញ្ចឹមត្រីពីរ៉ាន់ញ៉ា?

កាលពីថ្ងៃទី១៣ ខែសីហា ក្រសួងកសិកម្មបានអំពាវនាវដល់សាធារណជន ព្រមទាំងអាជីវករ ហាមនាំចូលប្រភេទត្រីពីរ៉ាន់ញ៉ា ឬប្រភេទត្រីផ្សេងទៀត ដែលអាចនាំឲ្យមានផលប៉ះពាល់ដល់ប្រព័ន្ធអេកូឡូស៊ី ដោយសារតែត្រីពីរ៉ាន់ញ៉ាជាប្រភេទត្រីស៊ីសាច់ជាអាហារ ហើយក៏ត្រូវបានប្រទេសជាច្រើនហាមឃាត់ក្នុងការចិញ្ចឹម និងជួញដូរផងដែរ ។

ទន្ទឹមនោះ ក្រៅពីកម្ពុជា ក៏នៅមានប្រទេសជាច្រើនផ្សេងទៀត មានច្បាប់ហាមឃាត់ការនាំចូលត្រីពីរ៉ាន់ញ៉ាដូចជា ចិន ហ្វីលីពីន ថៃ សិង្ហបុរី វៀតណាម ម៉ាឡេស៊ី ហើយសូម្បីតែនៅអាមេរិក អូស្ត្រាលី និងអង់គ្លេសក៏បានហាមឃាត់ការជួញដូរត្រីប្រភេទនេះផងដែរ ។

ទោះយ៉ាងណា រដ្ឋមួយចំនួននៅអាមេរិកបានអនុញ្ញាតឲ្យចិញ្ចឹមត្រីប្រភេទនេះដូចជា Michigan, New Hampshire, Delaware, Illinois, Indiana, Iowa, Kansas, Maryland, Minnesota, Missouri, Montana, Nebraska, New Jersey, North Dakota, South Dakota, Oregon, Pennsylvania, Rhode Island, Tennessee, Vermont, West Virginia, Wyoming និង Wisconsin ។

គួរបញ្ជាក់ថា ត្រីពីរ៉ាន់ញ៉ា គឺជាប្រភេទថ្មីកាចសាហាវ និងស៊ីសាច់ជាអាហារ ហើយបើវារួចចូលក្នុងទឹក វាអាចកើតកូនកើតចៅ បង្កជាគ្រោះថ្នាក់ដល់ប្រភពត្រីធម្មជាតិ ក៏ដូចជាមនុស្សផងដែរ ៕

ប្រែសម្រួល៖ វារី

ចុចអាន៖ បើឃើញមានការនាំចូល ឬចិញ្ចឹមប្រភេទត្រីកាចសាហាវ ត្រូវរាយការណ៍ទៅសមត្ថកិច្ចជំនាញជលផល

ចុចអាន៖ ៥ចំណុចគួរឲ្យខ្លាច ពីត្រីស៊ីសាច់ជាអាហារ Piranha