ព័ត៌មានអន្ដរជាតិ
៥ចំណុចគួរឲ្យខ្លាច ពីត្រីស៊ីសាច់ជាអាហារ Piranha
កាលពីពេលថ្មីៗនេះ សាធារណជនមានភាពភ្ញាក់ផ្អើលយ៉ាងខ្លាំង បន្ទាប់ពីឃើញការចែកចាយព័ត៌មាន ទាក់ទងនឹងការនាំចូលត្រី Piranha មកក្នុងប្រទេសកម្ពុជា។
ស្របពេលជាមួយគ្នានោះដែរ អ្នកលេងបណ្តាញសង្គម បានបង្ហាញក្តីព្រួយបារម្ភចំពោះរឿងនេះ ដោយលើកឡើងថា Piranha គឺជាប្រភេទត្រីកាចសាហាវ និងស៊ីសាច់ជាអាហារ ហើយបើវារួចចូលក្នុងទឹក វាអាចកើតកូនកើតចៅ បង្កជាគ្រោះថ្នាក់ដល់ប្រភពត្រីធម្មជាតិ ក៏ដូចជាមនុស្សផងដែរ។
ទោះបីជាយ៉ាងណាក៏ដោយ បើយោងតាមសេចក្តីប្រកាសរបស់ ក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៣ ខែសីហា ឆ្នាំ២០២៣ បានឲ្យដឹងថា ចំពោះអ្នកដែលកំពុងចិញ្ចឹមត្រី Piranha ឬ ប្រភេទត្រីស៊ីសាច់ជាអាហារ ដែលអាចផលប៉ះពាល់ដល់ប្រភេទត្រីធម្មជាតិ ក៏ដូចជាមនុស្ស សត្វ និងបរិស្ថាន ដាច់ខាតមិនត្រូវលែងចូលប្រភពទឹកធម្មជាតិឡើយ គឺត្រូវប្រគល់ឲ្យរដ្ឋបាលជលផលជាកំហិត។
Piranha គឺជាប្រភេទត្រីចម្រុះចេញពីក្រុមត្រី Serrasalmidae ។ វាជាត្រីទឹកសាបរស់នៅក្នុងបឹង តំបន់ទំនាបលិចទឹក អាងស្តុកទឹក និងទន្លេអាមេរិកខាងត្បូង។
ខាងក្រោមនេះគឺជាចំណុចចំនួន៥ គួរឲ្យខ្លាចពីត្រី Piranha៖
១. ចេះព្រុស
ត្រី Piranha បញ្ចេញសំឡេងព្រឺព្រួច នៅពេលវាជួបសត្រូវ។ អ្នកស្រាវជ្រាវសង្ស័យថា សំឡេងព្រឺព្រួចទាំងនេះ គឺជាវិធីដែលពួកវាគំរាមទៅសត្រូវ ពោលគឺ អ្នកនេសាទបានឮសំឡេងវាព្រុស ពេលចាប់វាបាន។
២. វាយប្រហារនៅទឹករាក់
ថ្វីបើគេល្បីថាត្រីនេះសាហាវក៏ដោយ ប៉ុន្តែវាកម្រវាយប្រហារមនុស្សមុនណាស់ ពោលគឺវាវាយប្រហារលុះត្រាតែមនុស្សយើងទៅធ្វើអ្វីវាមុន ឬពេលវាត្រូវរងការគំរាមកំហែង ហើយជាពិសេសវាតែងតែវាយប្រហារមនុស្សនៅតាមកន្លែងមានទឹករាក់ៗ។
៣. ធ្មេញមុតដូចឡាម
ធ្មេញត្រី Piranha មុតដូចជាឡាម ហើយធ្មេញរបស់វាអាចដុះវិញក្រោយពេលបាក់។
៤. ហែលជាក្រុម
ត្រី Piranha តែងតែហែលជាក្រុមដើម្បីការពារខ្លួនពីការវាយប្រហាររបស់សត្រូវ ហើយបើសិនជាវា រងការគំរាមមែននោះ ពួកគេក៏វាយប្រហារតបតទៅវិញ ជាក្រុមផងដែរ។
៥. ចូលចិត្តកន្លែងមានឈាម
កន្លែងមានឈាម គឺជាកន្លែងដែលត្រី Piranha តែងតែបង្ហាញវត្តមាន ព្រោះឈាម បានទាក់ទាញត្រីនេះខ្លាំងបំផុត៕
ប្រែសម្រួល៖ Vann Vann
ប្រភព៖ A-Z-Animals
ចុចអាន៖ បើឃើញមានការនាំចូល ឬចិញ្ចឹមប្រភេទត្រីកាចសាហាវ ត្រូវរាយការណ៍ទៅសមត្ថកិច្ចជំនាញជលផល
-
ព័ត៌មានជាតិ៤ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ១ សប្តាហ៍ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
សន្តិសុខសង្គម៧ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា១ សប្តាហ៍ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៥ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ៧ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម៧ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៥ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង