Connect with us

KPT+

សម្រង់ឃ្លាលើកទឹកចិត្តល្អៗពីកំពូលកីឡាករបាល់ទាត់ David Beckham

បានផុស

នៅ

លោក David Beckham ជាអតីតកីឡាករបាល់ទាត់អាជីពរបស់ចក្រភពអង់គ្លេស។ ក្នុងកំឡុងពេលការលេងរបស់លោក បុរសរូបនេះបានក្លាយជាកីឡាករបាល់ទាត់ដ៏ល្បីល្បាញម្នាក់នៅពាសពេញពិភពលោកដោយសារតែភាពជោគជ័យផ្ទួនៗនៅឯក្លឹបល្បីៗនានា ក្នុងនាមជាកីឡាករខ្សែបម្រើម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាបាល់ទាត់ដ៏មានប្រជាប្រិយរូបនេះធ្លាប់លេងឲ្យក្រុមល្បីៗរួមមាន Manchester United ក្រុម Real Madrid ក្លឹប AC Milan ក្លឹប Paris Saint-Germain និងក្រុមបាល់ទាត់  LA Galaxy ។ល។​ បច្ចុប្បន្នលោកជាម្ចាស់ក្លឹបបាល់ទាត់ Inter Miami ផងដែរ។

មិនត្រឹមតែជាកីឡាករឆ្នើមប៉ុណ្ណោះទេ លោក David Beckham ក៏ជាបុគ្គលដែលមានឥទ្ធិពលម្នាក់លើពិភពលោកក្នុងអាជីពរបស់ខ្លួន ចំណែកប្រយោគសម្ដីរបស់លោកមួយចំនួនត្រូវបានគេយកទៅប្រើដើម្បីជំរុញលើកទឹកចិត្តមនុស្សម្នា សម្រាប់ជាមេរៀនពិចារណាក្នុងការរស់នៅប្រចាំថ្ងៃ។

១. “នៅក្នុងអាជីពរបស់ខ្ញុំមានរឿងជាច្រើនដែលខ្ញុំបានឈ្នះ ហើយមានរឿងជាច្រើនដែលខ្ញុំសម្រេចបាន ប៉ុន្តែសម្រាប់ខ្ញុំសមិទ្ធិផលធំបំផុតនោះគឺ កូនៗ និងគ្រួសារ។ តាមពិត ការធ្វើជាឪពុកល្អ និងស្វាមីល្អ គ្រាន់តែមានទំនាក់ទំនងល្អជាមួយគ្រួសារតាមដែលអាចធ្វើទៅបាន នោះជាប្រសើរហើយ”។

២. ខ្ញុំតែងតែសំឡឹងមើលខ្លួនឯងជារឿយៗ ទោះដើរដល់ទីណាក៏ដោយ ហើយខ្ញុំនៅតែចង់កែលម្អខ្លួនឲ្យល្អជានិច្ច”។

៣. “ខ្ញុំចាត់ទុកការងាររបស់ខ្ញុំជាចំណង់ចំណូលចិត្ត នោះទើបវាជាអ្វីដែលខ្ញុំចូលចិត្តធ្វើមិននឿយណាយ”។

៤. “ខ្ញុំរមែងគោរពសាសនាទាំងអស់ ប៉ុន្តែខ្ញុំមិនមែនជាមនុស្សដែលមានជំនឿសាសនាណាមួយស៊ប់នោះទេ។ ទោះជាយ៉ាងនោះក្ដី ខ្ញុំព្យាយាមរស់នៅក្នុងផ្លូវត្រឹមត្រូវដោយគោរពអ្នកដទៃជានិច្ច។ ខ្ញុំមិនត្រូវបានគេដឹកនាំដោយផ្លូវសាសនាទាំងងងឹតងងុលឡើយ ប៉ុន្តែខ្ញុំជឿថា មានអ្វីមួយនៅកន្លែងដែលមនុស្សមើលមិនឃើញ ហើយចាំថែរក្សាយើង”។

៥. “គ្រប់ស្ថានការណ៍ទាំងអស់ សុទ្ធតែបានផ្លាស់ប្តូរខ្ញុំក្នុងនាមជាមនុស្សម្នាក់”។

៦. “ខ្ញុំជាមនុស្សខ្លាំង ខ្ញុំជាបង្គោលគ្រួសាររឹងមាំ ខ្ញុំជាប្តីរឹងមាំ និងជាឪពុកដ៏រឹងមាំផងដែរ”។

៧. “ការងារមួយរបស់បុរសគឺ ត្រូវគោរពស្ត្រី ប៉ុន្តែការងារមួយបស់ស្ត្រីគឺ ត្រូវផ្តល់តម្លៃឱ្យបុរសគោរព”។

៨. “ពេលវេលាតែមួយគត់ដែលមនុស្សអាចបាត់បង់ឱកាស គឺនៅពេលដែលគេឈប់ប្រើឱកាសនោះ”។

៩.​ “ខ្ញុំតែងតែជឿជាក់ថា ប្រសិនបើមនុស្សចង់ទទួលបានអ្វីដែលពិសេសនៅក្នុងជីវិតបុគ្គលនោះត្រូវតែធ្វើការហើយ ធ្វើការទៀត លុះត្រាតែសម្រេច”។

១០. “ខ្ញុំមិនដែលធ្វើអ្វីដោយអស់ពីចិត្តទេ។ ប៉ុន្តែខ្ញុំនឹងបន្តប្រឹងប្រែង និងធ្វើអ្វីគ្រប់យ៉ាងដែលខ្ញុំអាចធ្វើបាន ដើម្បីទទួលបានជោគជ័យអ្វីដែលខ្ញុំបានធ្វើ” ។

១១. “អ្វីក៏ដោយដែលខ្ញុំធ្វើ ខ្ញុំចង់ធ្វើវាឲ្យល្អបំផុត”។

១២. “ការឧស្សាហ៍ព្យាយាម គឺជាគម្រូល្អបំផុតដែលមនុស្សចាស់អាចបង្ហាញដល់ក្មេងៗ” ៕

ប្រែសម្រួល៖ សន្យា

ប្រភព៖ Wealthy Gorilla

ចុចអាន៖ កំពូលទស្សនវិជ្ជាជនជាតិអាមេរិកដែលនាំឆ្ពោះទៅរកភាពជោគជ័យ

ចុចអាន៖ មេរៀនដ៏មានតម្លៃពីភាពយន្តរឿង Frozen សម្រាប់កូនៗលោកអ្នក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១០ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១០ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១១ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១១ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១១ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម