Connect with us

KPT+

មេរៀនដ៏មានតម្លៃពីភាពយន្តរឿង Frozen សម្រាប់កូនៗលោកអ្នក

បានផុស

នៅ

“Frozen” ជាខ្សែភាពយន្តគំនូរជីវចលបែបបែប 3D របស់អាមេរិកដែលផលិតនៅឆ្នាំ ២០១៣ ដោយផលិតកម្មយក្ខ Walt Disney។  ជាខ្សែភាពយន្តគំនូរជីវចលរបស់ Disney លើកទី ៥៣ ដែលដកស្រង់ពីរឿងដើមនាឆ្នាំ ១៨៤៤ របស់កវី Hans Christian Andersen។ រឿងនេះទទួលបានគាំទ្រខ្លាំង រហូតផលិតវគ្គ ២ កាលពីឆ្នាំ ២០១៩។

ក្នុងនោះភាពយន្តដ៏ល្បីល្បាញនេះ បង្កប់មេរៀនជីវិតយ៉ាងសន្ធឹកអាចឲ្យទស្សនិកជនយកទៅត្រិះរិះ និងរៀនសូត្រតាមផងដែរ។

១. ផ្ដល់អទិភាពគ្រួសារជាទីមួយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយ អែលសា ចាកចេញពីវាំងដោយសារមិនទាន់អាចគ្រប់គ្រងអំណាចរបស់ខ្លួនបាន អេនណា សម្រេចចិត្តទៅតាមរកបងស្រី។ មិនថា ត្រជាក់យ៉ាងណា ឬត្រូវគ្រោះថ្នាក់យ៉ាងម៉េចក៏ដោយ អេនណា នៅតែអាចទៅដល់វាំងថ្មីរបស់ អែលសា។ ទាំងនេះឆ្លុះបញ្ចាំងថា ជាគ្រួសារនឹងគ្នា ទោះមានការអាក់អន់ចិត្ត ឬបញ្ហាខ្លះជាមួយគ្នាក៏ដោយ តែពួកយើងមិនអាចកាត់ផ្ដាច់គ្នានោះទេ ព្រោះពួកយើងជាសាច់ឈាមតែមួយ ហើយមានតែបងប្អូននេះឯង ដែលជួយជ្រោមជ្រែងគ្នារាល់ឧបសគ្គនានា។

២. រៀនគ្រប់គ្រងចិត្ត

អែលសា ជាមនុស្សស្រីដែលមានថាមពលពិសេសខុសគេតាំងពីក្មេងមក។ នាងមិនអាចគ្រប់ថាមពលខ្លួនបាន ក្រោយធ្វើឲ្យប្អូនស្រីរបស់ខ្លួនរងរបួស។ លុះដល់នាងធំឡើង នៅពេលត្រូវចេញពីបន្ទប់អស់ច្រើនឆ្នាំ នាងនៅតែមិនអាចគ្រប់គ្រងវាបាន ​ហើយក៏រត់ចេញពីវាំងទៅ។ យ៉ាងណាក្ដី​នៅចុងបញ្ចប់ អែលសា​អាចបញ្ជារលើថាមពលពិសេសនោះបាន។ មេរៀនប្រាប់យើងថា មនុស្សម្នាក់ៗសុទ្ធតែមានភាពពិសេសរៀងខ្លួន ប៉ុន្តែវាមានសក្ដានុពលល្អឬមិនល្អ អាស្រ័យលើការគ្រប់គ្រងរបស់យើងម្នាក់ៗ។ ទេពកោសល្យអ្វីក៏ដោយអាចមានឥទ្ធិពល លុះណាតែបុគ្គលនោះចេះគ្រប់គ្រងចិត្តខ្លួនឯងជាមុនសិន។

៣. ធ្វើល្អដាក់មនុស្សគ្រប់គ្នា

ដើមឡើយ គ្រីសស្តុប មិនស្គាល់ អេនណាទេ នៅពេលជួបគ្នានៅឯខ្ទមក្នុងព្រៃមួយ។ យ៉ាងណាក្ដី គេនៅតែល្អនឹងនាង និងជួយនាងតាមរកអែលសា។ ដំណើររឿងប្រាប់ថា គ្រីសស្តុប លះបង់ច្រើនទៀតដើម្បីអេនណា និងចុងក្រោយគេក៏ទទួលវិញនូវការតបស្នងដ៏សក្តិសមដោយបានទៅរស់នៅក្នុងវាំងដែរ។

ត្រឡប់មកជីវិតពិតយើងវិញ យើងក៏អាចជួយអ្នកដទៃដែលនៅជុំវិញយើង និងសូម្បីតែមនុស្សពុំធ្លាប់ស្គាល់។ អំពើល្អត្បិតតែមិនត្រូវការតបគុណ តែវានឹងបង្កើតផលផ្លែមកយើងនៅពេលណាមួយ។

៤. ក្ដីស្រឡាញ់ពិតមានសណ្ឋានផ្សេងគ្នា

អែលសាចាកឆ្ងាយពីគេ ក៏ដូចជាបង្កើតផ្ទាំងទឹកកកបិទខ្លួនឯងដើម្បីការពារអេនណាកុំរបួស ព្រោះនាងមិនទាន់អាចបញ្ជារខ្លួនបាន។ រីឯគ្រីស្តុបបានបញ្ជូនអេនណាទៅឲ្យព្រះអង្គម្ចាស់ ហាន់ នាំត្រឡប់ទៅវាំងវិញ ដោយសង្ឃឹមនាងបានសុខ។  ចំពោះ អូឡាហ្វវិញ គេព្រមរលាយខ្លួនដោយបង្កាត់ភ្លើងនៅឡឲ្យអេនណាកម្ដៅ ហើយអេនណាសុខចិត្ត លះបង់ជីវិតដើម្បីការពារអែលសាឲ្យរស់ពេល ហាន់ ​បម្រុងសម្លាប់បងស្រី។ តួអង្គទាំងនេះជាភស្ដុតាងដែលបញ្ជាក់ថា ក្ដីស្រឡាញ់ដ៏ពិតអាចបង្ហាញតាមរបៀបផ្សេងៗគ្នា។

ដូចគ្នាដែរ យើងអាចបង្ហាញនិងទទួលក្ដីស្រឡាញ់តាមវិធីខុសគ្នា។ ដូច្នេះកុំមានការអាក់អន់ចិត្ត​ព្រោះធ្វើមិនដូចនឹងនរណា ឬមិនពេញចិត្តនឹងអ្វីដែលមនុស្សជាទីស្រឡាញ់ផ្ដល់ឲ្យយើង។

៥. ចេះព្រលែងចោលខ្លះ

នៅក្នុងភាពយន្ត “Frozen” មានចម្រៀងមួយបទដែលជាបទប្រចាំនៃរឿងគឺ “Let it Go” ។ បទនេះច្រៀងឲ្យអែលសា ដោយចង់ឲ្យនាងកុំខ្វល់ពេកពីបញ្ហាដែលកំពុងជួបប្រទះ។ ពិសេសអែលសាជាមនុស្សងាយបាក់ទឹកចិត្ត ​ព្រោះកើតទុក្ខហួសប្រមាណពីថាមពលពិសេសដែលនាងខ្លួនមិនអាចគ្រប់គ្រង។ បទ “Let it Go” ក៏សម្ដៅមកយើងដែរថា យើងមិនអាចគ្រប់គ្រប់រឿងទាំងឡាយដែលកើតឡើងក្នុងជីវិតទេ។ ហេតុនេះរឿងខ្លះកុំទៅឱបក្រសោបនាំឲ្យហត់ និងបៀមទុកឲ្យវាក្លាយជាជំងឺផ្លូវចិត្ត៕

ប្រែសម្រួល៖ សន្យា

ប្រភព៖ Lifehack

ចុចអាន៖ គិតថា ភាពយន្តរឿង Frozen បាន​បង្រៀនពីការយកឈ្នះជំងឺផ្លូវចិត្តដែរទេ?

ចុចអាន៖ ត្បិតតែជាតារារ៉េបវ័យក្មេង Lil Nas X ទុកមេរៀនជីវិត ៣ នេះសម្រាប់មហាជនគួរពិចារណា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម