ជីវិតកម្សាន្ដ

កូនស្រីជិតដល់វ័យក្រមុំ របស់Beckham រងមតិយល់ឃើញចម្រុះ ពេលបង្ហាញខ្លួន

បានផុស

១ year មុន

នៅ

ថ្ងៃអង្គារ ២០ ឧសភា ២០២៥

ដោយ

កាលពីដើមខែឧសភាកន្លងទៅនេះ អតីតកីឡាបាល់ទាល់ទាត់សញ្ជាតិអង់គ្លេសដ៏ល្បីល្បាញ លោក David Beckham បានប្រារព្ធខួបកំណើតរបស់គាត់នៅទីក្រុងឆ្នេរសមុទ្រ Miami ដ៏ពេញនិយមនៅសហរដ្ឋអាមេរិក។ ចូលរួមក្នុងពិធីជប់លៀងនេះ មានសមាជិកគ្រួសារ និងមិត្តភក្តិជិតស្និទ្ធជាច្រើននាក់ រួមទាំងកីឡាករបាល់ទាត់អាហ្សង់ទីន Messi ក៏បានមកចូលរួមអបអរសាទរផងដែរ។

**ក្រុមគ្រួសាររបសអតីតកីឡាបាល់ទាល់ទាត់ David Beckham**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសដ៏រីករាយនេះ កូនស្រីរបស់លោក Beckham គឺនាង Harper Beckham ដែលមានវ័យក្មេងជាងគេនៅក្នុងកម្មវិធីនោះ បានទទួលបានមតិចម្រុះដោយសារតែរូបរាង និងអាកប្បកិរិយាចាស់ទុំ បើធៀបនឹងវ័យត្រឹមតែ១៣ឆ្នាំប៉ុណ្ណោះ។ យោងតាមរូបភាពដែលបានចែករំលែក ក្មេងស្រីជំទង់រូបនេះ បានស្លៀករ៉ូប satin ពណ៌ខ្មៅ និងមូលសក់រួញវែងអន្លាយ។

ទោះបីយ៉ាងណា មនុស្សជាច្រើនបានសរសើរកូនស្រីរបស់ លោក Beckham ថាស្រស់ស្អាត ប៉ុន្តែក៏មានមតិអវិជ្ជមានជាច្រើនទាក់ទងនឹងភាពចាស់ជាងវ័យរបស់នាងថា ពួកគេមិនចង់ជឿថា នេះជាក្មេងស្រីអាយុ១៣ឆ្នាំឡើយ។ អ្នកខ្លះបានចោទសួរថា ហេតុអ្វីបានជាគ្រួសាររបស់ពួកគេ ទុកឲ្យកូនស្រីវ័យប៉ុណ្ណេះ ស្លៀកពាក់មិនសមនឹងអាយុរបស់នាង។ ការស្លៀកពាក់បែបនេះនាំឲ្យក្មេងអាយុទើបតែ១៣ឆ្នាំ មើលទៅចាស់ ហើយមុខមាត់ក៏ដូចបងប្អូនស្រីទាំងពីរ ដែលមានវ័យចាស់ជាងនាងថែមទៀតផង។

ជាមួយគ្នានេះ មានការកត់សម្គាល់ថា នាងតូចកើតក្នុងគ្រួសារអ្នកមាន និងត្រូវបានបង្ហាញខ្លួនក្នុងជីវិតប្រណីតតាំងពីវ័យក្មេងមកម៉្លេះ។ នោះហើយជាមូលហេតុដែលនាងតែងតែទទួលបានមតិចម្រុះពីអ្នកលេងអ៊ីនធឺណិត។ ជាងនេះទៅទៀត ការដែលគូស្នេហ៍ David-Victoria Beckham តែងតែថើបបបូរមាត់កូនស្រី ដើម្បីបង្ហាញពីភាពស្និទ្ធស្នាល ក៏បង្កជារឿងចម្រូងចម្រាសជាច្រើនផងដែរ។

ទោះជាយ៉ាងណាក៏ដោយ ការពិតគឺថា កូនស្រីពៅត្រូវបានឪពុកម្តាយរបស់នាងចិញ្ចឹមយ៉ាងល្អ។ សមាជិកគ្រួសារ Beckham តែងតែស្រឡាញ់ និងការពារគ្នាទៅវិញទៅមក។ មនុស្សជាច្រើនក៏បានប្រៀបធៀបគ្រួសារ Beckham ជាមួយនឹងគ្រួសារតារាល្បីពីរផ្សេងទៀតគឺ Tom Cruise – Katie Holmes និងលោក Brad Pitt – Angelina Jolie ជាដើម។

David Beckham និងប្រពន្ធរបស់គាត់ក៏ជារឿយៗបង្រៀនកូនៗរបស់ពួកគេនូវរឿងសាមញ្ញៗ ចិញ្ចឹមបីបាច់មេត្តា និងយកចិត្តទុកដាក់ចំពោះអ្នកដែលនៅជុំវិញពួកគេ។ ជាភ័ស្តុតាង នៅឆ្នាំ ២០១៨ Harper បានបង្រៀនភាសាអង់គ្លេសដល់កុមារដែលជួបការលំបាកនៅ Sumba។ នាងក៏ធ្វើការងារសប្បុរសធម៌ជាញឹកញាប់ជាមួយម្តាយនាងដែរ។

មិនតែប៉ុណ្ណោះ Harper ក៏មានបទពិសោធន៍ជាច្រើនជាមួយធម្មជាតិ និងសត្វផងដែរ។ នាងធ្លាប់ទៅសួនសត្វព្រៃដើម្បីមើលថែ និងសម្អាតទ្រុងសត្វជាមួយឪពុករបស់នាង។ ទោះជាអាយុក្មេងជាងគេឬថាមិនសមនឹងវ័យ ថែមទាំងធ្វើឲ្យមនុស្សជាច្រើនសើចចំអក ក៏ប៉ុន្តែចិត្តគំនិតកូនស្រីម្ចាស់ក្លឹបបាល់ទាត់ Inter Miami គឺស្មោះសរនិងចិត្តល្អ។ ជាពិសេស នាងតែងតែលេចមុខក្នុងកម្មវិធីជាច្រើនជាមួយឪពុកជារឿយៗ ដែលនេះបង្ហាញថាភាពស្និទ្ធស្នាលរវាងកូននិងឪពុក គឺមិនអាចកាត់ផ្តាច់ពីគ្នាបានទេ៕