អាជ្ញាធរខណ្ឌកំបូលបន្តចុះជួសជុលផ្លូវជង្ហុកសំបុកមាន់ក្នុងមូលដ្ឋានសម្រួលដល់ពលរដ្ឋធើ្វដំណើរ

ផ្លូវមួយខ្សែដែលងការខូចខាតដោយជំនន់ទឹកភ្លៀង​ បានកើតជាជង្ហុកតូចធំ​សំបុកមាន់ ជាច្រើនកន្លែងនៅក្នុងមូលដ្ឋានខណ្ឌកំបូលត្រូវបាន អាជ្ញាធរធ្វើការជួសជុលស្ថាបនាជាបន្តបន្ទាប់ឡើងវិញ ដើម្បីងាយស្រួលក្នុងការធ្វើដំណើរក៏ដូចជាប្រកបរបរប្រចាំថ្ងៃ។

អាជ្ញាធរបានឲ្យដឹងថា​ដោយអនុវត្តតាមផែនការដឹកនាំរបស់លោកឃឹម ស៊ុនសូដា អភិបាលនៃគណៈអភិបាលខណ្ឌកំបូល កាលពីថ្ងៃទី១៧ ខែធ្នូ ឆ្នាំ២០២៥ លោក ជា ឃឿន ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: បានដឹកនាំមន្រ្តីការិយាល័យ និងអាជ្ញាធរសង្កាត់-ភូមិ ចុះធ្វើការជួសជុលផ្លូវបេតុងជង្ហុកសំបុកមាន់ ដែលរងការខូចខាត ដើម្បីជួយសម្រួលដល់ប្រជាពលរដ្ឋក្នុងការធ្វើដំណើរ ក៏ដូចជាបញ្ចៀសការគ្រោះថ្នាក់កើតឡើងដោយជាយថាហេតុ។

អាជ្ញាធរបានបន្តថា​ ផ្លូវដែលត្រូវធើ្វការជួសជុលមានចំនួន ០២ខ្សែ ខ្សែទី១ តាមបណ្ដោយផ្លូវបេតុងភូមិព្រៃកី សង្កាត់ភ្លើងឆេះរទេះ​ ចំនួន ០៤កន្លែង ស្មើនឹង ៥៧ម៉ែត្រការ៉េ អស់បេតុង ៩ម៉ែត្រគូប។ ខ្សែទី២ ផ្លូវបេតុងវត្តជន្លង់ម្លូរ ចំនួន ០១កន្លែង ដោយចាក់កៅស៊ូ ម៉ាក FAST FIX ស្ថិតនៅភូមិកប់ភ្លុក់ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

ការជួសជុលនេះដើម្បីសម្រួលដល់បងប្អូនធ្វើដំណើរ​ ហើយផ្លូវដែលសេសសល់អាជ្ញាធរនឹងបន្តជួសជុលជាបន្តបន្ទាប់ទៀត៕ដោយ៖សុខា