ព័ត៌មានជាតិ

ស្នែងគោ ក្របី ត្រូវបានកែច្នៃជាគ្រឿង លម្អ ទទួលប្រាក់ចំណូលសមរម្យ

បានផុស

៦ years មុន

នៅ

ថ្ងៃពុធ ១១ វិច្ឆិកា ២០២០

ដោយ

សិប្បកម្មក្នុងស្រុកមួយមានឈ្មោះថា សុមនា បានចាប់យកមុខរបរកែច្នៃស្នែងគោ ក្របី មកធ្វើជាគ្រឿងអលង្ការ ខ្សែក្រវាត់ វ៉ែនតា និងវត្ថុអនុស្សាវរីយ៍ ជាដើម ដែលទាក់ទាញដល់អ្នកប្រើប្រាស់១៦ឆ្នាំមកហើយ។

តាមការរៀបរាប់របស់ម្ចាស់សិប្បកម្មកែច្នៃ សុមនា ឈ្មោះ ចិន្តា បានឲ្យដឹងថា សិប្បកម្មកែច្នៃនេះ កើតឡើងរយៈ១៦ឆ្នាំមកហើយ ដែលពីមុនមកបិះក្ស័យធនទៅហើយ ដោយសារគ្មានអ្នកគាំទ្រ ទើបតែរយៈចុងក្រោយនេះឃើញថា មានអតិថិជនគាំទ្រឡើងវិញ ក្រោយពីសិប្បកម្មនេះ បានផ្លាស់ទីតាំងពីខេត្តព្រៃវែង មកនៅជើងឯក ខណ្ឌដង្កោ រាជធានីភ្នំពេញ។

ម្ចាស់សិប្បកម្មកែច្នៃ រូបនេះ បន្តថា សិប្បកម្មរបស់នាងធ្វើការកែច្នៃស្នែងគោ និងស្នែងក្របី ដែលទិញពីកន្លែង សត្តឃាត ដោយម៉ៅ ឬស្នែងណា ដែលល្អវែង ទិញគិតជាគូ ដោយក្នុង១គូ ៥ពាន់រៀល ទៅ១ម៉ឺនរៀល ចំពោះស្នែង ដែលអន់ទិញគិតជាការុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នែងគោ ជាប្រភេទស្នែង ដែលមានអាយុកាលវែង អាចកែច្នៃទៅជាក្រាស់សិតសក់ គ្រឿងអង្កាំ គ្រឿងអលង្ការ ខ្សែក្រវាត់ វ៉ែនតា ហើយក្នុងចំណោមវត្ថុទាំងនេះ ខ្សែក្រវាត់ជាទីពេញនិយមច្រើន នៃអ្នកប្រើប្រាស់ អាចលក់បានថ្លៃជាងគេ ក្នុង១ខ្សែ ថ្លៃ៧៥ដុល្លារ ដោយកែច្នៃពីស្នែងគោសុទ្ធសាធ បន្ទាប់មកទៀតវ៉ែនតា ថ្លៃ៣៨ដុល្លារ ដោយពុំសូវមានអ្នកទិញច្រើនទេ ហើយចំពោះគ្រឿងអលង្ការខ្សែដៃ ខ្សែក ដែលកែច្នៃពីស្នែងគោវិញ លក់បានចាប់ពី៣ដុល្លារ ឡើងទៅ។

ដោយឡែកក្នុងខ្សែក្រវាត់មួយ អាចធ្វើការកែច្នៃក្នុងរយៈពេល១អាទិត្យប៉ុណ្ណោះ។ម្ចាស់សិប្បកម្មដដែលនេះបានបញ្ជាក់ទៀតថា ចំពោះគុណប្រយោជន៍ផលិតផលពីស្នែងនេះ អាចជួយបរិស្ថានធម្មជាតិ និងការដាក់តាំង ព្រមទាំងពាក់លម្អ ផងដែរ៕

កញ្ញា វ៉ាត