ព័ត៌មានជាតិ

តម្លៃប្រេងសាំងលក់រាយនៅកម្ពុជា ធ្លាក់ចុះនៅសល់២៩០០រៀល ក្នុងមួយលីត្រ ខណៈប្រេងម៉ាស៊ូតឡើងបន្តិច

បានផុស

៥ years មុន

នៅ

ថ្ងៃចន្ទ ១៦ វិច្ឆិកា ២០២០

ដោយ

តម្លៃប្រេងសាំងលក់រាយ នៅកម្ពុជាចាប់ពីថ្ងៃទី១៦-៣០ ខែវិច្ឆិកា ឆ្នាំ២០២០ មានតម្លៃ ២៩០០រៀល ក្នុង១លីត្រធ្លាក់ចុះ៥០រៀល ខណៈតម្លៃប្រេងម៉ាស៊ូតកើន៥០រៀល ពោលគឺ ២៦០០ រៀល ក្នុងមួយលីត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់ក្រសួងពាណិជ្ជកម្ម ដែលបានចេញផ្សាយនៅពីថ្ងៃទី១៦វិច្ឆិកានេះ បានឲ្យដឹងថា ដើម្បីសម្រួលដល់ជីវភាពរបស់ប្រជាជន និងដោយមានការចូលរួមចំណែកពីក្រុមហ៊ុន ចែកចាយប្រេងឥន្ធនៈនៅកម្ពុជា សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា បានតម្លៃបញ្ចុះតម្លៃលក់រាយប្រេងឥន្ធនៈ នៅកម្ពុជាចំនួន៤សេនដុល្លារ ក្នុងមួយលីត្រ។ ដូច្នេះថ្លៃលក់រាយប្រេងឥន្ធនៈ សម្រាប់អនុវត្តចាប់ពីថ្ងៃទី១៦ដល់ថ្ងៃទី៣០ ខែវិច្ឆិកា ឆ្នាំ២០២០ នឹងចុះមកនៅ២៩០០រៀល ក្នុងមួយលីត្រ សម្រាប់សាំងធម្មតានិង២៦០០រៀល ក្នុងមួយលីត្រ សម្រាប់ប្រេងម៉ាស៊ូត។

ក្រសួងពាណិជ្ជកម្មមិនមែនជាអ្នកកំណត់ថ្លៃលក់រាយប្រេងឥន្ធនៈ នៅកម្ពុជាទេ គឺក្រសួងគ្រាន់តែស្រង់តម្លៃឡើងចុះនៃប្រេងតាមទីផ្សារអន្តរជាតិមកគណនាតែប៉ុណ្ណោះអាស្រ័ យហេតុនេះសូមគ្រប់ស្ថានីយលក់រាយប្រេងឥន្ទនៈទាំងអស់ប្រតិបត្តិតាមការចាំបាច់។ គួរបញ្ជាក់ថាកាលពីថ្ងៃទី០១ដល់ថ្ងៃទី១៥ ខែវិច្ឆិកា ឆ្នាំ២០២០ តម្លៃប្រេងឥន្ធនៈ នៅកម្ពុជាមានចំនួន២៩៥០រៀល ក្នុងមួយលីត្ រសម្រាប់សាំងធម្មតា និង២៥៥០រៀល ក្នុងមួយលីត្រ សម្រាប់ប្រេងម៉ាស៊ូត៕

អត្ថបទ៖ សំអឿន

សូមចុចអាន៖ សម្ដេច ស ខេង ណែនាំអង្គភាព ៨ បង្កើនការដោះស្រាយមតិយោបល់ឬសំណូមពររបស់មហាជន ក្នុងហ្វេសប៊ុក

Related Topics:តម្លៃប្រេងសាំង