Connect with us

ព័ត៌មានជាតិ

អគ្គនាយក​អន្តោប្រវេសន៍​ ៖ ​សេចក្តីព្រាងច្បាប់​ស្ដីពី​អន្តោប្រវេសន៍​ថ្មី​នឹង​ជួយ​គ្រប់គ្រង​ជនបរទេស​នៅ​កម្ពុជា​កាន់តែ​ប្រសើរ

បានផុស

នៅ

​ភ្នំពេញ​ ៖ នាយ​ឧ​ត្ត​ម​សេនីយ៍ គៀត ច័ន្ទ​ថា​រិ​ទ្ធ អគ្គនាយក​អន្តោប្រវេសន៍​ថា ការរៀបចំ​សេចក្តីព្រាង​ច្បាប់ ស្ដីពី​អន្តោប្រវេសន៍​ថ្មី​នេះ​ក្នុង​គោលបំណង​ដើម្បី​ទប់ស្កាត់ បទល្មើស​ជនបរទេស​ចូល​កម្ពុជា​ដោយ​ខុសច្បាប់ និង​ការ​បន្ថែម​ទម្ងន់ទោស​ដល់​អ្នកចូលរួម​ប្រព្រឹត្តិ​បទល្មើស​ជាដើម​។​

ថ្លែង​នៅក្នុង​កិច្ចប្រជុំ​ពិភាក្សា​ជាមួយ​ថ្នាក់ដឹកនាំ​ក្រសួងមហាផ្ទៃ ដើម្បី​កែសម្រួល​ខ្លឹមសារ​សេចក្តីព្រាងច្បាប់ ស្ដីពី​អន្តោប្រវេសន៍​ថ្មី​នេះ នាយ​ឧ​ត្ត​ម​សេនីយ៍​បាន​បន្ត​ទៀត​ថា បន្ថែម​លើ​នេះ សេចក្តីព្រាងច្បាប់​នេះ ក៏​ធ្វើ​ឲ្យ​កាន់តែ​ប្រសើរ​ឡើង​ថែមទៀត ចំពោះ​ការគ្រប់គ្រង​ជនបរទេស ដែល​កំពុង​រស់​នៅ​ក្នុង​ប្រទេស ទាំង​ជនបរទេស​ជា​អ្នក​វិនិយោគ និង​ជនបរទេស​អន្តោប្រវេសន្ត​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយ​ឧ​ត្ត​ម​សេនីយ៍ គៀត ច័ន្ទ​ថា​រិ​ទ្ធ អគ្គនាយក​អន្តោប្រវេសន៍ ក៏បាន​ថ្លែងអំណរគុណ​ដល់​ថ្នាក់ដឹកនាំ​ក្រសួងមហាផ្ទៃ ដែល​បាន​គាំទ្រ​នូវ​កិច្ចការ​រៀបចំ និង ខ្លឹមសារ​នៃ​សេចក្តី​ព្រាងច្បាប់ ស្ដីពី​អន្តោប្រវេសន៍​ថ្មី​នេះ​ ដែល​ជា​ច្បាប់​ដ៏​មាន​សារៈ​សំខាន​ណាស់ សម្រាប់​ប្រទេសជាតិ​។​

នៅក្នុង​កិច្ចប្រជុំ​នោះ លោក ប៉ូ​លី ដា អនុរដ្ឋលេខាធិការ ក្រសួងមហាផ្ទៃ ដែលជា​អ្នកជំនាញ​ផ្នែក​ច្បាប់ បាន​មានប្រសាសន៍ថា តាម​ការ​សន្និដ្ឋាន​សេចក្តី​ព្រាងច្បាប់ ស្ដីពី​អន្តោប្រវេសន៍​ថ្មី​នេះ​ដូចជា​សម្រេច​រួចរាល់​ទាំងស្រុង​ហើយ​។​

ប៉ុន្តែ​លោក អនុរដ្ឋលេខាធិការ​បា​ន​លើកទឹកចិត្ត​ដល់​មន្ត្រី​ជំនាញ នៃ​អគ្គនាយកដ្ឋាន​អន្តោប្រវេសន៍ ពិនិត្យ​បន្ថែម​ទៅលើ​ខ្លឹមសារ និង​ពាក្យពេចន៍​ដើម្បី​ឲ្យ​ខ្លឹមសារ​សេចក្តី​ព្រាងច្បាប់ ស្ដីពី​អន្តោប្រវេសន៍​ថ្មី​កាន់តែ​សុក្រឹត្យ​។​

សេចក្តីព្រាងច្បាប់​ស្ដីពី​អន្តោប្រវេសន៍​ថ្មី​នេះ​ មាន​៩​ជំពូក​ចែកជា​៥១​មាត្រា​ហើយ​សេចក្តីព្រាងច្បាប់​ថ្មី​នេះ​ធ្វើឡើង​ដើម្បី​ទប់ស្កាត់​ជនបរទេស ដែល​ចូល​មក​កម្ពុជា​ដោយ​ខុសច្បាប់ និង​ជនបរទេស​ដែល​បន្ត​រស់នៅ​ដោយ​ខុសច្បាប់​។

គួរ​បញ្ជាក់ថា​ បច្ចុប្បន្នកម្ពុ​ជាមាន​ជនអន្តោប្រវេសន៍​ជាង​១៤​ម៉ឺន​នាក់ ភាគច្រើន​ជា​ជនជាតិ​ចិន កូរ៉េ វៀតណាម អាមេរិក​៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៧ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៧ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៨ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៨ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម