ព័ត៌មានជាតិ

អាជ្ញាធរខេត្តស្ទឹងត្រែង សម្រេចបិទខ្ទប់បណ្ដោះអាសន្នអាហារដ្ឋាន៣កន្លែង ដែលពាក់ព័ន្ធអ្នកវិជ្ជមានកូវីដ១៩

បានផុស

៥ years មុន

នៅ

ថ្ងៃសុក្រ ២៥ មិថុនា ២០២១

ដោយ

អាជ្ញាធរខេត្តស្ទឹងត្រែងនៅថ្ងៃទី២៥ ខែមិថុនាឆ្នាំ២០២១នេះបានសម្រេចបិទខ្ទប់បណ្ដោះអាសន្នអាហារដ្ឋានចំនួន ៣កន្លែងពាក់ព័ន្ធនឹងការកឃើញវិជ្ជមានកូវីដ១៩។

ទីតាំងអាហារដ្ឋានដែលត្រូវផ្អាកជាបណ្ដោះអាសន្ននោះមាន ទី១. ទីតាំងអាហារដ្ឋាន “វិមានមាស”ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងខេត្តស្ទឹងត្រែង, ទី២. ទីតាំងភោជនីយដ្ឋាន “កាឡាក់ស៊ី”ស្ថិតក្នុងភូមិស្រែពោធិ៍ សង្កាត់ស្រះឬស្សី ក្រុង ខេត្តស្ទឹងត្រែង, ទី៣. ទីតាំងអាហារដ្ឋាន”ស្រីម៉ៅ”ស្ថិតក្នុងភូមិកណ្ដាល សង្កាត់ស្ទឹងត្រែង ក្រុង ខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបិទខ្ទប់ទីតាំងអាហារដ្ឋាននិងភោជនីយដ្ឋានចំនួន៣កន្លែងនេះ គឺអាជ្ញាធរបានធ្វើឡើង ទៅតាមវិធានសុខាភិបាល ដើម្បីអនុវត្តវិធានការ បង្ការជំងឺឆ្លងកូវីដ១៩ ឱ្យមានប្រសិទ្ធភាព។

រដ្ឋបាលខេត្តសូមអំពាវនាវ ចំពោះបងប្អូនប្រជាពលរដ្ឋ ដែលមានពាក់ព័ន្ធ អ្នកកើតជំងឺកូវីដ១៩ នៅទីតាំងអាហារដ្ឋានចំនួន៣កន្លែងខាងលើ សូមស្ម័គ្រចិត្តមកយកសំណាកធ្វើវិភាគ ដើម្បីបង្កើនការការពារសុខភាព៕

អត្ថបទ៖ ងិនលីម

សូមចុចអាន៖ ខេត្តស្ទឹងត្រែងរកឃើញករណីវិជ្ជមានកូវីដ១៩ ចំនួន ៣០ នាក់ ជាករណីច្រើនលើកដំបូង