ព័ត៌មានជាតិ
«ផ្សារក្រមួន» សម្រាប់អាជីវករផ្សារព្រះដាក់ ក្នុងស្រុកបន្ទាយ ស្រី បានចាប់ផ្តើមដំណើរការហើយ
លោក ឃឹម ហ្វីណង់ អភិបាល នៃគណៈអភិបាលស្រុកបន្ទាយស្រី បានឲ្យដឹងថា «ផ្សារក្រមួន» ដែលរៀបចំជូនអាជីវករផ្សារព្រះដាក់ ស្ថិតក្នុងភូមិព្រះដាក់ នៃស្រុកបន្ទាយស្រី បានចាប់ផ្តើមដំណើរការបណ្តោះអាសន្នហើយ ដោយលោកថា ផ្សារនេះមានសុវត្ថិភាព និងសាមញ្ញតែមានរបៀបរៀបរយ។
លោក ឃឹម ហ្វីណង់ បានសរសេរនៅលើគណនីហ្វេសប៊ុក នៅយប់ថ្ងៃទី២១ ខែកក្កដាថា «ផ្សារក្រមួននេះ នឹងអាចជួយដោះស្រាយបញ្ហាប្រឈម នៃជីវភាពរស់នៅប្រចាំថ្ងៃ របស់ពុកម៉ែបងប្អូនអាជីវករ និងប្រជាពលរដ្ឋទូទៅនៅក្នុងឃុំព្រះដាក់បានមួយគ្រាដែរ។ អរគុណសម្រាប់ការចូលរួមសហការគាំទ្រ ដើម្បីប្រយោជន៍រួម និងជួយបញ្ចៀសហានិភ័យ នៃការរីករាលដាលឆ្លងជំងឺកូវីដ នៅក្នុងសហគមន៍របស់យើងទាំងអស់គ្នា»។
អភិបាលស្រុកបន្ទាយស្រី បានបញ្ជាក់ថា «ទ្រាំតែបន្តិចទេ ខែក្រោយនៅពេលដែលគ្រប់គ្នា ចាក់វ៉ាក់សាំងបានម្នាក់២ដងរួច យើងនឹងអាចវិលត្រលប់ ទៅកន្លែងដើមវិញបានហើយ»។
លោក ឃឹម ហ្វីណង់ បានថ្លែងប្រាប់អ្នកសារព័ត៌មានកម្ពុជាថ្មី កាលពីថ្ងៃទី២០ ខែកក្កដាថា មូលហេតុដែលអាជ្ញាធរ រៀបចំផ្សារបណ្ដោះអាសន្ន ជូនអាជីវករផ្សារព្រះដាក់នេះ ក៏ព្រោះតែទីតាំងចាស់ កំពុងមានហានិភ័យខ្លាំង ដោយសារតែកន្លែងលក់ដូរមានលក្ខណៈតូចចង្អៀត តែក៏មិនមានបិទរហូតនោះដែរ។ ហេតុផលមួយទៀត គឺដោយសារតែអាជីវករ ត្រូវរង់ចាំការចាក់វ៉ាក់សាំងដូសទី២ ហើយប្រសិនបើ មានករណីឆ្លងក្នុងសហគមន៍ ឬផ្សារដែលពួកគាត់លក់ដូរនោះ នឹងធ្វើឲ្យប៉ះពាដល់ការចាក់លើកទី២ របស់ពួកគាត់។
សូមជម្រាបថា កាលពីថ្ងៃទី៥ ខែកក្កដា ឆ្នាំ២០២១កន្លង ក្រុមការងារនៃរដ្ឋបាលស្រុកបន្ទាយស្រី បានសម្រេចបិទផ្សារព្រះដាក់ និងកំណាត់ផ្លូវសងខាងបរិវេណផ្សារជាបណ្តោះអាសន្ន ដើម្បីកាត់ផ្តាច់ហានិភ័យនៃការឆ្លងធ្ងន់ធ្ងរនៅក្នុងសហគមន៍ ក្រោយពីបានរកឃើញករណីឆ្លងកូវីដ-១៩ ក្នុងផ្សារព្រះដាក់នេះមួយចំនួនរួចមក។
យ៉ាងណាក៏ដោយនៅថ្ងៃទី១៨ ខែកក្កដា ឆ្នាំ២០២១ លទ្ធផលនៃការយកសំណាកលើកទី២ របស់អាជីវករ និងអ្នកប៉ះពាល់ជាមួយ នឹងអ្នកវិជ្ជមានកូវីដ-ជិត២០០នាក់ សុទ្ធតែអវិជ្ជមានទាំងអស់ ក្រោយពីបានរង់ចាំអស់រយៈពេល១៤ថ្ងៃរួចមក។ បើទោះជាលទ្ធផលល្អយ៉ាងនេះក៏ដោយ រដ្ឋបាលស្រុកបន្ទាយស្រី នៅតែសម្រេចបន្តបិទផ្សារព្រះដាក់ជាបណ្តោះអាសន្ន រយៈពេល១ខែថែមទៀត៕ (ដោយ)៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)