ចាប់ខ្លួនពាណិជ្ជករម្នាក់ទៀត ឆបោកប្រាក់និងចេញសែកស្អុយ

ភ្នំពេញ ៖ ពាណិជ្ជករម្នាក់ទៀត ត្រូវបាននគរបាលចាប់ខ្លួនតាមដីកាបង្គាប់របស់ចៅក្រមសាលាដំបូង ពាក់ព័ន្ធនឹងបទល្មើស « ឆបោក និងមិនបំពេញកតព្វកិច្ចចំពោះឧបករណ៍ដែលអាចជួញដូរបាន »( ចេញសែក​អត់លុយ ) ។

ជនសង្ស័យដែលតុលាការបង្គាប់អោយនាំខ្លួនឈ្មោះ ង៉ោ ម៉េង អាយុ៦២ឆ្នាំ មានស្រុកកំណើតនៅ ភូមិច្បារមន សង្កាត់រកាធំ ក្រុងច្បារមន ខេត្តកំពង់ស្ពឺ ។ ទីលំនៅបច្ចប្បន្នលេខ ២B បុរីអង្គរភ្នំពេញ ភូមិបន្លាស្អិត សង្កាត់ឃ្មួញ ខណ្ឌសែនសុខ ​រាជធានីភ្នំពេញ។

តាមដីកាបង្គាប់អោយនាំខ្លួនរបស់លោក កុល កំពួល ចៅក្រមសើបសួរសាលាដំបូងបានបញ្ជាក់ថា ជនជាប់​ចោទឈ្មោះ ង៉ោ ម៉េង បានប្រព្រឹត្តអំពើឆបោក កាលពីថ្ងៃទី១៩ ខែសីហា ឆ្នាំ២០១៩ និងមិនបំពេញកតព្វកិច្ចចំពោះឧបករណ៍អាចជួញដូរបាន ហើយជននេះមានចេតនាគេចវេសពីការទទួលខុសត្រូវ និងមិនចូលខ្លួនតាម​ការកោះហៅរបស់ចៅក្រមសើបសួរច្រើនលើក គប្បីតុលាការចេញដីកាបង្គាប់អោយខ្លួនដើម្បីបំពេញកិច្ចសើបសួរ ៕

អត្ថបទ ៖ មករា