Connect with us

សន្តិសុខសង្គម

ឃុំខ្លួនពាណិជ្ជករចិនម្នាក់ចេញសែកអត់លុយជាង​៥​លានដុល្លារ

បានផុស

នៅ

ពាណិជ្ជករជនជាតិចិនម្នាក់ ត្រូវបានចៅក្រមសាលាដំបូងរាជធានីភ្នំពេញ ចេញដីកាសម្រេចឃុំខ្លួនពាក់ព័ន្ធបទល្មើសចេញ​មូលប្បទានប័ត្រគ្មានប្រាក់ជាង៥លានដុល្លារសងទៅអោយម្ចាស់បំណុល ។

ជនសង្ស័យដែលត្រូវបានចាប់ខ្លួន និងបញ្ជូនមកតុលាការឃុំខ្លួននាថ្ងៃទី០១ ខែមីនា ឆ្នាំ២០២៣នេះ ឈ្មោះ WU QUANG​ JIE ភេទប្រុស ឆ្នាំកំណើត ឆ្នាំ១៩៧៤ ជនជាតិចិនហុងកុង មានទីលំនៅផ្ទះលេខ១៣ ផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ ជាមេការ និងតំណាងក្រុមហ៊ុនសាងសង់ហ្សុងលាន អុិនធើណេសិនណល វេសមិន ។

សមត្ថកិច្ចបានបញ្ជាក់ថា ជនសង្ស័យត្រូវបានឃាត់ខ្លួនតាមដីកាបញ្ជាអោយចូលខ្លួនរបស់លោក ច្រឹង ខ្មៅ ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ ចុះថ្ងៃទី ១៧កុម្ភៈ ឆ្នាំ២០២៣ ហើយសមត្ថកិច្ចបានឃាត់ខ្លួនលោក WU QUANG JIE កាលពីថ្ងៃទី២៤ ខែកុម្ភៈ ឆ្នាំ២០២៣ នៅចំណុចផ្លូវលេខ ៣១៥ សង្កាត់បឹងកក់១ ខណ្ឌទួលគោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមអង្គហេតុ និងពាក្យបណ្ដឹងរបស់ម្ចាស់បំណុលបានបញ្ជាក់ថា កាលពីថ្ងៃទី០២ ខែឧសភា ឆ្នាំ២០២២ ឈ្មោះ តាំង សុជាតិ និងឈ្មោះ WU QUANG JIE ជនជាតិចិន ជាតំណាងក្រុមហ៊ុន ហ្សុងលាន អុិនធើណេសិនណល វេសមិន បានស្នើសុំខ្ចីប្រាក់ចំនួន ៥ ៥០០ ០០០ ដុល្លារ ដោយឈ្មោះ តាំង សុជាតិ បានធ្វើលិខិតធានាអះអាងនឹងសងប្រាក់វិញតាមរយៈមូលប្បទានប័ត្រចំនួន៥សន្លឹក គឺមូលប្បទានប័ត្រលេខ -៧០៥៩១១ ចុះថ្ងៃទី ២០មិថុនា ឆ្នាំ២០២២ មានទឹកប្រាក់ចំនួន៦០មុឺនដុល្លារ ។
⁃ មូលប្បទានប័ត្រលេខ ៧០៥៩១៤ មានទឹកប្រាក់ចំនួន៥០មុឺនដុល្លារ ចុះថ្ងៃទី ២៧មិថុនា ឆ្នាំ២០២២ ។
⁃ មូលប្បទានប័ត្រលេខ ៧០៥៩១៣ មានទឹកប្រាក់ចំនួន ៣លាន៥សែនដុល្លារ ចុះថ្ងៃទី ១៩សីហា ឆ្នាំ២០២២ ។
⁃ មូលប្បទានបត្រលេខ ៧០៥៩១៥ មានទឹកប្រាក់ចំនួន៥០មុឺនដុល្លារ ចុះថ្ងៃទី ២៦សីហា ឆ្នាំ២០២២ ។
⁃ មូលប្បទានបត្រលេខ ៧០៥៩២០ មានទឹកប្រាក់ចំនួន៤០មុឺនដុល្លារ ចុះថ្ងៃទី ២៦សីហា ឆ្នាំ២០២២ ។

លុះដល់ថ្ងៃទី ១៨តុលា ឆ្នាំ២០២២ ម្ចាស់បំណុលបានយកមូលប្បទានបត្រដែលមានទឹកប្រាក់ ៣លាន៥សែនដុល្លារទៅបើកប្រាក់ ស្រាប់តែខាងធនាគារបានឆ្លើយតបតាមរយៈមូលប្បទានបត្របញ្ជូនត្រឡប់ ចុះថ្ងៃទី ១៨ខែតុលា ឆ្នាំ២០២២ ដោយមូលហេតុ « គ្មានសាច់ប្រាក់ » ។

បន្ទាប់ម្ចាស់បំណុលបានស្វះស្វែងរកជួបឈ្មោះ តាំង សុជាតិ និង WU QUANG JIE ដើម្បីពិភាក្សាបញ្ហាបំណុល ហើយពួកគេបានសុំពន្យាពេលសងរហូតដល់ថ្ងៃទី ២៤វិច្ឆិកា ឆ្នាំ២០២២ ដោយមានឈ្មោះ ឃួន សេងគីន ជាសាក្សីផង បានចូលខ្លួនមកដោះស្រាយបំណុលដោយធ្វើលិខិតទទួលស្គាល់កំហុស និងជំពាក់បំណុលសរុប ៥ ៧៣០ ០០០ដុល្លារ និងបានប្ដូរមូលប្បទានបត្រចំនួន៥សន្លឹករបស់ធនាគារចិនហុងកុង ប៉ុន្តែមូលប្បទានបត្រនេះគ្មានប្រាក់ដដែល ទើបម្ចាស់បំណុលដាក់ពាក្យប្ដឹងមកសមត្ថកិច្ចតែម្ដង ៕

អត្ថបទ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤០ នាទី មុន

អគ្គិភ័យ​លេប​ត្របាក់​ផ្ទះ​ប្រជាពលរដ្ឋ​ បណ្ដាល​ឱ្យ​បុរស​ជា​ម្ចាស់ផ្ទះ​ស្លាប់​ក្នុង​ភ្នក់ភ្លើង

ព័ត៌មានជាតិ៤៤ នាទី មុន

រដ្ឋមន្ត្រីក្រសួងយុត្តិធម៌ អះអាងមិនឱ្យឃាតករ ស្រី ស៊ីណា​ រួចខ្លួនពីសំណាញ់ច្បាប់ជាដាច់ខាត

សេដ្ឋកិច្ច១ ម៉ោង មុន

អ្នកជំនាញយល់ឃើញខុសគ្នា ជុំវិញការផ្ដល់កម្ចីលើវិស័យអចលទ្រព្យ

ព័ត៌មានជាតិ២ ម៉ោង មុន

ដាក់​ឱសានវាទ​​ចុះ​រៀបចំ​តំបន់​អន្ទង់អាំង (ភ្នំ ១៥០០) ឱ្យ​ទៅជា​តំបន់​បៃតង ជា​តំបន់អេកូទេសចរណ៍ធម្មជាតិ

សន្តិសុខសង្គម២ ម៉ោង មុន

ឃាត់ខ្លួនអ្នកបើកបរតាក់ស៊ី ម្នាក់ ក្រោយធ្វើសកម្មភាពឆបោកប្រាក់​តាមធនាគារ

កីឡា២៤ ម៉ោង មុន

U20បាល់ទះ​កម្ពុជា មិនអាច​ឡើងវគ្គចែកពូលជើងឯកអាស៊ីបានឡើយ បន្ទាប់ពីចាញ់វៀតណាម

ព័ត៌មានជាតិ២២ ម៉ោង មុន

ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា

ព័ត៌មានជាតិ៧ ម៉ោង មុន

បញ្ចេញបញ្ជី​​ឈ្មោះ​គ្រឹះស្ថាន​ធនាគារ និង​ហិរញ្ញវត្ថុ​​ស្របច្បាប់នៅកម្ពុជា បញ្ចៀស​ពលរដ្ឋ​កុំ​ប្រើ​សេវាក្រៅផ្លូវការ​នាំ​ហានិភ័យ​ខ្ពស់

ព័ត៌មានជាតិ២០ ម៉ោង មុន

តុលាការបញ្ជាឃុំខ្លួននគរបាល២រូប និងបក្សពួក ក្រោយលួចធ្វើអត្តសញ្ញាណប័ណ្ណឱ្យជនជាតិវៀតណាម

វប្បធម៌ ជំនឿ១០ ម៉ោង មុន

កំហុស ៣ យ៉ាង តាមជំនឿហុងស៊ុយ មិនគួរធ្វើដាច់ខាតសម្រាប់ទ្វារផ្ទះ

Sokha Hotels

ព័ត៌មានពេញនិយម