ព័ត៌មានជាតិ
សុំសោមិនបានប្តីយកកាំបិតបុ័ង តោកាប់ប្រពន្ធ របួស១៥០ថ្នេររួចចាក់ពោះខ្លួនឯង
ជនសង្ស័យជាប្តី ខឹងយកសោរបងផ្ទះពីប្រពន្ធមិនបាន ទាញកាំបិតបុ័ងតោកាប់ទៅលើប្រពន្ធខ្លួនឯង បណ្ដាលឲ្យរងរបួសធ្ងន់ដេរ១៥០ថ្នេរ រួចយកកូនកាំបិតទៅចាក់ពោះខ្លួនឯងចំនួន២កាំបិតបន្ថែមទៀត បណ្ដាលឲ្យរងរបួសដេរ៧ថ្នេរ ដែលហេតុការនេះកើតឡើងកាលពីវេលាម៉ោង០៧ និង៥៥នាទី កាលពីថ្ងៃទី២៩ ខែកក្កដា ឆ្នាំ២០២១ ស្ថិតក្នុងភូមិទួលលាប ឃុំព្រៃពួច ស្រុកអង្គស្នួល ខេត្តកណ្តាល។
មន្ត្រីនគរបាលស្រុកអង្គស្នួលបានឲ្យដឹងថា ជនរងគ្រោះឈ្មោះ រៀម សុខលី ភេទស្រី អាយុ២៤ឆ្នាំ ជនជាតិខ្មែរ មុខរបរកសិករ។ ចំណែកជនសង្ស័យឈ្មោះ យ៉ុង សុវណ្ណរ៉ា ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិទួលលាប ឃុំព្រៃពួច ស្រុកអង្គស្នួល ខេត្តកណ្តាល។ វត្ថុតាងចាប់យក កាំបិតចុងស្រួចចំនួន០២ដើម។
ប្រភពដដែលបានឲ្យដឹងទៀតថា កន្លងមកជនសង្ស័យជាមនុស្សមានសតិមិនគ្រប់គ្រាន់(ជំងឺសតិអារម្មណ៍) លុះមកដល់ថ្ងៃខែវេលាម៉ោងកើតហេតុ ជនសង្ស័យនិងជនរងគ្រោះ(ជាប្ដីនឹងប្រពន្ធ) បាននៅផ្ទះជាមួយគ្នា បន្ទាប់មកជនសង្ស័យបានសូមជនរងគ្រោះយកសោទ្វាររបងផ្ទះ ដើម្បីចាក់សោទ្វារហើយចេញទៅរកម្ដាយនៅកន្លែងធ្វើការងារ ដោយជនរងគ្រោះមិនព្រមឲ្យកូនសោទ្វារ ទើបជនសង្ស័យខឹងក៏ស្រែកឡូឡារករឿង ហើយបានទាត់ជនរងគ្រោះចំនួន០៣ជើង បន្ទាប់មកបានទាញយកកាំបិតមកកាប់ក្បាលជនរងគ្រោះចំនួន០៤កាំបិត និងកាប់ចំដៃស្ដាំចំនួន០១កាំបិត បណ្ដាលឲ្យរងរបួសដេរចំនួន១៥០ថ្នេរ ក្រោយពីជនសង្ស័យធ្វើសកម្មភាពរួចហើយ បានផ្លោះតាមរបងខាងក្រោយផ្ទះរត់ទៅអង្គុយកណ្ដាលវាលស្រែ។
ក្រោយពីសមត្ថកិច្ចទទួលព័ត៌មានពីគ្រួសារជនរងគ្រោះ ភ្លាមនោះបានចុះទៅដល់កន្លែងកើតហេតុ ហើយបានរកឃើញជនសង្ស័យនៅអង្គុយកណ្ដាលវាលស្រែ បានយកកាំបិតចាក់ពោះខ្លួនឯងចំនួន០២កាំបិតដេរចំនួន០៧ថ្នេរ ហើយសមត្ថកិច្ចចូលទៅឃាត់ខ្លួនជនសង្ស័យនិងវត្ថុតាង ដើម្បីបញ្ជូនទៅមន្ទីរពេទ្យព្យាបាល និងសួរនាំចាត់ការតាមនីតិវិធីច្បាប់៕
អត្ថបទ៖ ឧត្តរ៉ា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ